ବ୍ରହ୍ମପୁର ଘଟଣା : ଘଟଣା ସ୍ଥଳରେ ବ୍ରହ୍ମପୁର ଏସପି

ବ୍ରହ୍ମପୁର ( ଦ କୁଇଭର ):- ବ୍ରହ୍ମପୁର ଉପକଣ୍ଠ ନିମଖଣ୍ଡି ଥାନା ଅନ୍ତର୍ଗତ ଶକ୍ତି ନଗର ସ୍ଥିତ ଶ୍ରୀମା ନଗର ଦ୍ୱିତୀୟ ଗଳିରେ ମା' ଓ ଝିଅକୁ ଖଣ୍ଡାରେ ଆକ୍ରମଣ ହୋଇଛି l ସକାଳୁ ସକାଳୁ ସୋଇଥିବା ଅବସ୍ଥାରେ ମା'କୁ ଗଳା କାଟି ହତ୍ୟା କରାଯାଇଥିବା ବେଳେ ନାବାଳିକାକୁ ଘାତକ ଆକ୍ରମଣ କରି ବାହର ପଟୁ ତାଲା ପକାଇ ଫେରାର ହୋଇଯାଇଛି ଦୁର୍ବୁତ୍ତ l ଦୀର୍ଘ ସମୟ ପର୍ଯ୍ୟନ୍ତ ମହିଳା ଜଣକ ଘର କବାଟ ନ ଖୋଲିବାରୁ କିମ୍ବା କୌଣସି ଶବ୍ଦ ନ ଆସିବାରୁ ଘର ମାଲିକ ସନ୍ଦେହ କରି ମୃତକ ମହିଳାଙ୍କ ସ୍ୱାମୀଙ୍କୁ ଫୋନ କରି ଘଟଣା ବିଷୟରେ ଜଣାଇଥିଲେ l ତେଵେ ମୃତା ସ୍ତ୍ରୀ'ଙ୍କ ସ୍ୱାମୀ ଭୁବନେଶ୍ୱରର ଏକ ଘରୋଇ କମ୍ପାନୀରେ କାମ କରୁଥିବା ବେଳେ ଗତ ୩ ତାରିଖରେ ଏହି ଘରେ ଭଡାରେ ରହିଥିବା ଜଣାପଡିଛି l କେମିତି ହତ୍ୟା ହେଲା ସେ ନେଇ କିଛି ଜାଣି ନଥିବା ପରିବାର ଏବଂ ସମ୍ପର୍କୀୟ କହିଥିବା ବେଳେ ଜୈନିକ ବ୍ୟବସାୟୀ ଜଣକଙ୍କୁ ସନ୍ଦେହ କରିଛନ୍ତି ପରିବାରବର୍ଗ ମୃତ ମହିଳାଙ୍କ ପରିବାର ଓ ସମ୍ପର୍କୀୟ l ମହିଳା ଜଣକ,ଗାୟତ୍ରୀ ସ୍ୱାଇଁ ଘଟଣା ସ୍ଥଳରେ ହିଁ ମୃତ୍ୟୁ ବରଣ କରିଥିବାବେଳେ ଝିଅ ନିଲମ ସ୍ୱାଇଁକୁ ଗୁରୁତ୍ତର ଅବସ୍ଥାରେ ବ୍ରହ୍ମପୁର ଏମକେସିଜି ମେଡ଼ିକାଲରେ ଭର୍ତ୍ତି କରାଯାଇଛି l ଘଟଣା ସ୍ଥଳରେ ସାଇଣ୍ଟିଫିକ ଟିମ ପହଂଚି ଘଟଣାର ଅଧିକ ତଦନ୍ତ କରିଥିବାବେଳେ ଖୁବ ଶୀଘ୍ର ଘଟଣାରେ ସମ୍ପୃକ୍ତ ଅଭିଯୁକ୍ତଙ୍କୁ ଧରାଯିବ ବୋଲି ଘଟଣା ସ୍ଥଳରୁ ବ୍ରହ୍ମପୁର ଏସ.ପି ଡ଼ା ଶ୍ରବଣା ଵିଵେକ ଏମ ସୂଚନା ଦେଇଛନ୍ତି l