ବ୍ରହ୍ମପୁର ଅତିରିକ୍ତ ଏସପି ସୀମା ସ୍ୱାଇଁଙ୍କୁ ପୁଣି ବଦଳି, ଗୃହ ବିଭାଗ ପକ୍ଷରୁ ତାଲିକା ପ୍ରକାଶ

ଦ କୁଇଭର ବ୍ୟୁରୋ :- ବ୍ରହ୍ମପୁର ଅତିରିକ୍ତ ଏସପି ସୀମା ସ୍ୱାଇଁଙ୍କୁ ପୁଣି ବଦଳି । ଗଞ୍ଜାମ ଅତିରିକ୍ତ ଏସପି ଭାବେ ବଦଳି କଲା ଗୃହ ବିଭାଗ । ଗତ ୮ ତାରିଖରେ ଗୃହ ବିଭାଗ ପକ୍ଷରୁ ଅତିରିକ୍ତ ଏସପିମାନଙ୍କର ଏକ ବଦଳି ତାଲିକା ପ୍ରକାଶ ପାଇଥିଲା । ଏଥିରେ ୧୯ ଜଣ ଅତିରିକ୍ତ ଏସପିଙ୍କର ବଦଳି ହୋଇଥିଲା । ଯେଉଁଥିରେ ସୀମା ସ୍ୱାଇଁଙ୍କୁ ତାଳଚେର ଏନସିଆର ଆଇଜି ଅଫିସକୁ ବଦଳି କରାଯାଇଥିଲା । ଗତକାଲି ପ୍ରକାଶିତ ବିଜ୍ଞପ୍ତିରେ ତାଙ୍କୁ ଗଞ୍ଜାମ ଅତିରିକ୍ତ ଏସପି ଦାୟିତ୍ୱ ଦିଆଯାଇଛି । ଗଞ୍ଜାମ ଅତିରିକ୍ତ ଏସପି ଥିବା ରଞ୍ଜିତ କୁମାର ପୃଷ୍ଟିଙ୍କୁ କଟକ ଭୁବନେଶ୍ୱର କମିଶନରେଟ ପୋଲିସର ଅତିରିକ୍ତ ଡିସିପି ଭାବେ ଅବସ୍ଥାପିତ କରାଯାଇଛି ।