ଦ କୁଇଭର ବ୍ୟୁରୋ :- ପ୍ରତିଦିନ ଟ୍ରାଫିକ ସମସ୍ୟା ଭୋଗୁଛନ୍ତି କି ? ଘଣ୍ଟା ଘଣ୍ଟା ସମୟ ଟ୍ରାଫିକ ପାଇଁ ବିଳମ୍ବ ହେଉଛି କି ? ତା'ହେଲେ ଏଥର ଆଉ ଚିନ୍ତା କରନ୍ତୁନି, ଏଣିକି ଆସିଯାଇଛି ନୂଆ ସଲ୍ୟୁସନ୍..
ଏଣିକି ରୋପୱେରେ ଆପଣମାନେ ନିଜ ଗନ୍ତବ୍ୟ ସ୍ଥଳରେ ପହଂଚିପାରିବେ l ପ୍ରତିଦିନ ପ୍ରାୟ ଏକ ଲକ୍ଷ ଯାତ୍ରୀ ଯା,ଆସ କରିପାରିବେ,ଆଉ ଏହା ସାରା ସହରରେ ସଂଯୋଗୀକରଣକୁ ବୃଦ୍ଧି କରିବ ବୋଲି ଏଭଳି ନିଷ୍ପତି ନେଇଛନ୍ତି କେନ୍ଦ୍ର ସରକାର l ହେଲେ ଏହା ପ୍ରାରମ୍ଭିକ ଭାବେ ଉତ୍ତରପ୍ରଦେଶର ବାରଣାସୀରୁ ଆରମ୍ଭ ହୋଇଛି l ପ୍ରାୟ ୮୧୫ କୋଟି ଟଙ୍କା ବ୍ୟୟରେ ଏହା ନିର୍ମିତ ହେବ,ପାଖାପାଖି କିଲୋମିଟର କରିଡରରେ ପାଞ୍ଚଟି ଷ୍ଟେସନ ଏବଂ ୧୪୮ ଗୋଣ୍ଡୋଲା ରହିବ l ରୋପ୍ୱେଟି ନ୍ୟାସନାଲ୍ ହାଇୱେ ଲଜିଷ୍ଟିକ୍ସ ମ୍ୟାନେଜମେଣ୍ଟ ଲିମିଟେଡ୍ ଦ୍ୱାରା ବିକଶିତ ହେଉଛି, ଏହି ରୋପୱେ ପ୍ରକଳ୍ପ ବାରାଣସୀର ସହରାଞ୍ଚଳ ପରିବହନରେ ଉଲ୍ଲେଖନୀୟ ଉନ୍ନତି ଆଣିବ ବୋଲି ଆଶା କରାଯାଉଛି l ପୂର୍ବରୁ, ୨୦୨୩-୨୪ ପାଇଁ ଉତ୍ତର ପ୍ରଦେଶ ବଜେଟର ରାଜ୍ୟରେ ରେଳ ଏବଂ ରୋପ୍ୱେ ସଂଯୋଗୀକରଣ ବୃଦ୍ଧି ପ୍ରତି ବିଶେଷ ଧ୍ୟାନ ଦିଆଯାଇଥିଲା l ବାରାଣସୀରେ ସାର୍ବଜନୀନ ପରିବହନ ପାଇଁ ଭାରତର ପ୍ରଥମ ରୋପୱେ ପ୍ରକଳ୍ପକୁ ବିଶେଷ ପ୍ରାଥମିକତା ଦିଆଯାଇଥିଲା,ଏବେ ଏହାର ଟ୍ରାଏଲ ରନ୍ ଚାଲିଛି l
