ଜାଭିୟର୍ସ ହାଇସ୍କୁଲରେ ମୁନ ୨୦୨୫ କାର୍ଯ୍ୟକ୍ରମ

ବ୍ରହ୍ମପୁର ( ଦ କୁଇଭର ):- ବ୍ରହ୍ମପୁର ମୀନାକ୍ଷୀ ନଗର୍ ସ୍ଥିତ ସେଣ୍ଟ ଜାଭିୟର୍ସ ହାଇ ସ୍କୁଲ ରେ ଛାତ୍ରଛାତ୍ରୀ ଙ୍କ ଶିକ୍ଷା ସହ ସବୁ କ୍ଷେତ୍ରରେ କିପରି ସଫଳତା ଓ ବିକାଶ ଘଟିପାରିବ ସେଥିନେଇ ସୋମବାର ଠାରୁ ଚାରି ଦିନିଆ ମୁନ (ଶ୍ରୀ କୌଶିକ ମଡେଲ ୟୁନାଇଟେଡ ନେସନ୍ସ୍ )୨୦୨୫ ନାମରେ ଅନୁରୂପ ମିଳିତ ଜାତିସଂଘର ଶିକ୍ଷାର ବିକାଶ ସମ୍ପର୍କିତ ଏକ କର୍ମଶାଳା ଆରମ୍ଭ ହୋଇଛି । ଏପରି କର୍ମଶାଳା ମାଧ୍ୟମରେ ଛାତ୍ରଛାତ୍ରୀ ମାନେ ଶିକ୍ଷା କ୍ଷେତ୍ରରେ ବହୁତ ଉପକୃତ ହୋଇପାରିବେ ବୋଲି ମୁଖ୍ୟ ଅତିଥି ରୂପେ ଯୋଗ ଦେଇଥିବା ମେୟର ସଂଘମିତ୍ରା ଦଳାଇ କହିଥିଲେ । ମେୟର ଦଳାଇ କର୍ମଶାଳାର ଶୁଭାରମ୍ଭ କରି ଛାତ୍ର ଛାତ୍ରୀ ମାନଙ୍କୁ ଏହି କର୍ମଶାଳା ରେ ସାମିଲ ହୋଇଥିବା ଯୋଗୁଁ ସମସ୍ତେ ଉତ୍ତମ ଜ୍ଞାନ ଆହରଣ କରିବା ସହ ଭବିଷ୍ୟତରେ ଜଣେ ଜଣେ ସୁନାଗରିକ ହୋଇପାରିବେ ବୋଲି କହିଥିଲେ । ଅନ୍ୟ ତମ ଅତିଥି ଭାବେ ରୋଟାରୀ କ୍ଳବ୍ ଇଷ୍ଟ ର ସଭାପତି ଡ୍ ପ୍ରଦୀପ୍ତ କୁମାର ପଟ୍ଟନାୟକ, ସଂପାଦକ ଅଶ୍ୱିନୀ କୁମାର ପାତ୍ର ଓ ହାସ୍ୟକଳାକାର ସତ୍ୟନାରାୟଣ ଦାସ ତଥା ବ୍ରହ୍ମପୁର ଭାଇନା ଯୋଗ ଦେଇ ହାସ୍ୟ ଯାଦୁ ମାଧ୍ୟମରେ ସଭିଙ୍କୁ ଉତ୍ସାହିତ କରିଥିଲେ ।ସ୍କୁଲ ଅଧ୍ୟକ୍ଷ ଜ୍ୟୋତି ପ୍ରକାଶ ତ୍ରିପାଠୀ, ସ୍କୁଲ ଚେୟାରମ୍ୟାନ ଗୋରୀ ଶଙ୍କର ପଣ୍ଡା, ସମ୍ପାଦିକା ପ୍ରିୟମ୍ବଦା ଦାସ, ସହ ନିର୍ଦେଶକ କୁନାଲ୍ କୌଶିକ ପଣ୍ଡା , ରାହୁଲ ରାଜ୍ ପଣ୍ଡା, ଜୋନାଲ ଏକାଡେମୀକ ଅଫିସର ଡ.ବିନାୟକ ସାହୁ , ଆମ୍ବପୂଆ ସ୍କୁଲ ଅଧ୍ୟକ୍ଷ ତଥା ଆଞ୍ଚଳିକ ଶିକ୍ଷା ନିର୍ଦ୍ଦେଶକ କାହୁଁ ଚରଣ ପଣ୍ଡା, ଉପାଧ୍ୟକ୍ଷ ପ୍ରକାଶ ପଲେଇ ଙ୍କ ସମେତ ସ୍କୁଲ ର ସମସ୍ତ ଛାତ୍ରଛାତ୍ରୀ ଓ ଶିକ୍ଷକ ଶିକ୍ଷୟତ୍ରୀ ଏହି ଅବସରରେ ଉପସ୍ଥିତ ଥିଲେ । ଏହି କର୍ମଶାଳାରେ ବିଭିନ୍ନ ବିଦ୍ୟାଳୟ ର ପ୍ରାୟ ୫୦୦ ଜଣ ଛାତ୍ରଛାତ୍ରୀ ସାମିଲ ହୋଇଛନ୍ତି । ଗୁରୁବାର ଏହି କର୍ମଶାଳା ଉଦ୍ ଯାପିତ ହେବ ।