ଦ କୁଇଭର ବ୍ୟୁରୋ :- ପଶ୍ଚିମକେନ୍ଦ୍ରୀୟ ବଙ୍ଗୋପସାଗରରେ ସକ୍ରିୟ ରହିଛି ଗଭୀର ଅବପାତ । ଆଜି ରାତିରେ ଏହା ଗଭୀର ଅବପାତ ଭାବେ ଓଡ଼ିଶା ଓ ଆନ୍ଧ୍ର ପ୍ରଦେଶ ଉପକୂଳ ଅତିକ୍ରମ କରିବ । ଗୋପାଳପୁରରୁ ପାରାଦୀପ ମଧ୍ୟରେ ଅତିକ୍ରମ କରିବ। ଉପକୂଳ ଅତିକ୍ରମ କଲା ବେଳେ ପବନର ବେଗ ଘଣ୍ଟା ପ୍ରତି ୫୫ ରୁ ୬୫ କିଲୋମିଟର ରହିବ । ଝଟକା ପବନର ବେଗ ୭୫ କିଲୋମିଟର ରହିପାରେ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ l ଫଳରେ ଗଭୀର ଅବପାତ ପ୍ରଭାବରେ ଭୀଷଣ ବର୍ଷା ପାଇଁ ୭ ଜିଲ୍ଲାକୁ ରେଡ୍ ୱାର୍ଣ୍ଣିଂ ଜାରି ହୋଇଛି। ଗଞ୍ଜାମ, ଗଜପତି,କୋରାପୁଟ, କଳାହାଣ୍ଡି, କନ୍ଧମାଳ, ରାୟଗଡ଼ା, ପୁରୀ ଜିଲ୍ଲା ପାଇଁ ରେଡ୍ ୱାର୍ଣ୍ଣିଂ ଜାରି କରିଥିବା ବେଳେ ୧୬ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି କରିଛି ଆଇଏମଡି l
ଏହି ଅବସରରେ ଗୋପାଳପୁର ବେଳାଭୂମିରେ କଡାକଡି କରାଯାଇଛି ସୁରକ୍ଷା ବିଭାଗ l ଆଇଆଇସି ଗୋପାଳପୁର ପ୍ରଶାନ୍ତ ମଲ୍ଲିକ ଓ ଠାକୁର ପ୍ରସାଦ ଅଗ୍ନିଶମ ବିଭାଗଙ୍କ ନେତୃତ୍ୱରେ ସମ୍ଭାବ୍ୟ ବାତ୍ୟାକୁ ନେଇ ଚାଲିଛି ସଚେତନତା l ବେଳାଭୂମି ପରିସରକୁ ସାଧାରଣ ଜନତାଙ୍କୁ ବାରଣ କରାଯାଇଛି ଏବଂ ମସ୍ଚ୍ୟଯିବିଙ୍କୁ ମଧ୍ୟ ବାରଣ କରିଛି ପୋଲିସ ଏବଂ ଦମକଳ ବାହିନୀ l ସ୍ୱତନ୍ତ୍ର ବାଇକ ଯୋଗେ ବେଳାଭୂମି ପରିସରରେ ବାତ୍ୟାକୁ ନେଇ ସଚେତନତା କରୁଥିବା ଦେଖିବାକୁ ମିଳିଛି l
