ପୁଣି ବାରବାଟୀରେ ଖେଳାଯିବ ଟି-୨୦ ମ୍ୟାଚ୍

ଭୁବନେଶ୍ୱର ( ଦ କୁଇଭର ):- ସତୁରି ଦଶକରୁ ଆଜି ପର୍ଯ୍ୟନ୍ତ ଘର ଖଣ୍ଡିଏ ପାଇବା ଗରିବ ଓ ସାଧାରଣ ଲୋକଙ୍କ ପାଇଁ ବଡ ସମସ୍ୟା ହୋଇ ରହିଛି। ଆଜି ମଧ୍ୟ ଅନେକଙ୍କ ମୁଣ୍ଡ ଗୁଞ୍ଜିବା ପାଇଁ ଘର ଖଣ୍ଡିଏ ବି ନାହିଁ। ଏ ସମସ୍ୟାର ସମାଧାନ ହେବ ଏବଂ ସମସ୍ତଙ୍କୁ ପକ୍କା ଘର ମିଳିବ। ଅନ୍ତ୍ୟୋଦୟ ଗୃହ ଯୋଜନାରେ ସବୁଠାରୁ ଗରିବ ଓ ଅସହାୟ ଲୋକଙ୍କ ପାଇଁ ଘର ଦିଆଯିବ। ରବିବାର କଳାହାଣ୍ଡିର ଭବାନୀପାଟଣାରେ ଅନ୍ତ୍ୟୋଦୟ ଗୃହ ଯୋଜନାର ଶୁଭାରମ୍ଭ କରି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏହା କହିଛନ୍ତି। ସେ ଆହୁରି କହିଛନ୍ତି,ଏହି ଯୋଜନା ଗ୍ରାମାଞ୍ଚଳର ପ୍ରତ୍ୟେକ ପରିବାର ପାଇଁ ସମ୍ମାନର ସହ ବଞ୍ଚିବାକୁ ଆଶା ଓ ଭରସା ଯୋଗାଇଦେବ। ମୁଖ୍ୟମନ୍ତ୍ରୀ ପୁଣି କହିଥିଲେ ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୦୧୮ ମସିହାରେ ସମସ୍ତଙ୍କୁ ପକ୍କା ଘର ଯୋଗାଇଦେଇ ଏହି ସମସ୍ୟାର ସମାଧାନ ପାଇଁ ଘୋଷଣା କରିଥିଲେ। ସେଥିପାଇଁ ପ୍ରଧାନମନ୍ତ୍ରୀ ଆବାସ ସହରୀ ଓ ଗ୍ରାମୀଣ ଆଦି ଯୋଜନା କାର୍ଯ୍ୟକାରୀ ହେଉଛି। ଏହାକୁ ଆହୁରି ଜୋରଦାର କରାଯାଇ ଓଡିଶାରେ ଆମେ ଆରମ୍ଭ କରିଛୁ ଅନ୍ତ୍ୟୋଦୟ ଗୃହ ଯୋଜନା। ଏହା ଦ୍ୱାରା ସମସ୍ତଙ୍କ ପାଇଁ ଘର ସୁନିଶ୍ଚିତ କରାଯାଇ ପାରିବ।

ତେବେ ରବିବାର ପ୍ରଥମ ଦିନରେ ଅନ୍ତ୍ୟୋଦୟ ଗୃହ ଯୋଜନାରେ ୬୦ ହଜାର ଘର ପାଇଁ କାର୍ଯ୍ୟାଦେଶ ଦିଆଯାଇଛି। ଆଗାମୀ ୩ ବର୍ଷରେ ୫ ଲକ୍ଷରୁ ଊର୍ଦ୍ଧ୍ୱ ଘର ନିର୍ମାଣ କରାଯିବାର ଲକ୍ଷ୍ୟ ରଖାଯାଇଛି। ଚଳିତ ବର୍ଷ ଏହି ଯୋଜନା ପାଇଁ ୨,୬୦୦ କୋଟି ଟଙ୍କାର ବଜେଟ ବ୍ୟବସ୍ଥା କରାଯାଇଥିବା ବେଳେ ଆଗାମୀ ୩ ବର୍ଷରେ ଏଥିପାଇଁ ୭,୫୫୦ କୋଟି ଟଙ୍କା ବିନିଯୋଗ କରାଯିବ।

ଦ କୁଇଭର ବ୍ୟୁରୋ :- ଆଜି ଉତ୍କଳ ଦିବସ । ପ୍ରତ୍ୟେକ ଓଡ଼ିଆଙ୍କ ପାଇଁ ଏହା ଗର୍ବ ଓ ଗୌରବର ଦିନ । ୧୯୩୬ ମସିହା, ଏପ୍ରିଲ ୧ ତାରିଖରେ ଓଡ଼ିଶାକୁ ମିଳିଥିଲା ଦେଶର ପ୍ରଥମ ଭାଷାଭିତିକ ରାଜ୍ୟ ମାନ୍ୟତା । ଏହାରି ଭିତରେ ୮୯ ବର୍ଷ ପୂର୍ଣ୍ଣ ହୋଇଛି । ସ୍ୱତନ୍ତ୍ର ପ୍ରଦେଶ ଭାବେ ଓଡ଼ିଶାକୁ ମିଳିଥିବା ମାନ୍ୟତାକୁ ଅତ୍ୟନ୍ତ ଆନନ୍ଦ ଉଲ୍ଲାସ ସହ ଉତ୍କଳ ଦିବସ ଭାବେ ପାଳନ କରାଯାଇଆସୁଛି ।

ଏହି ଦିନକୁ ସ୍ମରଣୀୟ କରିବା ପାଇଁ ଆଜି ରାଜ୍ୟବାସୀ ବେଶ୍ ଧୁମଧାମରେ ପାଳନ କରିବେ ଉତ୍କଳ ଦିବସ । ଉତ୍କଳ ଦିବସ ପାଇଁ ରାଜଧାନୀର ପ୍ରମୁଖ ସରକାରୀ କାର୍ଯ୍ୟାଳୟକୁ ରଂଗୀନ ଆଲୋକମାଳାରେ ସଜ୍ଜିତ କରାଯାଇଛି । ବିଧାନସଭା, ଲୋକସେବା ଭବନ, ଖାରବେଳ ଭବନ, ନିର୍ମାଣ ସୌଧ, କମିସନରେଟ୍ ପୁଲିସ ମୁଖ୍ୟାଳୟ ରଙ୍ଗ ବେରଙ୍ଗ ଆଲୋକରେ ଝଲସି ଉଠିଛି । ସେହିପରି କୃଷି ଭବନ, ରିଜର୍ଭ ବ୍ୟାଙ୍କ ଓ ଏସ୍ବିଆଇ ମୁଖ୍ୟ କାର୍ଯ୍ୟାଳୟକୁ ମଧ୍ୟ ସଜା ଯାଇଛି ।

ଦ କୁଇଭର ବ୍ୟୁରୋ :- ଓଡ଼ିଶାରୁ ହଟିଲା ହିଟୱେଭ ୱାର୍ଣ୍ଣିଂ । ଆଜିଠାରୁ ତାପମାତ୍ରା ଧୀରେ ଧୀରେ ହ୍ରାସ ପାଇବ । ଆଗାମୀ ୪ରୁ ୫ ଦିନ ମଧ୍ୟରେ ଦିନ କିମ୍ବା ରାତିର ତାପମାତ୍ରାରେ ବିଶେଷ ପରିବର୍ତ୍ତନ ହେବାର ନାହିଁ । ମାର୍ଚ୍ଚ ୩୧ ଓ ଏପ୍ରିଲ ୧ ତାରିଖରେ ରାଜ୍ୟରେ କିଛି ସ୍ଥାନରେ ହାଲୁକା ବର୍ଷା ହେବ । ସେପଟେ ଏପ୍ରିଲ ୨ରୁ ୫ ତାରିଖ ପର୍ଯ୍ୟନ୍ତ କିଛି ଜିଲ୍ଲାରେ ବର୍ଷା ସହ ବିଜୁଳି ଘଡ଼ଘଡ଼ି ହେବାର ସମ୍ଭାବନା ରହିଥିବା ପାଣିପାଗ ବିଭାଗ ପୂର୍ବାନୁମାନ କରିଛି । ଏପ୍ରିଲ ପହିଲାରୁ ରାଜ୍ୟରେ ବର୍ଷା ହେବ । ୨ ତାରିଖରୁ ୫ ତାରିଖ ପର୍ଯ୍ୟନ୍ତ ବର୍ଷା ଲାଗି ରହିବ । ୨ ତାରିଖରେ ମାଲକାନଗିରି ଓ କୋରାପୁଟରେ ବର୍ଷା ହେବ । ସେହିପରି ୩ ତାରିଖରୁ ୫ ତାରିଖ ପର୍ଯ୍ୟନ୍ତ ବର୍ଷାର ପରିମାଣ ଧିରେ ଧିରେ ବୃଦ୍ଧି ପାଇବ । ୩ ତାରିଖରେ ମାଲକାନଗିରି, କୋରାପୁଟ, ରାୟଗଡ଼ା, କଳାହାଣ୍ଡି ଓ ନବରଙ୍ଗପୁର ଜିଲ୍ଲାରେ ବର୍ଷା ହେବାର ସମ୍ଭାବନା ରହିଛି । ୪ ତାରିଖରେ ମାଲକାନଗିରି, କୋରାପୁଟ, ରାୟଗଡ଼ା, ଗଜପତି, କଳାହାଣ୍ଡି ଓ ନବରଙ୍ଗପୁରରେ ବର୍ଷା ହେବ । ୫ ତାରିଖ ବେଳକୁ ବର୍ଷାର ପରିମାଣ ବଢ଼ିବା ସହ ୯ ଜିଲ୍ଲାରେ ବର୍ଷା ହେବ । ଜିଲ୍ଲା ଗୁଡ଼ିକ ହେଉଛି, ପୁରୀ, ଜଗତସିଂହପୁର, ଗଞ୍ଜାମ, ଗଜପତି, ରାୟଗଡ଼ା, କୋରାପୁଟ, ମାଲକାନଗିରି, ନବରଙ୍ଗପୁର ଓ କଳାହାଣ୍ଡି । ତେବେ ଜିଲ୍ଲାଗୁଡ଼ିକରେ ବର୍ଷା ସହ ବିଜୁଳି ଘଡ଼ଘଡ଼ି ହେବାର ସମ୍ଭାବନା ରହିଥିବା ପୂର୍ବାନୁମାନ କରିଛି ପାଣିପାଗ ବିଭାଗ ।

କଟକ( ଦ କୁଇଭର ):- ପୁଣି ବାରବାଟୀରେ ହେବ ଅନ୍ତର୍ଜାତୀୟ କ୍ରିକେଟ ମ୍ୟାଚ । ବାରବାଟୀରେ ଖେଳାଯିବ ଭାରତ ବନାମ ଦକ୍ଷିଣ ଆଫ୍ରିକା ଟି-20 ମୁକାବିଲା । କଟକ ବାରବାଟୀକୁ ଫେରିବ ଫଟାଫଟ କ୍ରିକେଟ । ଡିସେମ୍ବର ୯ ତାରିଖରେ ଭାରତ ବନାମ ଦକ୍ଷିଣ ଆଫ୍ରିକା ଟି-20 ଫାଇଟ୍ । ୫ ଟିକିଆ ଟି-20 ସିରିଜର ପ୍ରଥମ ମ୍ୟାଚ ଖେଳାଯିବ ବାରବାଟୀରେ । ବିସିସିଆଇ ପକ୍ଷରୁ ସୂଚନା । ଗତ ଫେବୃଆରୀରେ ଭାରତ-ଇଂଲଣ୍ଡ ଖେଳିଥିଲେ ଦିନିକିଆ ମ୍ୟାଚ ଏବଂ ଭାରତ ମ୍ୟାଚରେ ବିଜୟୀ ହୋଇଥିଲା । ଏପଟେ ୨୦୨୫ ଘରୋଇ ସିଜିନରେ ଭାରତ ଖେଳିବାକୁ ଥିବା ଚାରୋଟି ଟେଷ୍ଟ୍ ଅହମ୍ମଦାବାଦ, କୋଲକାତା, ନୂଆଦିଲ୍ଲୀ ଏବଂ ଗୌହାଟିରେ ଅନୁଷ୍ଠିତ ହେବ ।

ଭୁବନେଶ୍ୱର( ଦ କୁଇଭର ):- ପୁଣି ଗର୍ଜିଛି କମିସନରେଟ୍‌ ପୁଲିସର ବନ୍ଧୁକ। ଗୁରୁବାର ରାତିରେ ବଡ଼ଗଡ଼ ଥାନା ପୁଲିସ ଓ ସ୍ପେସାଲ୍‌ କ୍ରାଇମ୍‌ ୟୁନିଟ୍‌ ପକ୍ଷରୁ ହୋଇଛି ଡବଲ୍‌ ଏନ୍‌କାଉଣ୍ଟର୍‌। ଏଥିରେ ବିହାର କଟିହାର ଅଞ୍ଚଳ ଖୋରା ଗ୍ୟାଙ୍ଗ୍‌ର ୨ କୁଖ୍ୟାତ ଅପରାଧୀ ଆହତ ହୋଇଛନ୍ତି। ସେମାନେ ହେଲେ ମନୀଷ ଯାଦବ(୨୮) ଓ ସୋନୁ ଯାଦବ(୨୭)। ଉଭୟ ପକ୍ଷଙ୍କ ମଧ୍ୟରେ ପ୍ରାୟ ୭ ରାଉଣ୍ଡ ଗୁଳି ବିନିମୟ ହୋଇଛି। ପୁଲିସ ସେମାନଙ୍କ ନିକଟରୁ ୨ଟି ମାଉଜର୍‌( ଗୋଟିଏ ୯ଏମ୍‌ଏମ୍‌ ଓ ଅନ୍ୟଟି ୭.୬୫ ଏମ୍‌ଏମ୍‌) ଓ କିଛି ଗୁଳି ଜବତ କରିଛି। ଏହାକୁ ମିଶାଇ କମିସନରେଟ୍‌ ପୁଲିସ ୩ ମାସରେ ତିନିଥର ଏନ୍‌କାଉଣ୍ଟର୍‌ କଲାଣି ଏବଂ ୪ ଜଣ ଅନ୍ତଃରାଜ୍ୟ ଲୁଟେରା ଘାଇଲା ହୋଇଛନ୍ତି। ସେମାନଙ୍କୁ ୨୦ ତାରିଖ ଦିନ ଏହି ଲୁଟେରାଯୋଡ଼ି ରାଜଧାନୀରେ ୬ଟି ଚେନ୍‌ ଛିନ୍‌ତାଇ କରିଥିଲେ। ଦିନକରେ ଛଅଟି ଛିନ୍‌ତାଇ ଘଟଣା ପୁଲିସର ନିଦ ହଜାଇ ଦେଇଥିଲା। କଳା ପଲସର୍‌ରେ ବୁଲିବୁଲି ଏହି ଯୋଡ଼ି ଲୁଟ୍‌ କରିବା ପରେ ହଠାତ୍ ଗାଏବ ହୋଇଯାଇଥିଲେ। ପୁଲିସ ବିଭିନ୍ନ ସ୍ଥାନରୁ ତଥ୍ୟ ସଂଗ୍ରହ କରି ଏହି ଯୋଡ଼ିଙ୍କୁ ଚିହ୍ନଟ କରିଥିଲା। କିନ୍ତୁ ସେମାନେ ବିହାର ପଳାଇଥିବାରୁ ପୁଲିସ ସେମାନଙ୍କ ଲେଉଟାଣିକୁ ଅପେକ୍ଷା କରିଥିଲା। ଗତକାଲି ଏହି ଲୁଟେରା ଯୋଡ଼ି ଭୁବନେଶ୍ବର ଫେରିବା ଜାଣି ପୁଲିସ ପିଛା କରୁଥିଲା। ଆଜି ରାତି ପ୍ରାୟ ୯ଟା ବେଳେ ପୁଲିସ ଟିମ୍‌ ଉଭୟଙ୍କୁ ଟଙ୍କପାଣି ବ୍ରିଜ୍‌ ନିକଟରେ ଠାବ କରିଥିଲେ। ପୁଲିସ ସାଦା ପୋଷାକରେ ଥିଲେ ମଧ୍ୟ ସେମାନେ ଜାଣିପାରି ଅନ୍ଧାରିଆ ହାଇଟେକ୍‌ ରାସ୍ତାରେ ବାଙ୍କୁଆଳ ଆଡ଼କୁ ପଳାଇଥିଲେ। ତେବେ ବାଙ୍କୁଆଳ ବାଲିଯାତ୍ରା ପଡ଼ିଆରେ ସେମାନଙ୍କ ପଲସର୍‌ ଏକ ସିମେଣ୍ଟ ‌ଚଉକିରେ ଧକ୍କା ହେବାରୁ ଉଭୟ ପଡ଼ିଯାଇଥିଲେ। ଖସି ପଳାଇବା ପାଇଁ ପୁଲିସ ଉପରକୁ ଗୁଳି ଚାଳନା କରିଥିଲେ। ମାତ୍ର ପୁଲିସର ପାଲଟା ଗୁଳିମାଡ଼ରେ ଉଭୟ ଆହତ ହୋଇଥିଲେ। ସେମାନଙ୍କୁ ପ୍ରଥମେ କ୍ୟାପିଟାଲ୍‌ ହସ୍ପିଟାଲ୍‌ ଓ ପରେ କଟକ ବଡ଼ ଡାକ୍ତରଖାନାକୁ ନିଆଯାଇଛି।

ଦ କୁଇଭର ବ୍ୟୁରୋ :- ବଲିଉଡରୁ ଆସିଛି ଏକ ଦୁଃଖଦ ଖବର । ବରିଷ୍ଠ ଅଭିନେତା ମନୋଜ କୁମାରଙ୍କ ଦେହାନ୍ତ ହୋଇଛି । ସେ ୮୭ ବର୍ଷ ବୟସରେ ମୁମ୍ବାଇର କୋକିଲାବେନ ଧୀରୁବାଇ ଅମ୍ବାନୀ ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ସେ ତାଙ୍କ ଫିଲ୍ମ କ୍ୟାରିୟରରେ ଅନେକ ଦେଶପ୍ରେମପୂର୍ଣ୍ଣ ସିନେମା କରିଥିଲେ । ସେଥିପାଇଁ ତାଙ୍କ ପ୍ରଶଂସକମାନେ ତାଙ୍କୁ ଭଲପାଇ 'ଭାରତ କୁମାର' ବୋଲି ଡାକୁଥିଲେ । ଖାସ୍ କରି, ସେ କ୍ରାନ୍ତି ଏବଂ ଉପକାର ଭଳି ଦେଶପ୍ରେମପୂର୍ଣ୍ଣ ଚଳଚ୍ଚିତ୍ର ପାଇଁ ପ୍ରସିଦ୍ଧ ଥିଲେ । ମନୋଜଙ୍କ ମୃତ୍ୟୁ ଖବର ତାଙ୍କ ଫ୍ୟାନ୍ସଙ୍କୁ ଦୁଃଖିତ କରିଛି । ସୋସିଆଲ ମିଡିଆରେ ସମସ୍ତେ ନିଜ ପ୍ରିୟ କଳାକାରଙ୍କୁ ନୀରବ ଆଖିରେ ବିଦାୟ ଦେଉଛନ୍ତି। ବରିଷ୍ଠ ଅଭିନେତାଙ୍କ ନିଧନରେ ସେଲିବ୍ରିଟିମାନେ ମଧ୍ୟ ଶୋକପ୍ରକାଶ କରିଛନ୍ତି ।

ଦ କୁଇଭର ବ୍ୟୁରୋ :-:ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ବିଶ୍ୱର ସମସ୍ତ ଦେଶ ଉପରେ ଶୁଳ୍କ ଘୋଷଣା କରିଛନ୍ତି। ଭାରତ ଉପରେ ୨୬ ପ୍ରତିଶତ ଶୁଳ୍କ ଘୋଷଣା କରାଯାଇଛି। ଯାହା ବିଶ୍ୱର ୧୪୦ ରୁ ଅଧିକ ଦେଶ ସହିତ ସମାନ। ଯାହା ଯୋଗୁ ଭାରତୀୟ ସେୟାର ବଜାରରେ ଆତଙ୍କ ଦେଖାଦେଇଛି।ବଜାର ଖୋଲିବା ମାତ୍ରେ ସେନସେକ୍ସ ୪୫୦ ପଏଣ୍ଟ ହ୍ରାସ ପାଇଛି। ଅନ୍ୟପକ୍ଷରେ, ନିଫ୍ଟି ମଧ୍ୟ ୧୮୦ପଏଣ୍ଟରୁ ଅଧିକ ହ୍ରାସ ପାଇଛି। ଏମକେ ରିପୋର୍ଟରେ କୁହାଯାଇଛି ଯେ, ଯଦି ଦେଶ ଉପରେ ୨୫ ପ୍ରତିଶତ ଶୁଳ୍କ ଲାଗୁ କରାଯାଏ, ତେବେ ଭାରତ ୩୧ ବିଲିୟନ ଡଲାର ପର୍ଯ୍ୟନ୍ତ କ୍ଷତି ସହିପାରେ।ଭାରତ ଉପରେ ଆମେରିକା ୨୬ ପ୍ରତିଶତ ଶୁଳ୍କ ଲାଗୁ କରିଛି। ଏହି ଶୁଳ୍କ ଯୋଗୁ ଆଇଟି ଷ୍ଟକ୍ ଏବଂ ବ୍ୟାଙ୍କିଙ୍ଗ୍ ଷ୍ଟକ୍‌ରେ ବଡ଼ ହ୍ରାସ ପରିଲକ୍ଷିତ ହୋଇଛି। ଟିସିଏସ୍ ଏବଂ ଇନଫୋସିସର ସେୟାରରେ ୨ ପ୍ରତିଶତରୁ ଅଧିକ ହ୍ରାସ ଘଟିଛି। ବିଶେଷଜ୍ଞମାନଙ୍କ ଅନୁସାରେ ଷ୍ଟକ୍ ମାର୍କେଟରେ ଟାରିଫ୍‌ର ପ୍ରଭାବ ଅଧିକ ଦିନ ପର୍ଯ୍ୟନ୍ତ ଦେଖାଯିବ ନାହିଁ।ବମ୍ବେ ଷ୍ଟକ୍ ଏକ୍ସଚେଞ୍ଜର ପ୍ରମୁଖ ସୂଚକାଙ୍କ ସେନସେକ୍ସ ଗୁରୁବାର ପୂର୍ବାହ୍ନ ୯ଟା ୩୫ରେ ୪୦୦ପଏଣ୍ଟରୁ ଅଧିକ ହ୍ରାସ ପାଇ ୭୬,୨୧୩.୯୯ ପଏଣ୍ଟରେ କାରବାର କରୁଥିଲା। ସେହି ସମୟରେ ସେନସେକ୍ସରେ ୮୦୯.୮୯ ପଏଣ୍ଟ ହ୍ରାସ ଘଟିଥିଲା। ଗୁରୁବାର ସେନସେକ୍ସ ୭୫,୮୧୧.୮୬ ପଏଣ୍ଟରେ ଖୋଲିଥିଲା। ଯେତେବେଳେ ଗୋଟିଏ ଦିନ ପୂର୍ବରୁ ସେନସେକ୍ସରେ ୫୯୩ ପଏଣ୍ଟ ବୃଦ୍ଧି ଘଟିଥିଲା।

ଅନ୍ୟପକ୍ଷରେ, ଜାତୀୟ ଷ୍ଟକ୍ ଏକ୍ସଚେଞ୍ଜର ମୁଖ୍ୟ ସୂଚକାଙ୍କ ନିଫ୍ଟି ମଧ୍ୟ ପୂର୍ବାହ୍ନ ୯ଟା ୩୫ରେ ପ୍ରାୟ ୬୫ ପଏଣ୍ଟ ବୃଦ୍ଧି ସହିତ ୨୩,୨୬୭.୮୦ ପଏଣ୍ଟରେ କାରବାର କରୁଥିଲା। ଯେତେବେଳେ ବାଣିଜ୍ୟ ଅଧିବେଶନ ସମୟରେ, ଏହା ପ୍ରାୟ ୧୮୦ପଏଣ୍ଟ ହ୍ରାସ ପାଇ ଦିନର ସର୍ବନିମ୍ନ ୨୩,୧୪୫.୮୦ପଏଣ୍ଟରେ ପହଞ୍ଚିଥିଲା। ପ୍ରକାଶ ଥାଉକି, ନିଫ୍ଟି ୨୩,୧୫୦.୩୦ ପଏଣ୍ଟରେ ଖୋଲିଥିଲା।ଟ୍ରମ୍ପଙ୍କ ଘୋଷଣା ପରେ ସକାଳେ ଖୋଲିଥିବା ସେୟାର ବଜାରରେ, ବ୍ୟାଙ୍କିଙ୍ଗ ଏବଂ ଆଇଟି ସେୟାରରେ ସବୁଠାରୁ ଅଧିକ ହ୍ରାସ ଦେଖିବାକୁ ମିଳିଥିଲା। ଦେଶର ସର୍ବବୃହତ ଆଇଟି କମ୍ପାନୀ ଟିସିଏସର ସେୟାର ୨.୪୦ ପ୍ରତିଶତ ହ୍ରାସ ସହିତ କାରବାର ହୋଇଥିଲା।ଯେତେବେଳେ ଇନଫୋସିସ୍ ସେୟାରରେ ୨.୨୮ ପ୍ରତିଶତ ହ୍ରାସ ପରିଲକ୍ଷିତ ହେଉଥିଲା। ଏଚ୍‍ସିଏଲ ଟେକ୍ ଏବଂ ଟେକ୍ ମହିନ୍ଦ୍ରାର ସେୟାର ୨ ପ୍ରତିଶତରୁ ଅଧିକ ହ୍ରାସ ସହିତ କାରବାର ହେଉଥିଲା। ଅନ୍ୟପକ୍ଷରେ, ଟାଟା ମୋଟର୍ସ ଏବଂ ଆଦାନୀ ପୋର୍ଟର ସେୟାର ମଧ୍ୟ ଏକ ପ୍ରତିଶତରୁ ଅଧିକ ହ୍ରାସ ପାଇଛି। ରିଲାଏନ୍ସ ଇଣ୍ଡଷ୍ଟ୍ରିଜ୍ ଏବଂ ଭାରତ ଆସେଟେଲର ସେୟାର ପ୍ରାୟ ଗୋଟିଏ ପ୍ରତିଶତ ହ୍ରାସ ପାଉଛି।

ବ୍ରହ୍ମପୁର( ଦ କୁଇଭର ):- ଆସୁଛନ୍ତି ମା', ଚଳ ଚଞ୍ଚଳ ହୋଇଉଠୁଛି ସମଗ୍ର ବ୍ରହ୍ମପୁର ସହର l ମା'ଙ୍କୁ ସ୍ୱାଗତ କରିବା ପାଇଁ ଜୋର ସୋର ରେ ସଜେଇ ହୋଉଛି ଦେଶୀ ବେହେରା ସାହି ସ୍ଥିତ ଅସ୍ଥାୟୀ ମଣ୍ଡପ l ଶାଶୁ ଘର ରୁ ବାପ ଘର ଆସିବେ ମା' ଆଉ ମା'ଙ୍କ ଆଗମନ କୁ ଦୃଷ୍ଟି ରେ ରଖି ପ୍ରସ୍ତୁତ ହୋଉଛି ଅସ୍ଥାୟୀ ମଣ୍ଡପ l ବଡ଼ ବଜାର ଅନ୍ତର୍ଗତ ଦେଶୀ ବେହେରା ସାହି ଅର୍ଥାତ ମା'ଙ୍କ ବାପା ଘର ସମ୍ମୁଖରେ ମା'ଙ୍କ ଅସ୍ଥାୟୀ ମଣ୍ଡପ ତିଆରି ହୋଉଛି l ଶୁଭଖୁଣ୍ଟି ସ୍ଥାପନ ପରେ ଏହି ପ୍ରକ୍ରିୟା ଆରମ୍ଭ ହୋଇଥିଲା ଯାହା ଏବେ ଶେଷ ପର୍ଯ୍ୟାୟ ରେ l ପୁରା ବ୍ରହ୍ମପୁର ସହର ତଥା ସହରବାସୀଙ୍କ ଆରାଧ୍ୟା ଦେବୀ ତଥା ଇଷ୍ଟ ଦେବୀ ମା'ବୁଢ଼ୀ ଠାକୁରାଣୀ ପାରମ୍ପରିକ ସିଦ୍ଧାନ୍ତି ଅନୁସାରେ ଆଉ ଦୁଇ ଦିନ ପରେ ଅର୍ଥାତ ଚଳିତ ଏପ୍ରିଲ ମାସ ୩ ତାରିଖ ଠାରୁ ୨୬ ଦିନ ବାପା ଘରେ ରହି ଯାତ୍ରା କରି ପୁଣି ଏପ୍ରିଲ ୨୮ ତାରିଖ ରେ ଶାଶୁ ଘର ଫେରିଯିବେ ମାଁ ବୁଢୀ ଠାକୁରାଣୀ, ଯାହା ମା'ବୁଢ଼ୀ ଠାକୁରାଣୀ ଯାତ୍ରା ଭାବେ ବେଶ ସୁନାମଧନ୍ୟ l ସ୍ଥାୟୀ ମନ୍ଦିରରୁ ଅସ୍ଥାୟୀ ମନ୍ଦିରକୁ ମା'ଙ୍କ ଆଗମନ, ରୀତିନୀତି, ସାହି ପରିକ୍ରମା ଓ ସ୍ଥାୟୀ ମନ୍ଦିରକୁ ମା'ଙ୍କ ପ୍ରତ୍ୟାବର୍ତ୍ତନ ନେଇ ଘୋଷଣା କରାଯାଇଛି । ଦୁଇବର୍ଷକୁ ଥରେ ମାଆ ନିଜ ବାପଘରକୁ ଆସିବା ସହ ସାହିସାହି ବୁଲି ଭକ୍ତଙ୍କୁ ଦର୍ଶନ ଓ ଆଶୀର୍ବାଦ ଦେଇଥାନ୍ତି । ଏଥିପାଇଁ ଏବେଠାରୁ ବ୍ରହ୍ମପୁରରେ ପ୍ରବଳ ଉତ୍ସାହ ଦେଖାଦେଇଛି ।

ସୂଚନାନୁଯାୟୀ, ବ୍ରହ୍ମପୁରର ଏହି ପ୍ରସିଦ୍ଧ ଠାକୁରାଣୀ ଯାତ୍ରା ପ୍ରାୟ ମାସେ ସମୟ ଧରି ଆୟୋଜିତ ହୋଇଥାଏ । ମା' ନିଜ ମୁଖ୍ୟ ମନ୍ଦିରରୁ ବାହାରି ଦେଶୀବେହେରା ସାହି ସ୍ଥିତ ନିଜ ବାପ ଘରକୁ ଆସିବା ପରେ ଯାତ୍ରା ଆରମ୍ଭ ହୋଇଥାଏ । ପରମ୍ପରା ଓ ରୀତିନୀତି ଅନୁଯାୟୀ ଯାତ୍ରା ହୋଇଥାଏ। ମା'ଙ୍କ ଘଟ ପରିକ୍ରମା ସହିତ ମାନସିକ ବେଶଧାରୀ, କଳାକୁଞ୍ଜ ଏବଂ ବିଭିନ୍ନ ସାହିର ରଥ,ଯାତ୍ରାର ମୁଖ୍ୟ ଆକର୍ଷଣ ପାଲଟିଥାଏ । ମା'ଙ୍କ ଯାତ୍ରାର ଦିନ ଯେତେ ପାଖେଇ ଆସୁଛି ତାହାକୁ ନେଇ ଭକ୍ତଙ୍କ ମଧ୍ୟରେ ସେତିକି ଉତ୍ସାହ ଦେଖିବାକୁ ମିଳୁଛି । ଏବର୍ଷ ଯାତ୍ରା ସୁରୁଖୁରୁରେ ହେବା ନେଇ ବୁଢ଼ୀ ଠାକୁରାଣୀଙ୍କ ଉପରେ ସହରବାସୀଙ୍କ ଭରସା ରହିଛି ।

ବ୍ରହ୍ମପୁର ( ଦ କୁଇଭର ):- ଆଜିଠାରୁ ଆରମ୍ଭ ହେବ ବ୍ରହ୍ମପୁରର ପ୍ରସିଦ୍ଧ ମା' ବୁଢ଼ୀ ଠାକୁରାଣୀଙ୍କ ଯାତ୍ରା । ଦୁଇ ବର୍ଷକୁ ଥରେ ମା' ବାପଘରକୁ ଆସୁଥିବାରୁ ଉତ୍ସାହିତ ବ୍ରହ୍ମପୁରବାସୀ । ପ୍ରାୟ ଏକ ମାସ ଧରି ମା' ବାପ ଘରେ ରହି ପୂଜା ପାଇବେ। ଏଥିପାଇଁ ବଡ଼ବଜାରର ଦେଶୀ ବେହେରା ସାହି ଚଳଚଞ୍ଚଳ। ଆଜି ମା'ଙ୍କୁ ଡାକରା କରିବେ ବାପା ଦେଶୀ ବେହେରା । ମା'ଙ୍କ ଆଗମନ ନେଇ ଦେଶୀ ବେହେରାଙ୍କ ଘର ସମ୍ମୁଖରେ ତିଆରି ହୋଇଛି ଅସ୍ଥାୟୀ ପୀଠ। ୨୬ ଦିନ ଧରି ଆୟୋଜିତ ଯାତ୍ରାରେ ଲକ୍ଷାଧିକ ଭକ୍ତଙ୍କ ଗହଳି ଲାଗି ରହିବ। ପରମ୍ପରା ଅନୁସାରେ ପ୍ରତି ଦୁଇ ବର୍ଷରେ ଥରେ ହୋଇଥାଏ ମାଆ ବୁଢ଼ୀ ଠାକୁରାଣୀଙ୍କ ଯାତ୍ରା ।ଦୁଇବର୍ଷରେ ଥରେ ମାଆଙ୍କ ଏହି ଯାତ୍ରାକୁ ନେଇ ସତେ ଯେପରି ଅପେକ୍ଷା କରି ରହିଛନ୍ତି ସହରବାସୀ। କିଭଳି ଯାତ୍ରା ସୁରୁଖୁରୁରେ ହେବ, ସେଥିପାଇଁ ସମସ୍ତ ବ୍ୟବସ୍ଥା କରିଛନ୍ତି ସ୍ଥାନୀୟ ବ୍ୟବସାୟୀ । ତତ ସହିତ ଯାତ୍ରା ସମୟରେ ପ୍ରଶାସନ ପକ୍ଷରୁ ସୁରକ୍ଷା ବ୍ୟବସ୍ଥା କଡାକଡ଼ି କରାଯିବାକୁ ବ୍ୟାପକ ପଦକ୍ଷେପ ନିଆଯାଇଛି। ପାଣି, ଆଲୋକର ବ୍ୟବସ୍ଥା କରାଯିବା ସହ ଅଗ୍ନିଶମ ବିଭାଗ ପ୍ରସ୍ତୁତ ରହିଛନ୍ତି।

ଦ କୁଇଭର ବ୍ୟୁରୋ :- ଆଜି ଖଡ଼ିଛୁଆଁ ଦିବସ। ଭୁବନେଶ୍ବର ବଡ଼ଗଡ଼ ହାଇସ୍କୁଲରୁ କାର୍ଯ୍ୟକ୍ରମର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ମୋହନ ମାଝୀ । ନବରଙ୍ଗପୁରରେ ଖଡ଼ିଛୁଆଁ କାର୍ଯ୍ୟକ୍ରମରେ ସାମିଲ ହେବେ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ । ଓଡିଆ ପକ୍ଷ ପାଇଁ ଏଥର ୧୪ ଦିନରେ ୧୪ କାର୍ଯ୍ୟକ୍ରମ ରଖିଛନ୍ତି ସରକାର। ପାରମ୍ପରିକ ରୀତିନୀତିରେ ପିଲାଙ୍କର ବିଦ୍ୟାଳୟ ପ୍ରବେଶ ଉତ୍ସବ ହେବ। ପିଲାମାନେ ଖଡିଛୁଇଁ ପାଠପଢା ଆରମ୍ଭ କରିବେ । ଭୁବନେଶ୍ବରରେ ବରଗଡ଼ ହାଇସ୍କୁଲରେ ଆୟୋଜିତ କାର୍ଯ୍ୟକ୍ରମରେ ସାମିଲ ହୋଇ ଦିବସର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ।

ଦ କୁଇଭର ବ୍ୟୁରୋ :- ଚେନ୍ନାଇ ବିପକ୍ଷ ମ୍ୟାଚରେ ରାଜସ୍ଥାନର ବଡ ବିଜୟ । ୨ଟି ମ୍ଯାଚ ପରାଜୟ ପରେ ଆଇପିଏଲରେ ବିଜୟର ଖାତା ଖୋଲିଲା ରାଦସ୍ଥାନ ରୟାଲ୍ସ । ଇଣ୍ଡିଆନ ପ୍ରିମିୟର ଲିଗ୍‌ର ୧୧ ତମ ମୁକାବିଲାରେ ଚେନ୍ନାଇ ସୁପର କିଙ୍ଗ୍ସକୁ ୬ ରନରେ ମାତଚ ଦେଇଛି ଆରଆର । ଦଳକୁ ବିଜୟ ଦ୍ବାରରେ ପହଞ୍ଚାଇଲା ନୀତିଶ ରଣାଙ୍କ ଲଢୁଆ ବ୍ୟାଟିଂ ଓ ଓ୍ବାନିଣ୍ଡୁ ହସରଙ୍ଗାଙ୍କ ଘାତକ ବୋଲିଂ । ସିଏସକେର ଆଇପିଏଲରେ ଏହା ଦ୍ବିତୀୟ ପରାଜୟ । ଟସ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା ଚେନ୍ନାଇ ସୁପର କିଙ୍ଗ୍ସ । ରାଜସ୍ଥାନକୁ ପ୍ରଥମେ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା । ନିର୍ଦ୍ଧାରିତ ୨୦ ଓଭରରେ ୯ ଓ୍ବିକେଟ ହରାଇ ୧୮୨ରନ କରିଥିଲା ରାଜସ୍ଥାନ । ଏହାପରେ ୧୮୩ ବିଜୟ ରନ୍‌ ଲକ୍ଷ୍ୟର ପିଛା କରି ୨୦ ଓଭରରେ ୬ଓ୍ବିକେଟ ହରାଇ ୧୭୬ ରନ କରିବାକୁ ସକ୍ଷମ ହୋଇଥିଲା ଚେନ୍ନାଇ ।ସିଏସକେର ଏହା ଦ୍ବିତୀୟ ପରାଜୟ । ଉଭୟ ଦଳ ଚଳିତ ଆଇପିଏଲରେ ୩ଟି ଲେଖାଏଁ ମ୍ୟାଚ ଖେଳି ଗୋଟିଏରେ ବିଜୟ ଓ ୨ଟିରେ ପରାଜିତ ହୋଇଛନ୍ତି ।

ବ୍ରହ୍ମପୁର( ଦ କୁଇଭର ):- ଘଣ୍ଟଘଣ୍ଟା, ଶଙ୍ଖନାଦ, ଢୋଲବାଜା ଓ ମନ୍ତ୍ର ଧ୍ବନିରେ କମ୍ପୁଛି ବ୍ରହ୍ମପୁର ସହର, ବାପ ଘରକୁ ଆସିଛନ୍ତି ମା' ବୁଢୀ ଠାକୁରାଣୀ । ଗୁରୁବାର ରାତିରେ ଆଜ୍ଞାମାଳ ମିଳିବା ପରେ ପାରମ୍ପରିକ ରୀତିନୀତିରେ ଆରମ୍ଭ ହୋଇଯାଇଛି ସହରର ପ୍ରସିଦ୍ଧ ମା' ବୁଢୀ ଠାକୁରାଣୀଙ୍କ ଯାତ୍ରା । ଶାଶୁଘର ଛାଡି ଏବେ ବାପ ଘରେ ପହଞ୍ଚିଛନ୍ତି ମା' । ଗୋଟିଏ ଦିନ ବିଶ୍ରାମ ପରେ ଘଟ ପରିକ୍ରମା କରିବେ । ଗୁରୁବାର ବିଳମ୍ବିତ ରାତିରେ ମା' ଙ୍କ ବାପଘର କୁହାଯାଉଥିବା ଦେଶୀବେହେରାଙ୍କ ପରିବାର ପକ୍ଷରୁ ଉଲଚାଙ୍ଗୁଡି ଧରି ମା'ଙ୍କ ମୁଖ୍ୟମନ୍ଦିରରେ ପହଞ୍ଚିଥିଲେ । ଏହାପରେ ବାପଘରକୁ ଯିବା ପାଇଁ ନିମନ୍ତ୍ରଣ ସହିତ ଆବାହନ କରାଯିବା ପରେ ମା'ଙ୍କ ମସ୍ତକରୁ ଆଜ୍ଞାମାଳ ମିଳିଥିଲା । ଏହାପରେ ସେହି ଆଜ୍ଞାମାଳକୁ ନେଇ ଶାଶୁଘର ତଥା ବୁଢୀ ଠାକୁରାଣୀ ମନ୍ଦିରରୁ ଏକ ବିରାଟ ଶୋଭାଯାତ୍ରାରେ ବାହାରି ଦେଶୀ ବେହେରା ସାହି ସ୍ଥିତ ନିଜ ବାପ ଘର ଅସ୍ଥାୟୀ ମନ୍ଦିରରେ ପହଞ୍ଚିଥିଲେ ବୁଢୀ ଠାକୁରାଣୀ । ମା' ବାପଘରେ ପହଞ୍ଚିବା ସହିତ ଆରମ୍ଭ ହୋଇଯାଇଛି ଠାକୁରାଣୀ ଯାତ୍ରା । ଗୋଟିଏ ଦିନ ବିଶ୍ରାମ ପରେ ଆରମ୍ଭ ହେବ ଘଟ ପରିକ୍ରମା ।

ସୂଚନା ଅନୁସାରେ ପ୍ରତି ଦୁଇ ବର୍ଷକୁ ଥରେ ଆୟୋଜିତ ହେଉଥିବା ବ୍ରହ୍ମପୁରର ପ୍ରସିଦ୍ଧ ବୁଢୀ ଠାକୁରାଣୀଙ୍କ ଦ୍ୱିବାର୍ଷିକ ଯାତ୍ରା ଆଜ୍ଞାମାଳ ମିଳିବା ପରେ ଶୁଭାରମ୍ଭ ହୋଇଯାଇଛି । ପରମ୍ପରା ଓ ରୀତିନୀତି ମଧ୍ୟରେ ଆୟୋଜିତ ହେଉଥିବା ବ୍ରହ୍ମପୁରର ଏହି ପ୍ରସିଦ୍ଧ ଯାତ୍ରା ଆସନ୍ତା ୨୮ ତାରିଖ ପର୍ଯ୍ୟନ୍ତ ଆୟୋଜିତ ହେବ । ଯାତ୍ରାର ପ୍ରଥମ ଦିବସରେ ମା' ବାପାଘର କୁହାଯାଉଥିବା ଦେଶୀବେହେରାଙ୍କ ପରିବାର ଦିନତମାମ ବିଭିନ୍ନ ପ୍ରକାର ପାରମ୍ପରିକ ରୀତିନୀତିରେ ପୁଜାର୍ଚ୍ଚନା କରାଯିବା ପରେ ରାତ୍ର ସମୟରେ ବାହାରିଥିବା ଶୁଭ ସମୟ ଅନୁଯାୟୀ ଦେଶୀବେହେରାଙ୍କ ପତ୍ନୀ ପି.ଦେବକୀ ମା'ଙ୍କୁ ନିମନ୍ତ୍ରଣ କରି ନିଜ ଘରକୁ ଆଣିବା ପାଇଁ ଏକ ଫୁଲ ଚଙ୍ଗୁଡ଼ି ଧରି ଶୋଭାଯାତ୍ରାରେ ବାହାରିଥିଲେ । ପରେ ମନ୍ଦିରରେ ପହଞ୍ଚିବା ପରେ ରୀତୀନୀତିରେ ପୂଜାର୍ଚ୍ଚନା କରାଯାଇ ମାଟ ଙ୍କୁ ଆଳତୀ କରାଯିବା ସହିତ ଆବାହନ କରାଯାଇଥିଲା । ଏହାପରେ ମା'ଙ୍କର ମସ୍ତକରୁ ଆଜ୍ଞାମାଳ ମିଳିବା ପରେ ଆରମ୍ଭ ହୋଇଥିଲା ଏହି ଯାତ୍ରା । ମା'ଙ୍କ ମସ୍ତକରୁ ଆଜ୍ଞାମାଳ ମିଳିବା ପରେ ଆରମ୍ଭ ହୋଇଥାଏ ବ୍ରହ୍ମପୁରର ପ୍ରସିଦ୍ଧ ବୁଢୀ ଠାକୁରାଣୀ ଯାତ୍ରା । ଆଜ୍ଞାମାଳକୁ ପୁଣି ଶୋଭାଯାତ୍ରାରେ ନେଇ ଖଡୁରା ସାହି, ପେଦିବାରି ସାହି, ଖାସ୍ପାସାହି, ନଡ଼ିଆ ଗୋର୍ଜି ସାହି ଦେଇ ଦେଶୀବେହେରା ସାହିରେ ପହଞ୍ଚିଥିଲା । ଏହାପରେ ସେଠାରେ ପ୍ରସ୍ତୁତ କରାଯାଇଥିବା ଅସ୍ଥାୟୀ ମଣ୍ଡପରେ ମା'ଙ୍କର ଫୁଲଚାଙ୍ଗୁଡିକୁ ସ୍ଥାପନ କରାଯାଇଛି । ଆଜ୍ଞାମାଳକୁ ଦର୍ଶନ କରିବା ପାଇଁ ଦେଶୀ ବେହେରା ସାହିର ଅସ୍ଥାୟୀ ମଣ୍ଡପରେ ଭକ୍ତଙ୍କ ଭିଡ ଜମିବା ଆରମ୍ଭ ହୋଇଯାଇଛି । ମା' ଙ୍କ ଆଗମନ ସମୟର ଦୃଶ୍ୟ ଦେଖିବା ପାଇଁ ସବୁ ସାହିର ରାସ୍ତା ପାର୍ଶ୍ଵରେ ହଜାର ହଜାର ଭକ୍ତଙ୍କ ସମାଗମ ହୋଇଥିବା ଦେଖିବାକୁ ମିଳିଥିଲା ।

ଭୁବନେଶ୍ୱର( ଦ କୁଇଭର ):- ଓଡିଶା ବିଧାନସଭା ଇତିହାସରେ ପୁଣି ରେକର୍ଡ । ପ୍ରାୟ ଦୁଇ ଦଶନ୍ଧି ପରେ ଗତକାଲିଠୁ ଆଜି ସକାଳ ଯାଏଁ ରାତିତମାମ ଚାଲିଲା ବିଧାନସଭା । ଭୋର ୪ଟା ୨୯ ମିନିଟରେ ପାରିତ ହେଲା ବିଶ୍ୱ ବିଦ୍ୟାଳୟ ସଂଶୋଧିତ ବିଲ୍‌ ୨୦୨୪ । ପରେ ପୂର୍ତ୍ତ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ଆଗତ କରିଥିଲେ ରାଜ୍ୟ ରାଜପଥ ପ୍ରାଧିକରଣ ବିଲ୍‌ ୨୦୨୪ । ବିଶ୍ୱବିଦ୍ୟାଳୟ ବିଲ୍‌ ନେଇ ବିରୋଧୀ ଏବଂ ଶାସକ ଦଳ ଭିତରେ ହୋଇଥିଲା ଘମାଘୋଟ ଆଲୋଚନା । ଶେଷ ଯାଏଁ ଉପସ୍ଥିତ ଥିଲେ ମୁଖ୍ୟମନ୍ତ୍ରୀ ମୋହନ ମାଝୀ । ତେବେ ଗୃହରେ ନଥିଲେ ବିରୋଧୀ ଦଳ ନେତା ନବୀନ ପଟ୍ଟନାୟକ । ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା, ଦୁଇ ମହିଳା ବିଧାୟିକା ଉପାସନା ମହାପାତ୍ର ଏବଂ ସଞ୍ଜଳି ମୁର୍ମୁ ଶେଷ ଯାଏଁ ଗୃହରେ ଉପସ୍ଥିତ ଥିଲେ ।

ରାତି ତମାମ ଚାଲିବା ପରେ ଶେଷ ହୋଇଛି ସପ୍ତଦଶ ବିଧାନସଭାର ତୃତୀୟ ଅଧିବେଶନ ତଥା ବଜେଟ ଅଧିବେଶନ। ତିନୋଟି କାର୍ଯ୍ୟ ଦିବସ ପୂର୍ବରୁ ଅନିର୍ଦ୍ଦିଷ୍ଟ କାଳ ପାଇଁ ବିଧାନସଭାକୁ ମୁଲତବୀ ଘୋଷଣା କରିଛନ୍ତି ବାଚସ୍ପତି । ୨୮ ଟି କାର୍ଯ୍ୟ ଦିବସ ମଧ୍ୟରୁ ୨୫ ଟି କାର୍ଯ୍ୟ ଦିବସ ଚାଲିଥିଲା । ଆଗକୁ ଗୁରୁତ୍ୱପୂର୍ଣ୍ଣ କାର୍ଯ୍ୟକ୍ରମ ନଥିବା ରୁ ବିଧାନସଭାକୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ ଘୋଷଣା କରିବା ଲାଗି ପ୍ରସ୍ତାବ ଆଣିଥିଲେ ସରକାରୀ ଦଳ ମୁଖ୍ୟ ସଚେତକ । ଯାହାକୁ ସମର୍ଥନ କରିଥିଲେ ଏକାଧିକ ବିଧାୟକ। ପରେ ବାଚସ୍ପତି ଗୃହକୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବି କରିଥିଲେ।

ତେବେ ଗୃହରେ ନଥିଲେ ବିରୋଧୀ ଦଳ ନେତା ନବୀନ ପଟ୍ଟନାୟକ । ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା, ଦୁଇ ମହିଳା ବିଧାୟିକା ଉପାସନା ମହାପାତ୍ର ଏବଂ ସଞ୍ଜଳି ମୁର୍ମୁ ଶେଷ ଯାଏଁ ଗୃହରେ ଉପସ୍ଥିତ ଥିଲେ । ସେହିପରି ବିରୋଧୀ ଦଳ ପକ୍ଷରୁ ବରିଷ୍ଠ ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁ, ଅରୁଣ ସାହୁ, ଗଣେଶ୍ବର ବେହେରା, ଧ୍ରୁବ ସାହୁ ବିଲ୍‌ ବିରୋଧରେ ବଳିଷ୍ଠ ଯୁକ୍ତି ବଢିଥିଲେ । ଉଚ୍ଚ ଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୂରଜ ମଧ୍ୟ ବିରୋଧୀଙ୍କୁ କଡ଼ା କାଉଣ୍ଟର କରିଥିଲେ । ଶାସକ ଦଳର ପ୍ରାୟ ସମସ୍ତ ମନ୍ତ୍ରୀ ଏବଂ ବିଧାୟକ ଉପସ୍ଥିତ ଥିଲେ ।

ତେବେ ବେଶ ଘଟଣା ବହୁଳ ଥିଲା ସପ୍ତଦଶ ବିଧାନସଭାର ତୃତୀୟ ଅଧିବେଶନ । ପ୍ରଥମ ଥର ପାଇଁ ବିଧାନସଭା ଇତିହାସରେ ଗୃହରୁ ନିଲମ୍ବିତ ହୋଇଥିଲେ କଂଗ୍ରେସ ଦଳର ସମସ୍ତ ବିଧାୟକ। ଏହାସହ ବିଶ୍ୱ ବିଦ୍ୟାଳୟ ସଂଶୋଧନ ବିଲ ଏବଂ ରାଜ୍ୟ ରାଜପଥ ପ୍ରାଧି କରଣ ବିଲ ଆଲୋଚନା ବେଳେ ରାତି ତମାମ ଚାଲିଥିଲା ବିଧାନସଭା । ବୁଧବାର ସକାଳ ୧୦.୩୦ ମିନିଟରେ ଆରମ୍ଭ ହୋଇ ଗୃହ ଗୁରୁବାର ସକାଳ ୭ ଟା ୫ ମିନିଟ୍‌ ପର୍ଯ୍ୟନ୍ତ ଚାଲିଥିଲା ।

ଦ କୁଇଭର ବ୍ୟୁରୋ :-:ନବୀନଙ୍କ ମନ୍ତ୍ରୀ କଣ ଥିଲେ ଲାଞ୍ଚୁଆ ? ଲାଞ୍ଚ ନେଇ ନିଜର ତହବିଲ ବଢ଼ାଉଥୁଲେ କି ? ଆୟ ତ ନଥିଲା, ଆୟ କର ବି ତ ଦେଖାଉନଥିଲେ । ଏତେ ଟଙ୍କା ଆସିଲା କେମିତି ନବୀନ ବାବୁଙ୍କ ମନ୍ତ୍ରୀଙ୍କ ପାଖରେ । ନବୀନ ବାବୁଙ୍କ ମନ୍ତ୍ରୀ ଚାନ୍ଦା ନେଉଥୁଲେ । ଏମିତି ବି ଚର୍ଚ୍ଚା ଜୋର ଧରିଛି । ଏମିତି କଥା ଆମେ ଫାଙ୍କାରେ କହିନୁ ବା ତାଙ୍କୁ ବଦନାମ କରିବା ପାଇଁ ବି କୁହାଯାଉନାହିଁ । ଠୋସ ପ୍ରମାଣ ଆସିଛି । ଆଉ ପ୍ରମାଣ ନିଜେ ଦେଇଛି ସାଇବର କ୍ରାଇମ ଥାନା । ସେ କାଳେ ଅନଲାଇନ ଟ୍ରେଡିଙ୍ଗରେ ୧ କୋଟି ୪୦ ଲକ୍ଷ ଟଙ୍କା ଲୁଟର ଶିକାର ହୋଇଛନ୍ତି । ସାଇବର ଅପରାଧୀମାନେ ତୁଷାରଙ୍କ ଏକାଉଣ୍ଟରୁ ୧ କୋଟି ୪୦ ଲକ୍ଷ ଟଙ୍କା ନେଇଯାଇଥିଲେ । ଏବେ ସେମାନଙ୍କୁ ଗିରଫ କରାଯାଇଛି । ୧୯ ଲକ୍ଷ ଟଙ୍କା ଉଦ୍ଧାର ବି କରାଯାଇଛି ।

ଏବେ ଆସିବା ପ୍ରସଙ୍ଗକୁ, ଆମେ ଏଠି କହୁଛୁ ନବୀନ ବାବୁଙ୍କର ପୂର୍ବତନ ଗୃହ ଏବଂ କ୍ରୀଡା ମନ୍ତ୍ରୀ ତଥା ଏବେକାର କାକଟ ପୁର ବିଧାୟକ ତୁଷାରକାନ୍ତି ବେହେରାଙ୍କ କଥା । ନିର୍ବାଚନ ବେଳେ ଦାଖଲ କରିଥିବା ତାଙ୍କ ଆପି ଡେଭିଟକୁ ଦେଖିବା ତାଙ୍କର ସମ୍ପତି ଏତେ ନୁହେଁ । ବର୍ତମାନ ଦରମା ଲକ୍ଷେ ଟଙ୍କା । ସେ ବିଧାୟକ ହେବା ପୂର୍ବରୁ ବି ତାଙ୍କ ଆୟ ଦେଖାଉନଥିଲେ । ମନ୍ତ୍ରୀ ହେଲାପରେ ବି ଆୟ ଦେଖାଉନଥିଲେ । ଗତ ନିର୍ବାଚନରେ ଯାହା ଦାଖଲ କରିଛନ୍ତି, ତାଙ୍କ ଆୟ ପ୍ରମାଣ ସେଥିରେ କୌଣସି ପ୍ରକାର ଏତେ ତାଙ୍କର ଜମି ଦେଖାଯାଇ ନାହିଁ । ଏବେ ତାଙ୍କ ଏକାଉଣ୍ଟରୁ ୧ କୋଟି ୪୦ ଲକ୍ଷ ଟଙ୍କା ଚୋରି ହୋଇଥିବା ଖୋଦ ସାଇବର କ୍ରାଇମ ଅଧିକାରୀ ମାନେ କହୁଛନ୍ତି । ସେ ବି ମାନୁଛନ୍ତି ।

କିନ୍ତୁ ପ୍ରଶ୍ନ ହେଉଛି, ଏତେ ଟଙ୍କା ତୁଷାରଙ୍କ ପାଖରୁ ଆସିଲା କେଉଁଠୁ ? ତାଙ୍କ ଏକାଉଣ୍ଟକୁ ଏତେ ପଇସା ଦେଲା କିଏ ? କେଉଁ ସ୍ଥାନରୁ ସେ ପଇସା ଆଣିଲେ ? ଅବଶ୍ୟ ପୂର୍ବତନ ମନ୍ତ୍ରୀ ହିସାବରେ ସେ ପଇସାକୁ ଏପଟ ସେପଟ କରିବାରେ କିଛି ବଡ଼ କଥା ନୁହେଁ । କୌଣସି ପ୍ରକାର ଧାର ଆଣିଥିବା ବି ଦେଖେଇ ଦେଇ ପାରନ୍ତି । କିନ୍ତୁ ବିଧାୟକ ଅନଲାଇନ ଟ୍ରେଂଡିଙ୍ଗ କରୁଛନ୍ତି, ତା ଧିଅରୁ ପଇସା ଆୟ କରୁଛନ୍ତି, ଏକଥା ତ ସମସ୍ତେ ଜାଣିବା ଦରକାର । ଯଦି ସେ କେଉଁଠୁ ଋଣ ବା ଧାର ଆଣିନଥାନ୍ତି । ତାହେଲେ କଣ ଚାନ୍ଦାରୁ ଆୟ କରିଛନ୍ତି ଏତେ ଟଙ୍କା । ଯାହାକୁ ଲୁଚେଇ ରଖିଥିଲେ । ମନ୍ତ୍ରୀ ପଦ ଯିବା ପରେ ଏବେ ବାହାର କରୁଛନ୍ତି ଗୁପ୍ତ ଧନକୁ । ଦେଖାଯାଉ ମୋହନ ସରକାର ତୁଷାରକାନ୍ତିଙ୍କ ସମ୍ପତି ଉପରେ ତଦନ୍ତ କରିବେ ନା ଚୁପଚାପ ରହିଯିବେ ।

ଦ କୁଇଭର ବ୍ୟୁରୋ :- ସୀମାନ୍ତ ଛତିଶଗଡ଼ରେ ଶନିବାର ଗୋଟିଏ ଦିନରେ ୧୭ ନକ୍ସଲ ନିହତ ହୋଇଛନ୍ତି। ନିହତଙ୍କ ମଧ୍ୟରେ ମୋଷ୍ଟ ୱାଣ୍ଟେଡ୍‌ ଜଗଦୀଶ ରହିଥିବା ପୁଲିସ ସୂଚନା ଦେଇଛି। ସୁକମା ଜିଲ୍ଲା କେରଲାପାଲ ଥାନା ଅନ୍ତର୍ଗତ ଗୋଙ୍ଗୁଡ଼ା, ନେଣ୍ଡୁମ, ଉପମପଲ୍ଲୀ ଗାଁ ନିକଟରେ ନକ୍ସଲ କ୍ୟାମ୍ପ କରିଥିଲେ। ସୂଚନା ମିଳିବା ପରେ ଶୁକ୍ରବାର ରାତିରେ ଲମ୍ବା ଅପରେସନ୍‌ ନିମନ୍ତେ ଗୁଳିଗୋଳା ଧରି ଜଙ୍ଗଲରେ ପଶିଥିଲେ ଡିଆର୍‌ଜି ଏବଂ ସିଆରପିଏଫ୍‌ ଯବାନ। ଶନିବାର ସକାଳ ପ୍ରାୟ ୮ଟାରେ ନକ୍ସଲଙ୍କ ସହ ମୁହାଁମୁହିଁ ହୋଇଥିଲେ। ଉଭୟପଟୁ ଗୁଳି ବିନିମୟ ହୋଇଥିଲା। ପରେ ସର୍ଚ ଅପରେସନ୍‌ କରିଥିଲେ ଯବାନ। ଘଟଣାସ୍ଥଳରୁ ୧୭ ନକ୍ସଲଙ୍କ ମୃତଦେହ ମିଳିଥିଲା। ସେହିପରି ଅପରାହ୍ନରେ ସାମ୍ବାଦିକ ସମ୍ମିଳନୀ କରି ବସ୍ତର ରେଞ୍ଜ ଆଇଜି ପି.ସୁନ୍ଦରରାଜ, ଦନ୍ତେୱାଡ଼ା ଡିଆଇଜି କମଳଲୋଚନ, ଏସ୍‌ପି କିରଣ ଚୌହାନ, ସିଆରପିଏଫ୍‌ ଡିଆଇଜି ଆନନ୍ଦ ସିଂ ଅପରେସନ୍‌ର ସବିଶେଷ ତଥ୍ୟ ଦେଇଛନ୍ତି। ଏନ୍‌କାଉଣ୍ଟରରେ ଦୁର୍ଦ୍ଦାନ୍ତ ନକ୍ସଲ ଜଗଦୀଶ କୁହଡାମି ଓରଫ ବୁଦରା ନିହତ ହୋଇଛି। ଷ୍ଟେଟ୍‌ ଜୋନାଲ୍‌ କମିଟି ସଦସ୍ୟ ଜଗଦୀଶ ନାଁରେ ଡଜନେରୁ ଅଧିକ ଆପରାଧିକ ମାମଲା ରହିଛି। ଝିରମ ଘାଟି ହମ୍‌ଲାର ସେ ମାଷ୍ଟର ମାଇଣ୍ଡ୍‌ ଥିଲା। ତା’ ନାଁରେ ସରକାର ୨୫ ଲକ୍ଷ ଟଙ୍କାର ପୁରସ୍କାର ଘୋଷଣା କରିଥିଲେ।

ତେବେ ଘଟଣାସ୍ଥଳରୁ ଏକେ-୪୭ ସହ ଇନ୍‌ସାସ୍‌ ରାଇଫଲ୍‌, ଏସ୍‌ଏଲ୍‌ଆର, ୩୦୩ ରାଇଫଲ୍‌, ରକେଟ୍‌ ଲଞ୍ଚର, ବିଜିଏଲ୍‌ ଲଞ୍ଚର୍‌ ସମେତ ବିପୁଳ ବିସ୍ଫୋରକ ଜବତ ହୋଇଛି। ନକ୍ସଲଙ୍କ ପାଲଟା ଆକ୍ରମଣରେ ୩ଜଣ ଡିଆର୍‌ଜି ଯବାନ ଏବଂ ଜଣେ ସିଆରପିଏଫ୍‌ ଯବାନ ଆହତ ହୋଇଛନ୍ତି। ସମସ୍ତଙ୍କୁ ଚିକିତ୍ସା ନିମନ୍ତେ ହେଲିକପ୍ଟର ଯୋଗେ ରାୟପୁର ସ୍ଥାନାନ୍ତର କରାଯାଇଛି।

ବ୍ରହ୍ମପୁର( ଦ କୁଇଭର ):- :- ବହୁ କଳ୍ପନା ଜଳ୍ପନା ର ଅନ୍ତ ଘଟି ଶେଷରେ ଚଳିତ ବର୍ଷର ନବ ନିର୍ବାଚିତ ପ୍ରାର୍ଥୀଙ୍କ ନାମ ଘୋଷଣା କରାଯାଇଛି l ଶେଷ ହୋଇଛି ରାଜ୍ୟର ପ୍ରତ୍ୟେକ ବାର ଆସୋସିଏସନର ନିର୍ବାଚନ l ପ୍ରତ୍ୟେକ ବାର ଆସୋସିଏସନ ଭଳି ବ୍ରହ୍ମପୁର ସ୍ଥିତ ଗଞ୍ଜାମ ବାର ଆସୋସିଏସନ ରେ ମଧ୍ୟ ଶାନ୍ତି ଶୃଙ୍ଖଳାରେ ସହ ଶନିବାର ଚଳିତ ବର୍ଷର ଶେଷ ହୋଇଛି ୨୦୨୫ ବାର ନିର୍ବାଚନ । ନବ ନିର୍ବାଚିତ ସଭାପତି, ଉପସଭାପତି, ସମ୍ପାଦକ ଓ ସହ ସମ୍ପାଦକ ଙ୍କ ଫଳାଫଳ ଘୋଷଣା ହୋଇସାରିଛି l ଗଞ୍ଜାମ ଓକିଲ ସଂଘ ନିର୍ବାଚନ ରେ ସଭାପତି ଭାବେ ମନୋଜ କୁମାର ପଟ୍ଟନାୟକ,ଉପସଭାପତି ଭାବେ ଟି.କେ ରେଡ୍ଡୀ, ସମ୍ପାଦକ ଭାବେ ଟି. ଭେଙ୍କଟ ରାଓ, ଯୁଗ୍ମ ସଂପାଦକ ଭାବେ ଅସିତ୍ ସାବତ ନିଜ ନିଜର ପ୍ରତିଦ୍ବନ୍ଦୀ ମାନଙ୍କୁ ମାତ ଦେଇ ବିଜୟୀ ହୋଇଛନ୍ତି l ତେବେ ଗଞ୍ଜାମ ବାର ଆସୋସିଏସନ ରେ ମୋଟ ୧୪୪୩ ଜଣ ଓକିଲ ଶନିବାର ନିଜ ନିଜର ମତ ସାବ୍ୟସ୍ତ କରିଥିବା ବେଳେ କିଛି ଜଣ ଅନୁପସ୍ଥିତ ରହିଥିବା ମଧ୍ୟ ଜଣାପଡିଛି l ତେବେ ସର୍ବାଧିକ ୭୧୭ ଭୋଟ ପାଇ ଗଞ୍ଜାମ ବାର ଆସୋସିଏସନ ର ଉପ-ସଭାପତି ଭାବେ ଜୟ ଯୁକ୍ତ ହୋଇଛନ୍ତି ବରିଷ୍ଠ ଓକିଲ ଶ୍ରୀ ଟି.କେ ରେଡ୍ଡୀ l ତେବେ ଏନେଇ ଗଞ୍ଜାମ ବାର ର ସମସ୍ତ ଓକିଲ ମହଲ ରେ ଖୁସି ର ଲହରୀ ଖେଳିଯାଇଥିବା ଦେଖିବାକୁ ମିଳିଛି l ସମସ୍ତ ନବ ନିର୍ବାଚିତ ପ୍ରାର୍ଥୀ ମାନଙ୍କୁ ବିଭିନ୍ନ ମହଲରୁ ଶୁବେସ୍ଛାର ସୁଅ ଛୁଟିଛି l

ବ୍ରହ୍ମପୁର( ଦ କୁଇଭର ):- ଆଜି ହେଉଛି ୯୦ତମ ପୋଲିସ ପ୍ରତିଷ୍ଠା ଦିବସ,ଏହି ଅବସରରେ ସାରା ରାଜ୍ୟରେ ପୋଲିସ ପକ୍ଷରୁ ପୋଲିସ ପ୍ରତିଷ୍ଠା ଦିବସ ପାଳନ କରାଯାଇଛି। ଏହି ପରିପ୍ରେକ୍ଷୀରେ ବ୍ରହ୍ମପୁର ସହର ର ଆମ୍ଭପୁଆ ସ୍ଥିତ ରିଜେର୍ଭ ପଡିଆ ଠାରେ ୯୦ ତମ ପୋଲିସ ପ୍ରତିଷ୍ଠା ଦିବସ ପାଳନ କରାଯାଇଥିଲା । ଏହି ପ୍ରତିଷ୍ଠା ଦିବସରେ ଦକ୍ଷିଣାଞ୍ଚଳ ଆଇଜି ନିତି ଶେଖର ମୁଖ୍ୟ ଅତିଥି ରୂପେ ଯୋଗ ଦେଇ ଚିତାକର୍ଷକ ପରେଟକୁ ଅଭିବାଦନ ଗ୍ରହଣ କରିବା ସହ ଓଡିଶା ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କ ବାର୍ତ୍ତା ପ୍ରଦାନ କରିଥିଲେ। ପୋଲିସ ବାହିନୀ ର ଲୋକଙ୍କ ପ୍ରତି ରହିଥିବା କର୍ତ୍ତବ୍ୟ ଓ ସୁରକ୍ଷା ଉପରେ ନିଜ ଭାଷଣ ପ୍ରଦାନ କରିଥିଲେ। ପରିଶେଷରେ ବ୍ରହ୍ମପୁର ପୋଲିସ ତଥା ଜିଲ୍ଲାର ବିଭିନ୍ନ ଥାନାର ଦକ୍ଷ ପୋଲିସ କର୍ମଚାରୀ ମାନଙ୍କୁ ପୁରସ୍କୃତ କରାଯାଇଥିଲା। ଏହି ପ୍ରତିଷ୍ଠା ଦିବସରେ ବ୍ରହ୍ମପୁର ଏସପି ଡାକ୍ତର ଶ୍ରବଣା ବେବେକ ଏମ, ଅତିରିକ୍ତ ଏସପି ସିମା ସ୍ୱାଇଁ,ଅତିରିକ୍ତ ଏସପି କୈଳାଶ ଚନ୍ଦ୍ର ବୁର୍ଦା ଙ୍କ ସମେତ ସମସ୍ତ ଥାନା ଅଧିକାରୀ ଓ ପୋଲିସ କର୍ମଚାରୀ ଉପସ୍ଥିତ ଥିଲେ।

ତେବେ ବୈଦ୍ୟନାଥପୁର ଥାନା ପୋଲିସ ସୁଚିତ୍ରା ପରିଡା, କେ. ନୂଆଗାଁ ପୋଲିସ ଷ୍ଟେସନ SI ଅଞ୍ଜଳି ବେହେରା, ନିମଖଣ୍ଡି ପୋଲିସ si ଜ୍ଞାନ ରଞ୍ଜନ ବେହେରା ସମେତ ଜିଲ୍ଲାର ୧୬ ଜଣ ପୋଲିସ ଅଫିସର ଙ୍କୁ ସେମାନଙ୍କ ଉଚକୋଟିର କାର୍ଯ୍ୟ ପାଇଁ ସନମାନିତ କରାଯାଇଛି l

ନୂଆଦିଲ୍ଲୀ( ଦ କୁଇଭର ):- ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବ୍ୟକ୍ତିଗତ ସଚିବ ଭାବରେ ଆଇଏଫଏସ ନିଧି ତିୱାରୀ ନିଯୁକ୍ତ ହୋଇଛନ୍ତି । କାର୍ମିକ ଏବଂ ତାଲିମ ବିଭାଗ ଦ୍ୱାରା ଜାରି କରାଯାଇଥିବା ଆଦେଶ ଅନୁଯାୟୀ, ନିଧି ତିୱାରୀଙ୍କୁ ପ୍ରଧାନମନ୍ତ୍ରୀ ମୋଦିଙ୍କ ବ୍ୟକ୍ତିଗତ ଭାବେ ଦାୟିତ୍ବ ତୁଲାଇବେ । ବ୍ୟକ୍ତିଗତ ସଚିବ ଭାବେ ପ୍ରଧାନମନ୍ତ୍ରୀ ମୋଦିଙ୍କ ମିଟିଂ ଏବଂ ଅନ୍ୟ କାମ ତଦାରଖ କରିବେ ନିଧି ।

ନିଧି ତିୱାରୀ ନଭେମ୍ବର ୨୦୨୨ ଠାରୁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ ଉପସଚିବ ଭାବରେ କାର୍ଯ୍ୟ କରୁଛନ୍ତି । ଏହା ପୂର୍ବରୁ, ସେ ବୈଦେଶିକ ମନ୍ତ୍ରଣାଳୟର ନିରସ୍ତ୍ରୀକରଣ ଏବଂ ଅନ୍ତର୍ଜାତୀୟ ସୁରକ୍ଷା ବ୍ୟାପାର ବିଭାଗରେ ଉପସଚିବ ଭାବରେ କାର୍ଯ୍ୟ କରିଥିଲେ। ତିୱାରୀ ୨୦୧୩ରେ ସିଭିଲ୍ ସର୍ଭିସେସ୍ ପରୀକ୍ଷାରେ ଉତ୍ତୀର୍ଣ୍ଣ ହୋଇ ତାଙ୍କ କ୍ୟାରିଅର୍ ଆରମ୍ଭ କରିଥିଲେ ।

ଭୁବନେଶ୍ୱର( ଦ କୁଇଭର ):- ଓଡ଼ିଶା ସରକାରଙ୍କ ୩୦ ଜଣ ବରିଷ୍ଠ ଓଏଏସ ଅଫିସର ଆଇଏଏସ ପାହ୍ୟାକୁ ପଦୋନ୍ନତି ପାଇଛନ୍ତି । ସିଲେକ୍ଟ ଲିଷ୍ଟ-୨୦୨୩ ଓ ସିଲେକ୍ଟ ଲିଷ୍ଟ-୨୦୨୪ ବର୍ଷରେ ଏହି ୩୦ ବରିଷ୍ଠ ଓଏଏସ ଅଫିସରଙ୍କୁ ଆଇଏଏସ ପାହ୍ୟାକୁ ପଦୋନ୍ନତି ମିଳିଛି । ଓଡ଼ିଶା ପ୍ରଶାସନିକ ସେବାର ଏହି ଅଫିସରଙ୍କୁ ରାଜ୍ୟ କ୍ୟାଡ଼ରରେ ଖାଲି ପଡ଼ିଥିବା ଆଇଏଏସ ପଦବୀରେ ନିଯୁକ୍ତି ମିଳିବ । ରାଜ୍ୟ ସରକାରଙ୍କ ଆବେଦନକୁ ଗ୍ରହଣ କରିବା ସହ କାର୍ମିକ ମନ୍ତ୍ରଣାଳୟ ପକ୍ଷରୁ ଏନେଇ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇଛି । ଏହି ଅଫିସରମାନେ ଓଡ଼ିଶା କ୍ୟାଡ଼ରରେ ୨୦୧୪ ଓ ୨୦୧୫ ବ୍ୟାଚର ଆଇଏଏସ ଭାବେ ପରିଗଣିତ ହେବେ ।୨୦୨୩ ଓ ୨୦୨୪ ମସିହା ପାଇଁ ଖାଲି ପଡ଼ିଥିବା ପଦୋନ୍ନତି ଭିତ୍ତିକ ଆଇଏଏସ ପଦବୀ ପୂରଣ ହେବ । ରାଜ୍ୟ ସରକାରଙ୍କର ୩୦ ଜଣ ବରିଷ୍ଠ ଓଏଏସ ଅଫିସର ଆଇଏଏସ ପଦବୀକୁ ଉନ୍ନୀତ ହୋଇଛନ୍ତି । ଇଣ୍ଡିଆନ ଆଡମିନିଷ୍ଟ୍ରେଟିଭ ସର୍ଭିସ (କ୍ୟାଡ଼ର) ରୁଲସ - ୧୯୫୪ର ରୁଲସ-୫(୧)ର ପ୍ରାବଧାନ ଆଧାରରେ ଓଡ଼ିଶା ପ୍ରଶାସନିକ ସେବାର ଅଫିସରମାନେ ଆଇଏଏସ ପଦବୀକୁ ଉନ୍ନୀତ ହୋଇଛନ୍ତି ।