ଭାରତୀୟ ସେୟାର ବଜାରରେ ବଡ଼ ଧରଣର କ୍ଷତି

କଟକ ( ଦ କୁଇଭର ):- ଆୟୁଷ୍ମାନ ଭାରତ ଯୋଜନାରେ ଯୋଡି ହେବ ଓଡ଼ିଶା l ଆଜି ଓଡ଼ିଶାରେ ଶୁଭାରମ୍ଭ ହେବ ଆୟୁଷ୍ମାନ ଭାରତ ଯୋଜନା । ଦୁଇ ଦିନିଆ ଓଡିଶା ଗସ୍ତରେ ଆସି କଟକରେ ଏହାର ଶୁଭାରମ୍ଭ କରିବାକୁ ଯାଉଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ତଥା କେନ୍ଦ୍ର ସ୍ବାସ୍ଥ୍ୟ ମନ୍ତ୍ରୀ ଜେପି ନଡ୍ଡା । ଓଡ଼ିଶାରେ ସାଢେ ୩ କୋଟି ଲୋକ ଆୟୁଷ୍ମାନ ଭାରତ ଯୋଜନାରେ ସାମିଲ ହେବେ । ବିଜୁ ସ୍ୱାସ୍ଥ୍ୟ କାର୍ଡର ସ୍ଥାନ ନେବ ଏହି ଯୋଜନା । ଆୟୁଷ୍ମାନ ଭାରତରେ ପରିବାରର ପ୍ରତି ସଦସ୍ୟଙ୍କୁ ଗୋଟିଏ ଲେଖାଁଏ କାର୍ଡ ମିଳିବ । ଦେଶର ୨୯୦୦୦ ହସ୍ପିଟାଲରେ ରୋଗୀ ଚିକିତ୍ସା ସୁବିଧା ପାଇବେ । କଟକ ବାଲିଯାତ୍ରା ତଳ ପଡିଆରେ ୬ ବର୍ଷ ପରେ ଆରମ୍ଭ ହେବାକୁ ଯାଉଛି ବିଜେପିର ଡ୍ରିମ ପ୍ରୋଜେକ୍ଟ ଆୟୁଷ୍ମାନ ଭାରତ । ଏଠାରେ ଆୟୋଜିତ ବିରାଟ ସଭାରେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଜେପି.ନଡ୍ଡା, ମୁଖ୍ୟମନ୍ତ୍ରୀଙ୍କ ସମେତ ବରିଷ୍ଠ ମନ୍ତ୍ରୀ, ନେତାଙ୍କ ଉପସ୍ଥିତରେ ଲୋକଙ୍କୁ ବଣ୍ଟାଯିବ ଆୟୁଷ୍ମାନ କାର୍ଡ । ଆଜି ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା, ଗୋପବନ୍ଧୁ ଜନ ଆରୋଗ୍ୟ ଯୋଜନା ଓ ଆୟୁଷ୍ମାନ ବୟୋ ବନ୍ଦନା ଯୋଜନା ଆରମ୍ଭ ହେବ । କେନ୍ଦ୍ର ସରକାରଙ୍କ ବାରମ୍ବାର ଅନୁରୋଧ ସତ୍ତ୍ୱେ ୨୦୧୮ରୁ ଏହି ଯୋଜନାକୁ ଲାଗୁ କରୁନଥିଲେ ପୂର୍ବ ବିଜେଡି ସରକାର । ନିଜସ୍ୱ ବିଜୁ ସ୍ୱାସ୍ଥ୍ୟ କାର୍ଡ ଯୋଜନା ଚଳାଇଥିଲେ ସରକାର । ଏବେ ଏହି ବିଏସକେୱାଇ ଯୋଜନାର ସ୍ଥାନ ନେବ ଆୟୁଷ୍ମାନ ଯୋଜନା ।

ଆଜି ପ୍ରାଥମିକ ଭାବେ କିଛି ଲୋକଙ୍କୁ ଆୟୁଷ୍ମାନ କାର୍ଡ ଦେବା ପାଇଁ ନୂଆ କାର୍ଡ ପ୍ରସ୍ତୁତ ହୋଇ ରହିଛି । ଆୟୁଷ୍ମାନ ଯୋଜନାରେ ରାଜ୍ୟରେ ସାଢ଼େ ୩ କୋଟି ୪୬ ଲକ୍ଷ ଲୋକଙ୍କୁ ମିଳିବ ଆୟୁଷ୍ମାନ କାର୍ଡ । ଉପକୃତ ହେବେ ୧କୋଟି ୩ ଲକ୍ଷରୁ ଅଧିକ ପରିବାର । ରୋଗୀଙ୍କୁ କ୍ୟାସଲେସ୍ ସୁବିଧା ଦିଆଯିବ। ପରିବାରର ପ୍ରତି ସଦସ୍ୟଙ୍କୁ ଗୋଟିଏ ଲେଖାଁଏ କାର୍ଡ ମିଳିବ । ପୂର୍ବରୁ ପ୍ରତି ପରିବାରକୁ ଗୋଟିଏ କାର୍ଡ ମିଳୁଥିଲା । ଦେଶର ୨୯୦୦୦ ଘରୋଇ ଓ ସରକାରୀ ହସ୍ପିଟାଲରେ ଦେୟମୁକ୍ତ ଚିକିତ୍ସା ସୁବିଧା ଯୋଗାଇ ଦିଆଯିବ । ପରିବାର ପିଚ୍ଛା ବାର୍ଷିକ ୫ ଲକ୍ଷ ଟଙ୍କା ଚିକିତ୍ସା ସୁବିଧା ମିଳିବ । ମହିଳାଙ୍କ ପାଇଁ ପରିବାର ପିଚ୍ଛା ବାର୍ଷିକ ଅତିରିକ୍ତ ୫ ଲକ୍ଷ ଚିକିତ୍ସା ସୁବିଧା ମିଳିବ । ୭୦ ବର୍ଷରୁ ଅଧିକ ଲୋକଙ୍କୁ ମିଳିବ ବୟୋ ବନ୍ଦନା କାର୍ଡ ।

ଦ କୁଇଭର ବ୍ୟୁରୋ :- ଘରୋଇ ଗ୍ରାଉଣ୍ଡରେ ଚେନ୍ନାଇ ସୁପର କିଙ୍ଗ୍ସର ଲଜ୍ଜାଜନକ ପରାଜୟ । ପ୍ରଥମ ମ୍ୟାଚ ପରଠୁ ଅଣ୍ଟା ସଳଖି ପାରୁନି ସିଏସକେ । ଧୋନିଙ୍କ ନେତୃତ୍ବରେ ଦଳ ଶୁକ୍ରବାର ପଡିଆକୁ ଓହ୍ଲାଇଥିବା ବେଳେ ବିଜୟ ଟ୍ରକକୁ ଫେରିବା ନେଇ ଫ୍ୟାନ୍ସ ଆଶାବାଦୀ ଥିଲେ । କିନ୍ତୁ ତାହା ଫସର ଫାଟିଯାଇଛି । କୋଲାକାତାର ଘାତକ ବୋଲିଂରେ ଧ୍ବଂସବିଧ୍ବସ୍ତ ହେଲା ଚେନ୍ନାଇର ଟପ ଅର୍ଡର ଓ ମିଡିଲ ଅର୍ଡନ । ଚେପକରେ ଚାଲିପାରିଲାନି କାହାରବି ବଲ୍ଲା । ପୁଣି ଫ୍ୟାନ୍ସକୁ ନିରାଶ କରିଛି ଧୋନି ବାହିନୀ । ଆଇପିଏଲର ୨୫ ତମ ମୁକାବିଲାରେ ଚେନ୍ନାଇକୁ ୮ ଓ୍ବିକେଟରେ ପରାସ୍ତ କରିଛି କୋଲକାତା ନାଇଟ ରାଇଡର୍ସ । ୫୯ ଟି ବଲ ବାକି ଥାଇ ଚେନ୍ନାଇ ବିପକ୍ଷରେ କେକେଆରର ସହଜ ବିଜୟ ହୋଇଛି । ଏହି ମ୍ୟାଚ୍‌ରେ କୋଲକାତା ଅଧିନାୟକ ଅଜିଙ୍କ୍ୟ ରାହାଣେ ଟସ୍ ଜିତି ଚେନ୍ନାଇକୁ ପ୍ରଥମେ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲେ । ପ୍ରଥମେ ବ୍ୟାଟିଂ କରି ଚେନ୍ନାଇ ସୁପର କିଙ୍ଗ୍ସ ଦଳ ୨୦ ଓଭରରେ ୧୦ ୱିକେଟ୍ ହରାଇ ୧୦୩ ରନ୍ ସଂଗ୍ରହ କରି କୋଲକାତା ନାଇଟ୍ ରାଇଡର୍ସକୁ ୧୦୪ରନ୍‌ର ବିଜୟ ଲକ୍ଷ୍ୟ ଦେଇଥିଲା। ମାତ୍ର ୧୦. ୧ ଓଭରରେ ୨ ୱିକେଟ୍ ହରାଇ ୧୦୭ ରନ୍ ସ୍କୋର କରି କେକେଆର୍ ଏହି ଲକ୍ଷ୍ୟ ହାସଲ କରି ମ୍ୟାଚକୁ ୮ ୱିକେଟ୍ ଜିତିଥିଲା। ୬ ଟି ମ୍ୟାଚରେ କୋଲକାତା ନାଇଟ୍ ରାଇଡର୍ସର ଏହା ତୃତୀୟ ବିଜୟ ହୋଇଥିବାବେଳେ ଚେନ୍ନାଇ ସୁପର କିଙ୍ଗ୍ସର ୬ଟି ମ୍ୟାଚରେ ପଞ୍ଚମ ପରାଜୟ । ଘରୋଇ ଷ୍ଟାଡିୟମରେ ବିଜୟ ଧାରାକୁ ଫେରିବା ଲକ୍ଷ୍ୟ ନେଇ ପୁରା ରଣନୀତି ସହ ଧୋନିଙ୍କ ନେତୃତ୍ବରେ ପଡିଆକୁ ଓହ୍ଲାଇଥିଲା ଚେନ୍ନାଇ । କିନ୍ତୁ ରାହାଣେଙ୍କ ରଣନୀତି ଆଗରେ ସବୁ କିଛି ଧୋଇ ହୋଇଯାଇଥିଲା । କାମ ଦେଲାନାହିଁ ଧୋନିଙ୍କ କୌଣସିବି ପାଓ୍ବାର । କେକେଆରର ଘାତକ ବୋଲିଂରେ ମାଡି କାମୁଡିଥିଲେ ଚେନ୍ନାଇ ବ୍ୟାଟର । ଦୁବେଙ୍କୁ ଛାଡି ଦେଲେ କେହିବି ବେସି ସମୟ ପଡିଆରେ ତିଷ୍ଠି ପାରିନଥିଲେ ।

ଦ କୁଇଭର ବ୍ୟୁରୋ :- କୋଲକାତାରେ ରାମନବମୀ ଶୋଭାଯାତ୍ରା ଉପରେ ଆକ୍ରମଣ । ବିଜେପିର ଅଭିଯୋଗ ହିନ୍ଦୁଙ୍କୁ କରାଯାଉଛି ଟାର୍ଗେଟ । ଭିଡ଼ିଓ ପୋଷ୍ଟ କରି ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଦୋଷ ଦେଇଛି ପଶ୍ଚିମବଙ୍ଗ ବିଜେପି । କେନ୍ଦ୍ରମନ୍ତ୍ରୀ ସୁକାନ୍ତ ମଜୁନ୍ଦର ଅଭିଯୋଗ କରିଛନ୍ତି ହିନ୍ଦୁ ଭକ୍ତଙ୍କୁ ଟାର୍ଗେଟ କରାଯାଇଛି । କୋଲକାତାର ପାର୍କ ସର୍କନ ସେଭେନ ପଏଣ୍ଟ ଅଞ୍ଚଳରେ ରାମ ନବମୀ ଶୋଭାଯାତ୍ରା ଫେରୁଥିବା ବେଳେ ଆକ୍ରମଣ କରାଯାଇଛି । ଶୋଭାଯାତ୍ରାରୁ ଫେରୁଥିବା ସମୟରେ ଗେରୁଆ ରଙ୍ଗର ପତାକା ଥିବା ଗାଡି ଉପରେ ପଥର ବର୍ଷା ହୋଇଛି । ଏହା ଏଭଳି ହୋଇନି, ଟାର୍ଗେଟ କରି ହିସାଂ କରାଯାଇଛି । ଏବଂ ପୋଲିସ ଉପସ୍ଥିତରେ ଏଭଳି କାଣ୍ଡ ଘଟିଥିବା ବେଳେ ପୋଲିସ ଚୁପ ରହିଥିବାର ସଙ୍ଗୀନ ଅଭିଯୋଗ ମଧ୍ୟ ଆଣିଛନ୍ତି କେନ୍ଦ୍ରମନ୍ତ୍ରୀ । ପଶ୍ଚିମବଙ୍ଗ ବିଜେପି ଗାଡି ଉପରକୁ ଆକ୍ରମଣ ପରର ଭିଡିଓ ସେୟାର କରିଛି । ବିପୁଳ ମାତ୍ରାରେ ପୋଲିସ ଉପସ୍ଥିତିରେ ଏଭଳି ଘଟିଥିବା କହିଛି ପଶ୍ଚିମବଙ୍ଗ ବିଜେପି । ଏଥିସହ ମମତାଙ୍କ ବହୁ ଦିନର ସ୍ବପ୍ନ ପୁରା ହୋଇଛି ବୋଲି କହିଛି ବିଜେପି । କିନ୍ତୁ କୋଲକାତା ପୋଲିସ ଏଭଳି ଅଭିଯୋଗକୁ ଖଣ୍ଡନ କରିଛି । ସେ ଅଞ୍ଚଳରେ କୌଣସି ରାମ ନବମୀ ଶୋଭାଯାତ୍ରା ହୋଇନଥିବା କହିବା ସହ ଗୁଜବ ଉପରେ ଗୁରତ୍ବ ନଦେବାକୁ ପରାମର୍ଶ ଦେଇଛି ।

ଦ କୁଇଭର ବ୍ୟୁରୋ :- ରାଜ୍ୟରେ ଆହୁରି ୭ ଦିନ ଯାଏ କାଳବୈଶାଖୀ ବର୍ଷା ସମ୍ଭାବନା । ଏନେଇ ସୂଚନା ଦେଇଛି ଆଞ୍ଚଳିକ ପାଣିପାଗ ବିଭାଗ। ଶନିବାର ଦକ୍ଷିଣ ଉପକୂଳ ଓଡ଼ିଶାର କିଛି ସ୍ଥାନରେ ବିଜୁଳି ଘଡଘଡି ସହ ହାଲୁକରୁ ମଧ୍ୟମ ଧରଣର ବର୍ଷା ସମ୍ଭାବନା ରହିଛି। ବର୍ଷାର ସତର୍କତାକୁ ନେଇ ମାଲକାନଗିରି, କୋରାପୁଟ, ରାୟଗଡା, ଗଜପତି ,ଗଂଜାମ ଓ କଳାହାଣ୍ଡି ସେହିପରି ୬ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଙ୍ଗ ଜାରି କରିଛି ପାଣିପାଗ ବିଭାଗ l ଏହିସବୁ ଜିଲ୍ଲାରେ ୫୦ ରୁ ୬୦ କିମି ଝଡ ପବନ ବହିବାର ସମ୍ଭାବନା ରହିଛି। ସେହିପରି ନବରଙ୍ଗପୁର, କଳାହାଣ୍ଡି, ବୌଦ୍ଧ, ଅନୁଗୁଳ, ଢେଙ୍କାନାଳ,ନୟାଗଡ, ଖୋର୍ଦ୍ଧା, ପୁରୀ ଜଗତସିଂହପୁର, କଟକ, କେନ୍ଦ୍ରାପଡା, ଯାଜପୁର ,ଭଦ୍ରକ, ମୟୁରଭଞ୍ଜ, ସୁନ୍ଦରଗଡ ଓ ବାଲେଶ୍ୱର ଏହି ୧୮ ଜିଲ୍ଲାକୁ ୟେଲୋ ବର୍ଣ୍ଣିଙ୍ଗ ଜାରି କରିଛି ବିଭାଗ। ଏହିସବୁ ଜିଲ୍ଲାରେ ୪୦ ରୁ ୫୦ କିମି ଝଡ ପବନ ବହିବାର ସମ୍ଭାବନା ରହିଛି। ଆଜି ମଧ୍ୟ ବିଜୁଳି ଘଡ଼ଘଡ଼ି ସହ ହାଲୁକରୁ ମଧ୍ୟମ ଧରଣର ବର୍ଷା ସମ୍ଭାବନା ଦେଇଛି ବିଭାଗ।

ଦ କୁଇଭର ବ୍ୟୁରୋ :- ଦୁଇଦିନିଆ ଓଡ଼ିଶା ଗସ୍ତରେ ଥିବା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଆଜି ପୁରୀ ଗସ୍ତରେ ଯିବେ । ଏମଏଲଏ ଓ ଏମପି ମାନଙ୍କର କ୍ଲାସ ନେବେ, ତାଙ୍କୁ ଜାତୀୟ ଏଜେଣ୍ଡା ଉପରେ ଟ୍ୟୁସନ କରିବେ । ଏହି ପ୍ରଶିକ୍ଷଣ ଭୁବନେଶ୍ୱରରେ ନୁହେଁ, ଦଳର ଏମପି ଓ ଏମଏଲଏ ମାନଙ୍କୁ ନେଇ ପୁରୀରେ ୩ ଦିନ ଧରି ପାଠ ପଢ଼ାଯିବ । ଜାତୀୟ ଏଜେଣ୍ଡା କଣ ରହିଛି,ଆଉ କୋଉ ପ୍ରକ୍ରିୟାରେ ଏଠାରେ କାର୍ଯ୍ୟ ଆରମ୍ଭ କରାଯିବ, ସେ ନେଇ ବିଷଦ ଭାବେ ସୂଚନା ଦେବେ । ତୃଣମୂଳ ସ୍ତରରେ ଲୋକଙ୍କ ସହ କେମିତି ମିଶିବେ, ଭଲ ଭାଷଣ କିପରି ଦେବେ, ତା’ ଉପରେ ତାଲିମ ନେବେ ନେତା । କେନ୍ଦ୍ର ଓ ରାଜ୍ୟ ସରକାରଙ୍କ ଯୋଜନା, ଲୋକଙ୍କ ପାଖରେ ପହଞ୍ଚାଇବାକୁ ଦିଆଯିବ ତାଲିମ । ପ୍ରଶିକ୍ଷଣ ଶିବିର ଉଦ୍‌ଘାଟନ କରିବା ସହ କର୍ମୀଙ୍କୁ ଗୁରୁମନ୍ତ୍ର ଦେବେ ଜେପି ନଡ୍ଡା । ଖୋଦ୍ ମୁଖ୍ୟମନ୍ତ୍ରୀ ମଧ୍ୟ ପ୍ରଶିକ୍ଷଣ ଶିବିରରେ ଯୋଗଦେବେ।

ଦଳ ଭିତରେ ଗୋଷ୍ଠୀ କନ୍ଦଳ ଯଥା କିଏ ଧର୍ମେନ୍ଦ୍ରଙ୍କ ଗୋଷ୍ଠୀ ତ କିଏ ଏମପି ଅପରାଜିତା ଷଡ଼ଙ୍ଗୀଙ୍କ ଗୋଷ୍ଠୀ, ଆଉ କିଏ ମନମୋହନ ସାମଲଙ୍କ ଗୋଷ୍ଠୀ ତ ଆଉ କିଏ ପଶ୍ଚିମ ଓଡ଼ିଶା ଜୟ ନାରାୟଣ ମିଶ୍ରଙ୍କ ଗୋଷ୍ଠୀ । ମୁଖ୍ୟ ମନ୍ତ୍ରୀ ମୋହନ ମାଝି ଏଠି ଚୁପ । ବିଭିନ୍ନ ଗୋଷ୍ଠୀ କେବଳ ଚାପ ପକେଇବାରେ ବ୍ୟସ୍ଥ । ଏହା ଦ୍ୱାରା କେବଳ ବିଜେପିର ଯେ ଛବି ମଳିନ ହେଉନାହିଁ, ବିଜେପି ଭିତରେ ଭିତରେ ଦୁର୍ବଳ ହେଉଥୁବା ସ୍ପଷ୍ଠ ବାରି ହୋଇପଡୁଛି । ବିଜେଡି ଭିତରେ ଆରମ୍ଭ ହୋଇଥିବା ହଲଚଲକୁ କିଭଳି ବିଜେପି ଫାଇଦାରେ ପରିଣତ କରିବ, ସେ ପାଇଁ ସମସ୍ତେ ଲାଗିଛନ୍ତି । କିନ୍ତୁ ଏଥି ପାଇଁ ରୋଡ ମ୍ୟାପ ଦିଲ୍ଲୀରେ ତିଆରି ହୋଇଛି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଗୃହ ମନ୍ତ୍ରୀ ଅମିତ ଶାହଙ୍କ ମାର୍ଗଦର୍ଶନରୁ ପ୍ରସ୍ତୁତ ହୋଇଥିବା ବ୍ଲୁ ପ୍ରିଣ୍ଟକୁ ଧରି ଭୁବନେଶ୍ୱର ପହଞ୍ଚିଥିଲେ ନଡ୍ଡା । ଅନୁପଚାରିକ କଥା ଏବେ ଦଳର କିଛି ପୁରୁଖା ବା କାଢ଼ୁଆ ନେତାଙ୍କୁ ନେଇ ଆଗ ବିଚାର ବିମର୍ଷ କରିବ । ତାପରେ ପୁରୀରେ ସବୁ ବିଧାୟକ ଏବଂ ଏମପି ମାନଙ୍କର କ୍ଲାସ ନିଆ ହେବ । ଦଳର ଜାତୀୟ ଏଜେଣ୍ଡାକୁ ନେଇ ତାଙ୍କୁ ରାସ୍ତା ବତାଯିବ । ଦଳର ଜାତୀୟ ଏଜେଣ୍ଡାରେ ଖଣି ଓ ଶିଳ୍ପକୁ ପ୍ରାଧାନ୍ୟ ଦିଆଯାଇଛି । ଏହା ଦ୍ୱାରା କାଳେ ବଡ଼ ବିକାଶ ହୋଇପାରିବ । ଆଉ ଦଳର ପାଣ୍ଠି ବି ବଢ଼ି ପାରିବ । ସେଥି ପାଇଁ ଜାତୀୟ ଏଜେଣ୍ଡାକୁ ଓଡ଼ିଶାରେ କାର୍ଯ୍ୟକାରୀ କରିବା ବେଳେ, ଯେମିତି କୌଣସି ଅସୁବିଧା ନ ହୁଏ, ସମସ୍ତଙ୍କ ସହଯୋଗ ରୁହେ, ସେ ଦିଗରେ ସମସ୍ତଙ୍କୁ ପାଠ ପଢେଇବ ।

ରାଜ୍ୟରେ ବିଜେପି ସରକାର ଗଠନ ହେବାପରେ ଦ୍ଵିତୀୟ ଥର ପାଇଁ ଆୟୋଜନ ହେଉଛି ପ୍ରଶିକ୍ଷଣ ଶିବିର। ୨୦ ଜଣ ଲୋକସଭା ସାଂସଦ, ୭୮ ଜଣ ବିଜେପି ବିଧାୟକଙ୍କ ସମେତ ୩ ଜଣ ସ୍ବାଧୀନ ବିଧାୟକ ଭାଗ ନେବେ । ଏଥିସହିତ ବିଜେପିର ରାଜ୍ୟ ସଭାପତି, ସାଧାରଣ ସମ୍ପାଦକ ଓ ଯୋଗଦେବେ ସମସ୍ତ ପଦାଧିକାରୀ । ପ୍ରତିବର୍ଷ ପରି ଚଳିତଥର ମଧ୍ୟ ଏହି ପ୍ରଶିକ୍ଷଣ ଶିବିର ଆୟୋଜନ ହେଉଛି । ହେଲେ ଏବେ ରାଜ୍ୟରେ ବିଜେପି ସରକାର ଥିବାରୁ ଏହି ଶିବିରର ଗୁରୁତ୍ବ ବଢ଼ିଛି । ସାଂସଦ ଓ ବିଧାୟକମାନେ କିପରି ସରକାର ଓ ସଂଗଠନ ମଧ୍ୟରେ ସମନ୍ବୟ ରଖି କାର୍ଯ୍ୟ କରିବେ । କେନ୍ଦ୍ର ଓ ରାଜ୍ୟ ସରକାରଙ୍କ ବିଭିନ୍ନ ଯୋଜନାକୁ ଲୋକଙ୍କ ନିକଟରେ ପହଞ୍ଚାଇବେ, ବୁଥ୍‌ ସ୍ତରରେ ସଂଗଠନକୁ ମଜଭୁତ୍ କରିବାକୁ କର୍ମୀମାନଙ୍କୁ କିପରି ଉତ୍ସାହିତ କରିବେ, ସଂସଦ ଓ ବିଧାନସଭାରେ କିପରି ପ୍ରଭାବଶାଳୀ ଢଙ୍ଗରେ ଆଲୋଚନା କରିବେ,ଭାଷଣ ଭଲଦେବେ ସେନେଇ ତାଲିମ ଦିଆଯିବ ।

ଏମିତି କିଛି ଯୋଜନା ନେଇ ନଡ୍ଡା ପହଞ୍ଚିଛନ୍ତି ଭୁବନେଶ୍ୱରରେ । ନଡ୍ଡା କେବଳ ଗୋଷ୍ଠୀ ବିବାଦ ଉପରେ ଆଲୋଚନା କରିବେ ନାହିଁ, ଏମପି ଓ ବିଧାୟକ ମାନେ କିଭଳି ଖଣି ଓ ଶିଳ୍ପ ସଂସ୍ଥା ମାନଙ୍କୁ ସହଯୋଗ କରିବେ, ସେ ହୁଇପ ବି କାଳେ ଜାରି କରିବେ । ଆଉ କିଛି ରାଜନୈତିକ ପଇଁତରା ଏଠି ଦେଇଯିବେ, ଯାହାଦ୍ୱାରା ଓଡ଼ିଶା ବାସୀଙ୍କୁ ମନ୍ତ୍ର ମୁଗ୍ଧ କରି ବିଜେପି ତାର କାମକୁ ଆଗେଇ ନେବ । ନଡ୍ଡାଙ୍କର ଏହି ଆଭିମୁଖ୍ୟକୁ ଓଡ଼ିଶା ନେତା କେତେ କାର୍ଯ୍ୟକାରୀ କରିପାରୁଛନ୍ତି ତାହା ଦେଖିବାକୁ ବାକି ରହିଲା l

ନୂଆଦିଲ୍ଲୀ( ଦ କୁଇଭର ):- ୨୬ / ୧୧ ମୁମ୍ବାଇ ଆକ୍ରମଣର ମୋଷ୍ଟ ୱାଣ୍ଟେଡ ଅଭିଯୁକ୍ତ ତହୱୁର ହୁସେନ ରାଣା ଭାରତରେ ପହଞ୍ଚିଛନ୍ତି । ୨୦୦୮ ମସିହା ୨୬ / ୧୧ ମୁମ୍ବାଇ ଆକ୍ରମଣରେ ଥିବା ମାଷ୍ଟର ମାଇଣ୍ଡ ରାଣାଙ୍କୁ ବୁଧବାର ଆମେରିକା ଭାରତକୁ ହସ୍ତାନ୍ତର କରିଥିଲା ।ବହୁବର୍ଷର କୂଟନୈତିକ ପ୍ରୟାସ ପରେ ୨୦୦୮ ମୁମ୍ବାଇ ଆକ୍ରମଣର ମାଷ୍ଟରମାଇଣ୍ଡ ତହବୁର ରାଣା ଆମେରିକାରୁ ପ୍ରତ୍ୟର୍ପିତ ହୋଇଛି। ତହବୁରକୁ ଏକ ସ୍ବତନ୍ତ୍ର ବିମାନରେ ଦିଲ୍ଲୀ ଅଣାଯାଇଛି। ଭାରତୀୟ ଗୁଇନ୍ଦା ଏବଂ ତଦନ୍ତକାରୀ ଅଧିକାରୀଙ୍କ ଏକ ମିଳିତ ଟିମ୍ ତହବୁରକୁ ଧରି ଦିଲ୍ଲୀ ପାଲାମ ବିମାନବନ୍ଦରରେ ଗୁରୁବାର ସନ୍ଧ୍ୟା ୬ଟା ୩୦ରେ ପହଞ୍ଚିବା ପରେ ସେଠାରେ ତାକୁ ଏନ୍‌ଆଇଏ ଗିରଫ କରିଥିଲା ଏବଂ ପରବର୍ତ୍ତୀ ଆଇନଗତ ପ୍ରକ୍ରିୟା ଆରମ୍ଭ ହୋଇଥିଲା। ବିମାନ ବନ୍ଦରରେ ହିଁ ତହବୁରର ସ୍ବାସ୍ଥ୍ୟ ପରୀକ୍ଷା କରାଯିବା ସହ ପ୍ରତ୍ୟର୍ପଣ ସଂକ୍ରାନ୍ତ ଔପଚାରିକତା ପୂରଣ କରାଯାଇଥିଲା। ଏହା ପରେ ବୁଲେଟ୍ ପ୍ରୁଫ୍ ଗାଡ଼ି ଓ ସଶସ୍ତ୍ର କମାଣ୍ଡୋଙ୍କ ସୁରକ୍ଷା ବଳୟରେ ତହବରକୁ ସ୍ବତନ୍ତ୍ର ଏନ୍‌ଆଇଏ ଅଦାଲତରେ ହାଜର କରାଯାଇଥିଲା। ପଟିଆଲା ହାଉସ୍ କୋର୍ଟ ବାହାରେ ଏଥିପାଇଁ ସୁରକ୍ଷା କଡ଼ାକଡ଼ି କରାଯାଇଥିଲା। ଅଦାଲତ ବାହାରେ ଅର୍ଦ୍ଧସାମରିକ ବାହିନୀ ଏବଂ ଦିଲ୍ଲୀ ପୁଲିସ କମାଣ୍ଡୋ ମୁତୟନ ଥିବା ବେଳେ ସୁରକ୍ଷା ଦୃଷ୍ଟିରୁ ଅନେକ ଯାନବାହନ ଯାଞ୍ଚ କରାଯାଇଥିଲା। ପରେ ବିଳମ୍ବିତ ରାତିରେ କଡା ସୁରକ୍ଷାବଳୟ ମଧ୍ୟରେ ପଟିଆଲା ହାଉସରେ ଏହି ଆତଙ୍କୀକୁ ହାଜର କରାଯାଇଥିଲା । ପୁରା ଘଟଣାର ପଚରାଉଚରା ପାଇଁ ତହବୁରକୁ ରିମାଣ୍ଡରେ ନେବା ଆବଶ୍ୟକ ବୋଲି ତଦନ୍ତକାରୀ ସଂସ୍ଥାର ଅଧିକାରୀ କୋର୍ଟଙ୍କ ସମ୍ମୁଖରେ ଯୁକ୍ତି ବାଢିବା ସହ ୨୦ଦିନର ରିମାଣ୍ଡ ଆବେଦନ କରିଥିଲେ । ତେବେ ୧୮ଦିନର ରିମାଣ୍ଡ ପାଇଁ ଅନୁମତି ଦେବା ପରେ ରାତିରେ ହିଁ ତହବୁରକୁ ଏନଆଇଏ ମୁଖ୍ୟ କାର୍ଯ୍ୟାଳୟକୁ ଅଣାଯାଇଛି । ଏନଆଇଏ ଅଧିକାରୀ ତହବୁର ରାଣାକୁ ୨୬/୧୧ ମୁମ୍ବାଇ ଆକ୍ରମଣରେ ପାକିସ୍ତାନୀ ଗୁଇନ୍ଦା ସଂସ୍ଥା ଆଇଏସଆଇର ଭୂମିକାକୁ ନେଇ ପଚରାଉଚରା କରିବେ । ଜେରା ବେଳେ ମୁମ୍ୱାଇ ଆକ୍ରମଣକୁ ନେଇ ତହବୁର ରାଣା ମୁହଁରୁ ନୂଆ ତଥ୍ୟ ମିଳିବା ଆଶା କରାଯାଉଛି ।

ଏନ୍‌ଆଇଏ ଦ୍ବାରା ଆନୁଷ୍ଠାନିକ ଗିରଫ ହୋଇଥିବା ତହବୁରକୁ ତିହାର ଜେଲରେ ରଖାଯିବ ବୋଲି ଜଣାପଡ଼ିଛି। ତହବୁର ଆଗମନକୁ ଦୃଷ୍ଟିରେ ରଖି କେନ୍ଦ୍ରୀୟ କାରାଗାର ଚାରିପଟେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ମୁମ୍ବାଇ ଆତଙ୍କବାଦୀ ଆକ୍ରମଣର ମାଷ୍ଟରମାଇଣ୍ଡ ୬୪ ବର୍ଷୀୟ ତହବୁର ବିରୋଧରେ ଦିଲ୍ଲୀର ସ୍ୱତନ୍ତ୍ର ଏନ୍‌ଆଇଏ କୋର୍ଟରେ ଶୁଣାଣି ଚାଲିବ। ସମସ୍ତ ଶୁଣାଣି ଦିଲ୍ଲୀରେ ହିଁ ହେବାକୁ ଥିବାରୁ ତହବୁରକୁ ମୁମ୍ବାଇ ପଠାଯିବ ନା ନାହିଁ, ତାହା ସ୍ପଷ୍ଟ ହୋଇନାହିଁ। ତହବୁର ବିରୋଧରେ ଏହି ମାମଲାରେ ଏନ୍‌ଆଇଏ ପକ୍ଷରୁ ପ୍ରତିନିଧିତ୍ୱ କରୁଥିବା ପ୍ରସିକ୍ୟୁସନ୍‌ ଟିମର ନେତୃତ୍ୱ ନେବେ ବରିଷ୍ଠ ଆଇନଜୀବୀ ଦୟାନ୍‌ କ୍ରିଷ୍ଣନ। ତାଙ୍କ ସହ ସ୍ବତନ୍ତ୍ର ପବ୍ଲିକ୍ ପ୍ରସିକ୍ୟୁଟର (ଏସ୍‌ପିପି) ନରେନ୍ଦ୍ର ମାନ୍ ଆଇନଗତ ପ୍ରକ୍ରିୟାର ନେତୃତ୍ବ ନେବେ। ପ୍ରତ୍ୟର୍ପଣ ଚୁକ୍ତି ଅନୁଯାୟୀ ଭାରତ ଆମେରିକାକୁ ପ୍ରତିଶ୍ରୁତି ଦେଇଛି ଯେ ତହବୁରକୁ ନିର୍ଯାତନା ଦିଆଯିବ ନାହିଁ। ଜେଲ୍‌ରେ ପର୍ଯ୍ୟାପ୍ତ ସୁରକ୍ଷା ଯୋଗାଇ ଦିଆଯିବ ଏବଂ କେବଳ ସେହି ଅପରାଧ ପାଇଁ ବିଚାର କରାଯିବ ଯେଉଁଥିପାଇଁ ତାକୁ ପ୍ରତ୍ୟର୍ପଣ କରାଯାଇଛି।

ସୂଚନାଯୋଗ୍ୟ, ୨୦୦୮ ମସିହା ନଭେମ୍ବର ୨୬ ତାରିଖରେ ୧୦ ଜଣ ପାକିସ୍ତାନୀ ଆତଙ୍କବାଦୀ ସମୁଦ୍ର ମାର୍ଗ ଦେଇ ମୁମ୍ବାଇ ସହର ଭିତରକୁ ପ୍ରବେଶ କରିବା ପରେ ମୁମ୍ବାଇର ଏକ ରେଳ ଷ୍ଟେସନ, ଦୁଇଟି ବିଳାସପୂର୍ଣ୍ଣ ହୋଟେଲ ଏବଂ ଏକ ଇହୁଦୀ କେନ୍ଦ୍ର ଉପରେ ସମନ୍ୱିତ ଆକ୍ରମଣ କରିଥିଲେ। ପାଖାପାଖି ୬୦ ଘଣ୍ଟାର ଏହି ଆକ୍ରମଣରେ ୧୬୬ ଜଣଙ୍କ ମୃତ୍ୟୁ ଘଟିଥିଲା।

ରାଣା ଭାରତରେ ଜଣେ ମୋଷ୍ଟ ୱାଣ୍ଟେଡ୍ ଆତଙ୍କବାଦୀ । ସେଥି ପାଇଁ ୨୦୨୩ରେ ଆମେରିକାର ସୁପ୍ରିମକୋର୍ଟ ମୁମ୍ବାଇ ଆକ୍ରମଣରେ ତାଙ୍କର ଭୂମିକା ପାଇଁ ତାଙ୍କୁ ଭାରତକୁ ହସ୍ତାନ୍ତର କରିବାକୁ ଅନୁମୋଦନ କରିଥିଲେ, ଏହି ନିଷ୍ପତ୍ତିକୁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ୨୦୨୫ ଫେବୃଆରୀରେ ନିଶ୍ଚିତ କରିଥିଲେ । ସେଥି ପାଇଁ ଅଭିଯୁକ୍ତ ତହୱୁର ହୁସେନ ରାଣା ଆଜି ଭାରତରେ । ଦେଖାଯାଉ ଭାରତର ବିଚାର ବ୍ୟବସ୍ଥା ତହୱୁର ହୁସେନ ରାଣାଙ୍କୁ ଦୋଷୀ ସାବ୍ୟସ୍ତ କରିବାରେ ସଫଳ ହେଉଛନ୍ତି ନା କିଛି ବ୍ୟତିକ୍ରମ ହେଉଛି ।

ଦ କୁଇଭର ବ୍ୟୁରୋ :- ଗତ କିଛି ଦିନ ହେବ ସୁନା ଦର ହ୍ରାସ ପାଇ ଲୋକଙ୍କ ମନରେ ଉତ୍ସାହ ସୃଷ୍ଟି କରିଥିଲା। ମାତ୍ର ଗତ ଦୁଇ ଦିନ ହେବ ସୁନା ମୂଲ୍ୟ ଲଗାତାର ବଢ଼ି ବଢ଼ି ଚାଲିଛି। ପୂର୍ବ ଦିନ ୨୪ କ୍ୟାରେଟ୍ ସୁନା ପ୍ରତି ୧୦୦ ଗ୍ରାମ ପିଛା ୨୭,୪୦୦ ଟଙ୍କା ବୃଦ୍ଧି ପାଇଥିଲା ଏବଂ ଆଜି ଭାରତରେ ସୁନା ମୂଲ୍ୟ ୧୦ ଗ୍ରାମ୍‌ ପିଛା ୯୫,୦୦୦ ଟଙ୍କା ରହିଛି। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଶିଳ୍ପ ନୀତି ପାଇଁ ଗତ କିଛି ଦିନ ଧରି ସେୟାର ବଜାରରେ ବଡ଼ ହଲଚଲ ଦେଖିବାକୁ ମିଳିଛି।ସେହିପରି ୨୨ କ୍ୟାରେଟ୍ ସୁନା ୧୦ ଗ୍ରାମ୍‌କୁ ୮୭ହଜାର ୪୫୦ ଟଙ୍କା ରହିଛି । ୩ ଦିନରେ ୫ ହଜାର ଟଙ୍କା ମହଙ୍ଗା ହେଲାଣି ସୁନା । ଆଗାମୀ ଦିନରେ ସୁନା ଆହୁରି ମହଙ୍ଗା ହେବାର ସମ୍ଭାବନା ରହିଛି ।

ଭୁବନେଶ୍ୱର( ଦ କୁଇଭର ):- ନବୀନ ଜଣେ ଭଲ ବାପା । ଏକଥା ହୁଏ ତ, ଅନେକଙ୍କର ହଜମ ହେବ ନାହିଁ, କିନ୍ତୁ ଯଦି ନିରିଖେଇକି ଦେଖିବା ତାହେଲେ ନବୀନ ତାଙ୍କ ପିତୃତ୍ୱର ପରିଚୟ ଦେଇଛନ୍ତି । ତାଙ୍କ ପୁଅର ପିଠି ଥାପୁଡ଼େଇଛନ୍ତି ନବୀନ । ଯେତେ ବି ବାଧା ବିଘ୍ନ ଆସୁ, ସେ ତାଙ୍କ ପୁଅର ସାଥ ଛାଡ଼ି ନାହାନ୍ତି । ଛାଡ଼ିବା ବି ଅନୁଚିତ୍ । କାରଣ ବିପଦ ବେଳର ବନ୍ଧୁ ହିଁ ଅସଲ ବନ୍ଧୁ । ହଁ ଆଜ୍ଞା ଆମେ ଏଠି କହୁଛୁ ଭିକେ ପାଣ୍ଡିଆନ ଓ ନବୀନ ବାବୁଙ୍କ କଥା । ଯାହାକୁ ନେଇ ସବୁଠି ଚର୍ଚ୍ଚା । ନବୀନଙ୍କୁ ବିରୋଧ କରାଯାଇଛି, ଯେ ସେ ପଣ୍ଡିଆନଙ୍କୁ ସମର୍ଥନ କରୁଛନ୍ତି । କିନ୍ତୁ ଥରେ ବାସ୍ତବ ସ୍ଥିତିକୁ ନଜର ପକେଇଲେ ଜଳ ଜଳ ହେଇ ଦିଶୁଛି କାହିଁକି ନବୀନ ପଣ୍ଡିଆନଙ୍କ ପାଖରେ ଦୁର୍ବଳ ।

ଏବେ ଆସିବା ବାସ୍ତବ କଥା କୁ । ନବୀନଙ୍କର ବୟସ ୭୮ ଛୁଇଁଲାଣି । ପରିଣତ ବୟସ । ଏ ବୟସରେ ରାଜନୀତି କରିବା ହୁଏତ ସମ୍ଭବ ନୁହେଁ । ତଥାପି ତାଙ୍କୁ ରାଜନୀତିର ଗୁରୁ ଦାୟିତ୍ୱ ଦିଆଯାଇଛି । ବିଜେଡ଼ି ଦେଇଛି । ନବୀନଙ୍କ ନଜରରେ ଓଡ଼ିଶାକୁ ଶାସନ କରିବା ପାଇଁ ଆଉ ବିଜେଡ଼ିର ମଙ୍ଗ ଧରିବା ପାଇଁ କୌଣସି ଓଡ଼ିଆ ଯୋଗ୍ୟ ନୁହଁନ୍ତି । ଆଯୋଗ୍ୟଙ୍କ ଉପରେ ଶାସନ ଭାର ଦବା ଅପେକ୍ଷା ଜଣେ ଅଣ ଓଡ଼ିଆଙ୍କୁ ସେ ଯୋଗ୍ୟ ବୋଲି ଭାବିଥିଲେ । କିଛି ଦିନ ଶାସନ ଭାର ତାଙ୍କ ହାତରେ ଟେକିବି ଦେଇଥିଲେ । ସେ ଆଉ କେହି ନୁହଁନ୍ତି, ସେ ହେଉଛନ୍ତି ଭିକେ ପାଣ୍ଡିଆନ ।

ଭିକେ ପାଣ୍ଡିଆନ ତାଙ୍କ ପାଇଁ ଶାସନ କେବଳ କରୁନଥିଲେ, ତାଙ୍କ ବ୍ୟକ୍ତି ଗତ ଜୀବନରେ କାଳେ ଅନେକ କିଛି କରୁଥିଲେ । ମନେ ପକେଇବା ୨୦୧୯ ମସିହା କୋଭିଡ କଥା । ସମସ୍ତେ ଜାଣନ୍ତି ନବୀନ ହେଲେ ନିସଙ୍ଗ । ଅର୍ଥାତ ପରିବାର ନାହିଁ, ପିଲା ନାହାଁନ୍ତି । ୨୦୧୯ ମସିହାରେ ତାଙ୍କର ବୟସ ୭୨ ବର୍ଷ, କୋଭିଡର ଯୋଉ କରାଳ ରୂପ, ସେ ସମୟରେ ନବୀନଙ୍କ ପାଖରେ କିଏ ଥିଲେ ? କୋଉ ଓଡ଼ିଆ ନେତା ଥିଲେ କି ନବୀନଙ୍କ ପାଖରେ ? ନବୀନଙ୍କର ସେବା କରିବା ପାଇଁ କିଏ ଯାଇଥିଲେ ? ନବୀନ ଯେତେବେଳେ ଅସୁସ୍ଥ ଥିଲେ ତାଙ୍କ ପାଖରେ ବସିଥିଲେ କିଏ ? କିଏ ତାଙ୍କ ଦେଖାରଖା କରୁଥିଲେ ? ଜଣେ ବୟସ୍କ ଲୋକର ଆବଶ୍ୟକତାକୁ ସହଜେ ମନେ ପକେଇ ପରାନ୍ତିନି ଯୁବକ ଏବଂ ତଥା କଥିତ ସମାଜସେବୀ ମାନେ ।

ଥରେ ମାନେ ପକାନ୍ତୁ ତ କୋଉ ଓଡ଼ିଆ ନେତା କେବେ ନବୀନଙ୍କର ବ୍ୟକ୍ତିଗତ ଜୀବନ ବିଷୟରେ କେହି ଜାଣିବାକୁ ଚାହିଁଛନ୍ତି କି ? ହଁ ନବୀନ ହୁଏତ ସୁଯୋଗ ଦେଇ ନ ପାରନ୍ତି, କିନ୍ତୁ କେହି କେବେ ଚେଷ୍ଟା କରିଛନ୍ତି କି ? କିନ୍ତୁ ପାଣ୍ଡିଆନ ତାହା କରିଛନ୍ତି । ସେ ଅସୁସ୍ଥ ହୁଅନ୍ତୁ, ଶାରୀରିକ ଭାବେ ବା ମାନସିକ ଭାବେ । ସେ କୌଣସି କଥା ଆଲୋଚନା କରିବା ପାଇଁ ଚାହାଁନ୍ତି ବା ତର୍ଜମା କରିବା ପାଇଁ । ସବୁବେଳେ ପାଣ୍ଡିଆନ ହିଁ ଉପସ୍ଥିତ ରହୁଥିଲେ । ତେଣୁ ସେ ପଣ୍ଡିଆନଙ୍କୁ ତାଙ୍କର ବନ୍ଧୁ, ଶଖା ଏବଂ ପୁଅ ଭାବରେ ଗ୍ରହଣ କରିଥିବା କୁହାଯାଏ । ପାଣ୍ଡିଆନ ବି ଅନେକ ଜାଗାରେ ତାଙ୍କୁ ପିତୃ ତୁଲ୍ୟ ବୋଲି କହିଛନ୍ତି । ପିତା ପୁତ୍ରର ସମ୍ପର୍କ ଆଉ ପଣ୍ଡାଆନଙ୍କର ଯୋଉ ବ୍ୟକ୍ତି ସ୍ତରରେ ତାଙ୍କର ଯାହା ସେବା ତାକୁ ସେ ଠିକ୍ ଭାବେ ତୁଆଲାଇ ଚାଲିଛନ୍ତି ।

ଏବେ ସମସ୍ତଙ୍କ ନଜର ପଡିଛି ପଣ୍ଡିଆନଙ୍କ ଉପରେ । କେତେ ଜଣ ନବୀନ ବାବୁଙ୍କ ପାଖରେ ରହିଛନ୍ତି ? ରାତି ଅଧରେ ଜଣେ ବୟସ୍କ ତା ପରିଣତ ବୟସରେ ଥିବା ଲୋକଙ୍କର ଆବଶ୍ୟକତା କଥା କିଏ ଚିନ୍ତା କରିଛନ୍ତି ? ଏଇ କଥା ଚିନ୍ତା କରୁଥୁବା ଭିକେ ପଣ୍ଡିଆନଙ୍କ ପାଇଁ ନବୀନଙ୍କ ଦୁର୍ବଳତା ରହିବା ସ୍ଵାଭାବିକ । ଆଉ ନବୀନଙ୍କର ସେ ଦୁର୍ବଳତା ଅଛି । ସେ ଦୁର୍ବଳତାକୁ କେହି କାଟି ପାରିବେ ନାହିଁ । ନବୀନ ସର୍ବସମ୍ମୁଖରେ କହିଛନ୍ତି ପାଣ୍ଡିଆନ ଭଲ କାମ କରିଛନ୍ତି । ପାଣ୍ଡିଆନ କୌଣସି କ୍ଷତି କରିନାହାନ୍ତି ବିଜେଡ଼ିର । ଯେ ୧୦ ମାସ ହେବ ହସ୍ତକ୍ଷେପ କରିନାହାନ୍ତି । ପାଣ୍ଡିଆନଙ୍କ ପ୍ରତି ନବୀନଙ୍କର ଏ ଯୋଉ ସ୍ନେହ ଶ୍ରଦ୍ଧା ସ୍ୱତ ପିତୃ ତୁଲ୍ୟ ।

ସେଥି ପାଇଁ ଆମେ କହୁଛୁ ନବୀନ ଜଣେ ଭଲ ବାପା । ବାକି ବିଚାର ଜନତାଙ୍କର ? ଯେ ନବୀନଙ୍କର ଏ ବୟସରେ ରାଜନୀତିରେ ରହିବା କଥା, ଯଦି ରହିବା କଥା ତାଙ୍କ ସାଙ୍ଗରେ କିଏ ରହିବା କଥା କି ? ଯଦି କିଏ ନ ରହିବା କଥା ତେବେ ସେ କେମିତି ରହିବେ ? ହଁ କେତକ ଏଠି କହିପାରନ୍ତି ବିଜୁ ବାବୁଙ୍କ ଶେଷ ଅବସ୍ଥାରେ ନବୀନ ବାବୁ ନ ଥିଲେ, ଦିଲ୍ଲୀ ପଳାଇଥିଲେ । ତେଣୁ ନବୀନ ବାବୁ ତାଙ୍କ ବାପାଙ୍କ ସହ ଯାହା କରିଥିଲେ ତାଙ୍କ କର୍ମର ଫଳ ପାଉଛନ୍ତି । ସେ ବି ସେମିତି ରହିବେ । ଦେଖାଯାଉ ଏହି ବାପ ପୁଅ ସମ୍ପର୍କ ଭିତରେ ରାଜନୀତି ଆଗକୁ ଯାଉଛି ନା ବାପ ପୁଅଙ୍କ ସମ୍ପର୍କ ?

ବ୍ରହ୍ମପୁର( ଦ କୁଇଭର ):- ବ୍ରହ୍ମପୁର ସହର ସ୍ଥିତ ବିଜିପୁର କାଳୀ ମନ୍ଦିର ନିକଟରେ ଯୁବକକୁ ଆକ୍ରମଣ ଘଟଣା,୨ମାସ ଧରି ଫେରାର ଥିବା ୬ ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଛିଟାଉନ ଥାନା ପୋଲିସ । ସୂଚନା ପ୍ରକାରେ, ଚଳିତ ବର୍ଷ ଗତ ଜାନୁୟାରୀ ୨୭ ତାରିଖରେ ରାତିରେ ବିଜିପୁର କାଳୀ ମନ୍ଦିର ନିକଟରେ ସୁଜନ ପାତ୍ର ଓ ଅଭିନାଶ ମହାନ୍ତିଙ୍କୁ ଖଣ୍ଡାରେ ଆକ୍ରମଣ କରିବା ସହ ହତ୍ୟା ଉଦ୍ୟମ କରି ଦୀର୍ଘ ୨ ମାସ ହେଲା ଫେରାର ହୋଇଥିଲେ ୬ ଅଭିଯୁକ୍ତ । ଏହି ସବୁ ଫେରାର ଅଭିଯୁକ୍ତ ଙ୍କୁ ଧରିବା ପାଇଁ ଥାନା ଅଧିକାରୀ ସୌଭାଗ୍ୟ କୁମାର ସ୍ୱାଇଁଙ୍କ ନିର୍ଦ୍ଦେଶ କ୍ରମେ ଏସଆଇ ବିଭୁତି ଭୂଷଣ ସେଠୀ ,ରଞ୍ଜିତ କୁମାର ଦାଶ ଓ ଅନ୍ୟ ପୁଲିସ କର୍ମଚାରୀମାନେ କଟକ, ପୁରୀ, ଭୁବନେଶ୍ୱରର ବିଭିନ୍ନ ସ୍ଥାନରେ ଚଢ଼ାଉ କରି ବୁଧବାର ୬ଜଣ ଅଭିଯୁକ୍ତକୁ ଧରିବାରେ ସଫଳ ହୋଇଥିବା ଜଣାପଡିଛି । ଫେରାର ଅଭିଯୁକ୍ତଙ୍କୁ ଧରିବା ପାଇଁ ଟାଉନ ଥାନା ପୁଲିସ ଅକ୍ଳାନ୍ତ ପରିଶ୍ରମ କରିଛି । ତେବେ ଗିରଫ ଅଭିଯୁକ୍ତ ମାନେ ହେଲେ ଗୋଶାଣୀ ନୁଆଁ ଗ୍ରାମର ହିମାଂଶୁ ସାହୁ,ଆଙ୍କୁଲି ଅଞ୍ଚଳର ଦେବାଶିଷ ସାହୁ, ବୈଦ୍ୟନାଥ ନଗରର ସାର୍ଥକ ମହାନ୍ତି,ଗେଟ ବଜ଼ାର ଅଞ୍ଚଳର ଲିଙ୍କୁନ ନାୟକ,ପ୍ରେମ ନଗର ୭ତମ ଲାଇନର ସୁକେଶ କୁମାର ନାୟକ ଓ ପାଣିଗ୍ରାହୀ ପେଣ୍ଠ ସାହିର, ଆକାଶ ପାଣିଗ୍ରାହୀ । ତେବେ ଗିରଫ ପରେ ସମସ୍ତ ଅଭିଯୁକ୍ତ ଙ୍କୁ କୋର୍ଟ ଚାଲାଣ କରାଯିବ ବୋଲି ଟାଉନ ଥାନା ପୋଲିସ ଗଣମାଧ୍ୟମ କୁ ସୂଚନା ଦେଇଛି l

ବ୍ରହ୍ମପୁର( ଦ କୁଇଭର ):- ଗଞ୍ଜାମ ଓକିଲ ସଂଘ

ନବ ନିର୍ବାଚିତ କର୍ମକର୍ତ୍ତାଙ୍କ ଶପଥ ଗ୍ରହଣ ଉତ୍ସବ ସୋମବାର ଅସ୍ଥାୟୀ ସଂଘ କାର୍ଯ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି। କୋର୍ଟ ପରିସରରେ ଥିବା ଅସ୍ଥାୟୀ ହଲରେ ଶପଥ ଗ୍ରହଣ ଉତ୍ସବ ହୋଇଥିଲା। ନିର୍ବାଚନ ଅଧିକାରୀ ମୋହନ ସିଙ୍ଗାରୀଙ୍କ ଅଧ୍ୟକ୍ଷତାରେ ଆୟୋଜିତ ଏହି ଶପଥ ପାଠ ଉତ୍ସବରେ ରାଜ୍ୟ ଆଇନଜୀବୀ ପରିଷଦ ସଦସ୍ୟ ପୀତବାସ ପଣ୍ଡା, ସଞ୍ଜିତ ପାଣିଗ୍ରାହୀ, ପୂର୍ବତନ ସଂଘ ସଭାପତି ନୟନ ମହାପାତ୍ର, ଉପସଭାପତି ରାମ ପ୍ରସାଦ ପଣ୍ଡା, ସମ୍ପାଦକ ବିରଞ୍ଚି ନାରାୟଣ ମହାପାତ୍ର ,ଯୁଗ୍ମ ସମ୍ପାଦକ ବେହେରା ପ୍ରମୁଖ ମଞ୍ଚାସିନ ଥିଲେ। ତେବେ ନବ ନିର୍ବାଚିତ ସଭାପତି ଭାବେ ମନୋଜ ପଟନାୟକ , ଉପସଭାପତି ରୂପେ ତ୍ରିମୁଲ କୁମାର ରେଡି,ସମ୍ପାଦକ ଟି. ଭେଙ୍କେଟ ରାଓ,ସହ ସମ୍ପାଦକ ରୂପେ ଅଶିତ ସାବତଙ୍କୁ ଶପଥ ପାଠ କରାଇଥିଲେ ନିର୍ବାଚନ ଅଧିକାରୀ ମୋହନ ସିଙ୍ଗାରୀ । ଶପଥ ଗ୍ରହଣ ଉତ୍ସଵ ରେ ବରିଷ୍ଠ ଆଇନଜୀବୀ ଶିଶିର ପାଣିଗ୍ରାହୀ, କିପିଳେଶ୍ୱର ପଟ୍ଟନାୟକ, ନିର୍ମଳ ସାହୁ, ଅଶୋକ ଶୁକ୍ଳ, ପ୍ରଦୀପ କୁମାର ବେହେରା, ତାପସ ସାହୁ ଙ୍କ ସମେତ ଗଞ୍ଜାମ ଓକିଲ ସଙ୍ଘର ବହୁ ଆଇନଜୀବୀ ଉପସ୍ଥିତ ଥିଲେ।

ଦ କୁଇଭର ବ୍ୟୁରୋ :- ଆଜି ଆମେରିକାରୁ ଆସୁଛି ଆତଙ୍କୀ ତହବୁର ରାଣା । ଅଧବାଟରେ ଆଜ୍ଞାତସ୍ଥାନରେ କିଛି ସମୟ ବିଶ୍ରାମ କରିଥିବା ସୂଚନା ରହିଛି । ତେବେ ଦିଲ୍ଲୀରେ ପହଞ୍ଚିବା ପରେ ତାକୁ ଏନଆଇଏ ପଟିଆଲା କୋର୍ଟରେ ହାଜର କରାଯିବ । ତିହାର ଜେଲର ଉଚ୍ଚ ସୁରକ୍ଷା ସମ୍ପନ୍ନ ସେଲରେ ତାକୁ ରଖିବା ନେଇ ବିଚାର ବିମର୍ଷ ଚାଲିଛି । ତେବେ ମୁମ୍ବାଇ ଆକ୍ରମଣ ବାବଦରେ ଅଧିକ ତଥ୍ୟ ତହବୁର ଠାରୁ ମିଳିବା ନେଇ ଆଶା କରାଯାଉଛି । ତେବେ ଦୀର୍ଘ ୧୬ ବର୍ଷ ପରେ ଭାରତର ବଡ କୁଟନୀତି ବିଜୟ ହୋଇଛି l

୨୦୦୮ ନଭେମ୍ବର ୨୬, ଦୋହଲି ଥିଲା ଦେଶର ବାଣିଜ୍ୟ ସହର ମୁମ୍ବାଇ । ଆତଙ୍କୀଙ୍କ ଗୁଳିମାଡ଼ରେ ରକ୍ତପାତ ହୋଇଥିଲା ମାୟାନଗରୀ । ଆକ୍ରମଣ ମାଷ୍ଟରମାଇଣ୍ଡ ତହବୁର ରାଣାର ଭାରତକୁ ଫେରାଇ ଆଣିବାରେ ସଫଳ ହୋଇଛନ୍ତି ଭାରତ ସରକାର । କଡ଼ା ସୁରକ୍ଷା ଭିତରେ ଆମେରିକାରୁ ଆତଙ୍କୀର ପ୍ରତ୍ୟର୍ପଣ ପ୍ରକିୟା ଆରମ୍ଭ ହୋଇଛି । ଭାରତ ଉପରେ ଆକ୍ରମଣର ଅନ୍ୟତମ ମାଷ୍ଟରମାଇଣ୍ଡ ପ୍ରତ୍ୟର୍ପଣରୁ ବଞ୍ଚିବାକୁ ବାରମ୍ବାର ଆମେରିକା କୋର୍ଟଙ୍କ ଦ୍ବାରସ୍ଥ ହୋଇଥିଲେ ବି ଫେଲ ମାରିଥିଲା । ନିକଟରେ ପ୍ରଧାନମନ୍ତ୍ରୀ ମୋଦୀଙ୍କ ଆମେରିକା ଗସ୍ତ ସମୟରେ ଟ୍ରମ୍ପ ପ୍ରଶାସନ ଆତଙ୍କୀର ପ୍ରତ୍ୟର୍ପଣ ପାଇଁ ଦେଇଥିବା ପ୍ରତିଶ୍ରୁତି ଏବେ ପୂରା ହୋଇଛି ।

ଦ କୁଇଭର ବ୍ୟୁରୋ :- ରାଜ୍ୟରେ ସ୍ବୟଂ ସହାୟକ ଗୋଷ୍ଠୀ (ଏସ୍‌ଏଚ୍‌ଜି)ର ଢାଞ୍ଚା ସଂପୂର୍ଣ୍ଣ ବଦଳିବ । ସବୁ ଘରକୁ ଏସ୍‌ଏଚ୍‌ଜି ଗ୍ରୁପ୍ ସହ ଯୋଡ଼ାଯିବ । ପ୍ରତି ପରିବାରକୁ ଏସ୍‌ଏଚ୍‌ଜି ସହ ଯୋଡ଼ିବାକୁ କେନ୍ଦ୍ର ସରକାର କହିଥିଲେ । ହେଲେ ପୂର୍ବ ସରକାରରେ ବହୁ ପରିବାର ବଞ୍ଚିତ ହୋଇଥିଲେ । କିଛି ନିର୍ଦ୍ଦିଷ୍ଟ ଗୋଷ୍ଠୀର ମହିଳାଙ୍କୁ ଏଥିରୁ ବାହାର କରି ଦିଆଯାଇଥିଲା । ଏବେ ସରକାରଙ୍କ ମିସନ ଶକ୍ତି ବିଭାଗ ଦ୍ବାରା ସବୁ ଘରକୁ ଏସ୍‌ଏଚ୍‌ଜି ଗ୍ରୁପ୍ ସହ ଯୋଡ଼ିବାକୁ ପ୍ରଚେଷ୍ଟା ଆରମ୍ଭ ହୋଇଥିବା ସୂଚନା ଦେଇଛନ୍ତି ମହିଳା ଓ ଶିଶୁ ବିକାଶ ବିଭାଗ ଦାୟିତ୍ବରେ ଥିବା ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା । ଶ୍ରୀମତୀ ପରିଡ଼ା କହିଛନ୍ତି ଯେ ଏବେ ସମସ୍ତଙ୍କୁ ଜିପିଏଲ୍‌ଏଫ୍‌ ନିର୍ବାଚନରେ ଭାଗ ନେବାର ସୁଯୋଗ ମିଳିବ । ପୂର୍ବରୁ ଯେଉଁମାନେ ସଭାପତି ଓ ସଂପାଦକ ଅଛନ୍ତି ସେମାନଙ୍କ ଜାଗାରେ ନୂଆ ଚୟନ ହେବ । ତୃଣମୂଳସ୍ତରରେ ମହିଳା ‌ନେତୃତ୍ବ ସୃଷ୍ଟି ପାଇଁ ପ୍ରଚେଷ୍ଟା ହେବ । ଚଳିତମାସରେ ସ୍ବୟଂ ସହାୟକ ଗୋଷ୍ଠୀ (ଏସ୍‌ଏଚ୍‌ଜି)କୁ ପୁନଃସଂଗଠିତ କରାଯିବ । ପରବର୍ତ୍ତୀ ମାସରେ ଜିପିଏଲଏଫ୍‌ ଓ ସିଏଲ୍‌ଏଫ୍‌, ବିଏଲ୍‌ଏଫ୍‌ଙ୍କୁ ଜିଲ୍ଲା ଓ ରାଜ୍ୟସ୍ତରରେ ନୂଆ ନିଯୁକ୍ତି ଦିଆଯିବ । ଯେଉଁମାନେ ୨ଥର ୪ବର୍ଷରୁ ଅଧିକ ରହିସାରିଛନ୍ତି ସେମାନେ ପଦରୁ ହଟିବେ । ପୂର୍ବ ସରକାର ସେମାନଙ୍କ ଭୋଟ୍‌ ପାଇଁ ରାଜନୈତିକ ଉଦ୍ଦେଶ୍ୟ ରଖି ଏଭଳି କରିଥିଲେ l ସେଥିପାଇଁ ରାଜ୍ୟରେ ଏସ୍‌ଏଚ୍‌ଜିଙ୍କ ପଞ୍ଜୀକରଣ ହୋଇନାହିଁ । ବିନା ପଞ୍ଜୀକରଣରେ କୋଟି କୋଟି ଟଙ୍କା ଦିଆଯାଇଛି । ଯାହାର ଅଡିଟ୍‌ ହେଉନାହିଁ । ଯେଉଁଠି ପଞ୍ଜୀକରଣ କିମ୍ବା ଅଡିଟ୍‌ ହେଉନାହିଁ ତାହାର ଉଦ୍ଦେଶ୍ୟ କ’ଣ ବୁଝାପଡ଼ୁଛି। କିନ୍ତୁ ଏବେ ମହିଳାଙ୍କ ବିକାଶ ପାଇଁ ନୂଆ ସରକାର କାମ କରିବେ। ଋଣ କିମ୍ବା ରିଭଲ୍‌ଭିଂ ପାଣ୍ଠିରେ ପାତରଅନ୍ତର ହେବ ନାହିଁ, ସମସ୍ତଙ୍କୁ ଟଙ୍କା ଦିଆଯିବ l

ଭୁବନେଶ୍ୱର( ଦ କୁଇଭର ):- ଏଣିକି ଆଉ ଥାନାରେ ପୁରୁଣା ମାମଲା ପଡ଼ିରହିବ ନାହିଁ। ପୂର୍ବରୁ ପଡ଼ିରହିଥିବା ମାମଲାଗୁଡ଼ିକର ତଦନ୍ତ ପ୍ରକ୍ରିୟାକୁ ତ୍ବରାନ୍ବିତ କରି କୋର୍ଟରେ ଚାର୍ଜସିଟ୍‌ ଦାଖଲ କରିବାକୁ ହେବ। ଏମିତି କଡ଼ା ନିର୍ଦ୍ଦେଶ ଦେଇଛନ୍ତି ଭୁବନେଶ୍ବର ଡିସିପି। ଭୁବନେଶ୍ବର କମିସନରେଟ୍‌ ପୁଲିସରେ ବିଭିନ୍ନ ଥାନାରେ ୧୦ହଜାରରୁ ଊର୍ଧ୍ବ ପୁରୁଣା ମାମଲା ପଡ଼ିରହିଛି। ଫଳରେ ଲୋକେ ନ୍ୟାୟ ପାଇବା ବହୁ ବିଳମ୍ବିତ ହେଲାଣି। ତେଣୁ ମାସକୁ ଅତିକମ୍‌ରେ ୨ ହଜାର ମାମଲାର ତଦନ୍ତ ଶେଷ କରିବା ସହ କୋର୍ଟରେ ଚାର୍ଜସିଟ୍‌ ଦାଖଲ କରାଯିବ ବୋଲି ଡିସିପି ଜଗମୋହନ ମୀନା କହିଛନ୍ତି। ଏଥିପାଇଁ ସମସ୍ତ ଥାନାକୁ ଓ ଜୋନ୍‌ ଅଧିକାରୀଙ୍କୁ ସେ ନିର୍ଦ୍ଦେଶ ଦେଇଛନ୍ତି। ଏଡିସିପିମାନେ ସବୁ ଜୋନ୍‌ର ପୁରୁଣା ମାମଲା ତଦନ୍ତ ବାବଦରେ ତଦାରଖ କରିବେ। ଠିକଣା ସମୟରେ ତଦନ୍ତ ଶେଷ କରିଥିବା ଅଧିକାରୀଙ୍କୁ ପୁରସ୍କୃତ କରାଯିବ ଓ ଯେଉଁମାନେ ଏଥିରେ ଅସଫଳ ହେବେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ। ଡିସିପି ଶ୍ରୀ ମୀନାଙ୍କ ଏଭଳି କଡ଼ା ଆଭିମୁଖ୍ୟ ପରେ ଏବେ ପୁଲିସ ମହଲରେ ଛନକା ପଶିଛି। ତେବେ ପ୍ରତି ମାସରେ ଭୁବନେଶ୍ବର ସହରାଞ୍ଚଳ ପୁଲିସରେ ପାଖାପାଖି ୧୨୩୨ରୁ ଅଧିକ ମାମଲା ରୁଜୁ ହେଉଛି। ମାର୍ଚ୍ଚ ମାସରେ ଭୁବନେଶ୍ବର ସହରାଞ୍ଚଳ ଜିଲ୍ଲା ପୁଲିସ ୧୩୦୦ ମାମଲାର ତଦନ୍ତ ଶେଷ କରି କୋର୍ଟରେ ଚାର୍ଜସିଟ୍‌ ଦାଖଲ କରିଛି। ଏମିତି ହିସାବରେ ପ୍ରତିମାସରେ କିଛି ନା କିଛି ମାମଲା ସେମିତି ଗଡ଼ୁଛି। ଚାର୍ଜସିଟ୍‌ ହୋଇପାରୁନାହିଁ। ବିଶେଷକରି ପୁରୁଣା ମାମଲା ଗଡ଼ୁଥିବାରୁ ଲୋକେ ନ୍ୟାୟ ପାଇପାରୁନାହାନ୍ତି। ତେଣୁ ଆଗକୁ ପ୍ରତି ମାସରେ ୨୦୦୦ରୁ ଅଧିକ ମାମଲାର ତଦନ୍ତ ଶେଷ କରିବା ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଛି। ଏଥିପାଇଁ ପ୍ରତି ଜୋନ୍‌ରେ ଜଣେ ଲେଖାଏ ଆଡିସ୍‌ନାଲ୍‌ ଡିସିପିଙ୍କୁ ପରାମର୍ଶଦାତା ଭାବେ ଦାୟିତ୍ବ ଦିଆଯାଇଛି। ସେମାନେ ନିଜ ନିଜ ଜୋନ୍‌ର ସମସ୍ତ ତଦନ୍ତକାରୀ ଅଫିସରଙ୍କୁ ଗାଇଡ୍‌ କରିବେ। ସେମାନଙ୍କ ପାଖରେ ପଡ଼ି ରହିଥିବା ମାମଲାର ତଦନ୍ତକୁ କିଭଳି ତ୍ବରାନ୍ବିତ କରାଯାଇ ଚାର୍ଜସିଟ୍‌ ଦାଖଲ ହେବ, ସେ ଉପରେ ଗୁରୁତ୍ବ ଦେବେ। ସେହିଭଳି ଡିସିପିଙ୍କ କାର୍ଯ୍ୟାଳୟରେ କାର୍ଯ୍ୟରତ ପ୍ରତ୍ୟେକ ଆଡିସ୍‌ନାଲ ଡିସିପି, ଏସିପି ଓ ଇନ୍ସପେକ୍ଟର୍‌ମାନେ ଏଦିଗରେ ତଦନ୍ତ ଅଧିକାରୀମାନଙ୍କ ମେଣ୍ଟର୍‌ ବା ପରାମର୍ଶଦାତା ହିସାବରେ କାର୍ଯ୍ୟ କରିବେ। ଯେଉଁ ଅଧିକାରୀଙ୍କ ନିକଟରେ ସର୍ବାଧିକ ମାମଲା ପଡ଼ିରହିଛି, ସେମାନଙ୍କୁ ଅନ୍ୟ ବରିଷ୍ଠ ଅଧିକାରୀମାନେ ସହଯୋଗ କରିବେ। ଏଥିପାଇଁ ୧୫ଜଣ ଅଧିକାରୀଙ୍କୁ ପରାମର୍ଶଦାତା ଭାବେ ବଛାଯାଇଛି ଏବଂ ସେମାନେ ମାମଲାର ତଦାରଖ କରିବେ।

ତଦନ୍ତ ଅଧିକାରୀଙ୍କୁ ଉତ୍ସାହିତ କରିବା ପାଇଁ ଭଲ ପ୍ରଦର୍ଶନ କରିଥିବା ଅଧିକାରୀଙ୍କୁ ପୁରସ୍କାର ରାଶି ଓ ପ୍ରଶଂସାପତ୍ର ପ୍ରଦାନ କରାଯାଇଛି l ଆଗକୁ ଏହି ପ୍ରକ୍ରିୟାକୁ ତ୍ବରାନ୍ବିତ କରାଯିବ ଏବଂ ଭୁବନେଶ୍ୱର ସହରାଞ୍ଚଳ ଜିଲ୍ଲାର ପୁରୁଣା ମାମଲା ସଂଖ୍ୟା ହ୍ରାସ କରାଯିବ ବୋଲି ଡିସିପି ଶ୍ରୀ ମୀନା କହିଛନ୍ତି l

ଦ କୁଇଭର ବ୍ୟୁରୋ :- ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ରବିବାର ଦୁଇଦିନିଆ ନୂଆଦିଲ୍ଲୀ ଗସ୍ତରେ ଯାଇଛନ୍ତି। ସେଠାରେ ସେ ରାଜ୍ୟ ସରକାରଙ୍କ ତରଫରୁ ଇଣ୍ଡିଆନ ଅଏଲ କର୍ପୋରେସନ ଲିମିଟେଡ (ଆଇଓସିଏଲ୍‌), ପେଟ୍ରୋନେଟ ଏଲ୍‌ଏନ୍‌ଏଜି ଏବଂ ଇଣ୍ଡିଆନ ଷ୍ଟ୍ରାଟେଜିକ ପେଟ୍ରୋଲିୟମ ରିଜର୍ଭ ଲିମିଟେଡ ସମେତ ପ୍ରମୁଖ ଉଦ୍ୟୋଗ ସହିତ ଗୁରୁତ୍ୱପୂର୍ଣ୍ଣ ବୁଝାମଣାପତ୍ର ସ୍ୱାକ୍ଷର କରିବାକୁ ଯାଉଛନ୍ତି l ଏହି ରଣନୈତିକ ସହଯୋଗ ପେଟ୍ରୋକେମିକାଲ ଏବଂ ରାସାୟନିକ ଶିଳ୍ପ ପାଇଁ ଏକ ପ୍ରମୁଖ କେନ୍ଦ୍ର ହେବା ପାଇଁ ଓଡ଼ିଶାର ଗୁରୁତ୍ୱ ବୃଦ୍ଧି କରିବ। ସେହିପରି ବିଦ୍ୟମାନ ଶିଳ୍ପ ଇକୋସିଷ୍ଟମକୁ ମଜବୁତ କରିବା, ଗୁରୁତ୍ୱପୂର୍ଣ୍ଣ ନିବେଶ ଆକର୍ଷିତ କରିବା, ନିଯୁକ୍ତି ସୁଯୋଗ ସୃଷ୍ଟି କରିବା ଏବଂ ରାଜ୍ୟର ସାମଗ୍ରିକ ଅର୍ଥନୈତିକ ବିକାଶକୁ ବୃଦ୍ଧି କରିବା ଏହି ବୁଝାମଣାପତ୍ରର ଲକ୍ଷ୍ୟ ହେଉଛି l ଦୁଇ ଦିନିଆ କାର୍ଯ୍ୟକ୍ରମରେ, ମୁଖ୍ୟମନ୍ତ୍ରୀ ବିଭିନ୍ନ ଅଂଶୀଦାର ଏବଂ ଶିଳ୍ପ ନେତାଙ୍କ ସହିତଉଚ୍ଚସ୍ତରୀୟ ଆଲୋଚନାରେ ଯୋଗଦେବେ। ସେ ଶିଳ୍ପ ଅଭିବୃଦ୍ଧି ପାଇଁ ରାଜ୍ୟର ଦୃଷ୍ଟିକୋଣକୁ ରୂପରେଖ ଦେବେ, ନିବେଶକ-ଅନୁକୂଳ ପରିବେଶ ସୃଷ୍ଟି କରିବା ପାଇଁ ଓଡ଼ିଶା ସରକାରଙ୍କ ଦ୍ୱାରା କାର୍ଯ୍ୟକାରୀ କରାଯାଇଥିବା ପ୍ରମୁଖ ସଂସ୍କାର ଏବଂ ପଦକ୍ଷେପଗୁଡ଼ିକୁ ଆଲୋକପାତ କରିବେ ବୋଲି ଆଶା କରାଯାଉଛି l

ଶିଳ୍ପ ବୈଠକରେ ଯୋଗଦେବା ସହିତ, ମୁଖ୍ୟମନ୍ତ୍ରୀ ମାଝୀ ନୋଏଡାର ଏଚ୍‌ସିଏଲ୍‌ ଟେକ୍ କ୍ୟାମ୍ପସ ପରିଦର୍ଶନ କରିବାର କାର୍ଯ୍ୟକ୍ରମ ରହିଛି। ସେ ବିଭିନ୍ନ କ୍ଷେତ୍ରର ପ୍ରମୁଖ ବ୍ୟବସାୟିକ ନେତାମାନଙ୍କ ସହିତ ଏକକ ବୈଠକ ମଧ୍ୟ କରିବେ ଏବଂ ଓଡ଼ିଶାର ଶିଳ୍ପ ପରିଦୃଶ୍ୟକୁ ଆହୁରି ଉନ୍ନତ କରିପାରିବ ବୋଲି ସମ୍ଭାବ୍ୟ ସହଭାଗୀତା ଅନୁସନ୍ଧାନ କରିବେ। ବିଭିନ୍ନ କାର୍ଯ୍ୟକ୍ରମ ସାରି ମୁଖ୍ୟମନ୍ତ୍ରୀ ଏପ୍ରିଲ ୯ ତାରିଖରେ ଭୁବନେଶ୍ୱର ଫେରିବାର ଆଶା କରାଯାଉଛି।

ଗଞ୍ଜାମ, ତାରାତାରିଣୀ ( ଦ କୁଇଭର ):- ଚୈତ୍ର ମାସର ଶେଷ ମଙ୍ଗଳବାର ଅବସରରେ ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ଗଞ୍ଜାମ ଜିଲ୍ଲାର ଅଧିଷ୍ଠାତ୍ରୀ ଦେବୀ ମା' ତାରାତାରିଣୀଙ୍କ ଦର୍ଶନ କରିଛନ୍ତି। ଉପମୁଖ୍ୟମନ୍ତ୍ରୀଙ୍କ ସହ ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ମଧ୍ୟ ମା’ତାରା ତାରିଣୀଙ୍କ ଦର୍ଶନ କରି ଆଶୀର୍ବାଦ ନେଇଛନ୍ତି l ରାଜ୍ୟ ସରକାର ଶକ୍ତିପୀଠ କରିଡ଼ର ମାଧ୍ୟମରେ ଓଡ଼ିଶାର କିଛି ପୁରାତନ ମନ୍ଦିରର ଗୁରୁତ୍ବ ବଢ଼ାଇବାକୁ ଯାଉଛନ୍ତି । ଏହାରି ମାଧ୍ୟମରେ ରାଜ୍ୟରେ ରହିଥିବା ସମସ୍ତ ଶକ୍ତିପୀଠକୁ ଯୋଡାଯିବ । ସମସ୍ତ ଶକ୍ତିପୀଠ ମଧ୍ୟରେ ସମନ୍ୱୟ ରଖାଯିବ । ଏହି ଶକ୍ତିପୀଠ କରିଡ଼ର ସମ୍ପର୍କରେ ଖୁବଶୀଘ୍ର ରାଜ୍ୟ ସରକାରଙ୍କ ପକ୍ଷରୁ ଘୋଷଣା କରାଯିବ । ତେବେ ମଙ୍ଗଳବାର ଏନେଇ ଗଞ୍ଜାମ ଜିଲ୍ଲା ଖଲ୍ଲିକୋଟ ଗସ୍ତ ଅବସରରେ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ଗଣମାଧ୍ୟମର ପ୍ରତିନିଧିମାନଙ୍କୁ ଏହି ସୂଚନା ଦେଇଛନ୍ତି l ସେ ଆହୁରି ମଧ୍ୟ କହିଛନ୍ତି, ରାଜ୍ୟର ଶକ୍ତିପୀଠକୁ ନେଇ ସ୍ବତନ୍ତ୍ର କରିଡର୍‌ ନିର୍ମାଣ ହେବ। ଏହି କରିଡ଼ରରେ ଗଂଜାମ ଜିଲ୍ଲାର ତାରାତାରିଣୀ, ଭୈରବୀ, ଯାଜପୁରର ବିରଜା, ଖୋର୍ଦ୍ଧା ଜିଲ୍ଲାର ଉଗ୍ରତାରା, ବାଣପୁରସ୍ଥିତ ଭଗବତୀ, ପୁରୀ ଜିଲ୍ଲା କାକଟପୁରସ୍ଥିତ ମଙ୍ଗଳା, ଚିଲିକାର କାଳିଜାଈ ପୀଠକୁ ସାମିଲ କରାଯାଇଛି । ଆଗାମୀ ୨ ବର୍ଷ ଭିତରେ ଶକ୍ତିପୀଠ କରିଡର୍ କରିବାକୁ ଲକ୍ଷ୍ୟ ରଖାଯାଇଛି । ଭକ୍ତଙ୍କ ସୁବିଧା ପାଇଁ ହେଲିକପ୍ଟର ବ୍ୟବସ୍ଥା ନେଇ ଯୋଜନା କରାଯାଇଛି । ରାଜ୍ୟରେ ଥିବା ସମସ୍ତ ଶକ୍ତିପୀଠକୁ ଏଥିରେ ଯୋଡ଼ାଯିବ । ଖୁବଶୀଘ୍ର ରାଜ୍ୟ ସରକାରଙ୍କ ପକ୍ଷରୁ କରାଯିବ ଏହି ଘୋଷଣା l

ସୂଚନାଯୋଗ୍ୟ, ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ମଙ୍ଗଳବାର ଗଞ୍ଜାମ ଜିଲ୍ଲାର ଅଧିଷ୍ଠାତ୍ରୀ ଦେଵୀ ମା' ତାରାତାରିଣୀଙ୍କ ଶକ୍ତିପୀଠ ପରିଦର୍ଶନ କରିଛନ୍ତି । ଏହି ଅବସରରେ ମା' ତାରାତାରିଣୀଙ୍କ ପୀଠ ଏବଂ ଆଖପାଖ ଅଞ୍ଚଳର ଉନ୍ନତୀକରଣ ନେଇ ବିଭିନ୍ନ ଉନ୍ନତିମୂଳକ ପ୍ରକଳ୍ପଗୁଡିକର ସମୀକ୍ଷା କରିଛନ୍ତି । ଏହି ଗସ୍ତ ସମୟରେ ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ, ପରିବହନ ମନ୍ତ୍ରୀ ବିଭୂତି ଭୂଷଣ ଜେନା, ମତ୍ସ୍ୟ ଓ ପ୍ରାଣୀ ସମ୍ପଦ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ, ବ୍ରହ୍ମପୁର ବିଧାୟକ କେ.ଅନିଲ କୁମାର ଏବଂ ଆସ୍କା ବିଧାୟକ ସରୋଜ ପାଢ଼ୀ ଉପସ୍ଥିତ ଥିଲେ।

ଦ କୁଇଭର ବ୍ୟୁରୋ :- ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ୩ ଦିନିଆ ଦିଲ୍ଲୀ ଗସ୍ତ ସାରି ଭୁବନେଶ୍ବର ଫେରିଛନ୍ତି । ଏହି ୩ ଦିନିଆ ଗସ୍ତବେଳେ ସେ ନିବେଶକଙ୍କ ସମ୍ମିଳନୀରେ ସାମିଲ ହୋଇଥିଲେ । ଓଡିଶାକୁ ପୁଞ୍ଜିନିବେଶ ଆସିବ ବୋଲି ମୁଖ୍ୟମନ୍ତ୍ରୀ ଆଶା ପ୍ରକାଶ କରିଛନ୍ତି । ମୁଖ୍ୟମନ୍ତ୍ରୀଙ୍କୁ ସ୍ବାଗତ କରିବାକୁ ଭିଡ ଲାଗିଥିଲା । ବିମାନ ବନ୍ଦରରେ ତାଙ୍କୁ ଜୋରଦାର ସ୍ବାଗତ କରାଯାଇଛି । ମୁଖ୍ୟମନ୍ତ୍ରୀ କହିଛନ୍ତି ଗସ୍ତ ଅବସରରେ ୧୩ଟି ଏମ୍‌.ଓ.ୟୁ ସ୍ୱାକ୍ଷରିତ, ୧୫ଟି ନିବେଶ ପ୍ରସ୍ତାବ ରାଜ୍ୟକୁ ଆସିଛି । ସମୁଦାୟ ୧ ଲକ୍ଷ ୩ହଜାର ୯୦କୋଟି ଟଙ୍କାର ପୁଞ୍ଜିନିବେଶ ସହ ରାଜ୍ୟରେ ୯୫ ହଜାର ୯୧୫ଟି ନିଯୁକ୍ତି ସୁଯୋଗ ସୃଷ୍ଟି ହେବ । ଦିଲ୍ଲୀ ଗସ୍ତ ଅବସରରେ ବୁଧବାର ମୁଖ୍ୟମନ୍ତ୍ରୀ ମୋହନ ମାଝୀ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ ଭେଟିଥିଲେ ଓ ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରିଥିଲେ ।

ଦ କୁଇଭର ବ୍ୟୁରୋ :- କେନ୍ଦ୍ର ସରକାର ଘରୋଇ ଏଲ୍‌ପିଜି ଦର ୫୦ ଟଙ୍କା କୁ ବୃଦ୍ଧି କରିଛନ୍ତି । ଉଭୟ ସାଧାରଣ ଗ୍ରାହକ ଏବଂ ଉଜ୍ଜ୍ବଳା ଯୋଜନାର ହିତାଧିକାରୀଙ୍କ ପାଇଁ ଦର ବୃଦ୍ଧି କରାଯାଇଛି। ଚଳିତ ମାସ ୮ ତାରିଖ (ମଙ୍ଗଳବାର)ଠାରୁ ଏହାକୁ ଲାଗୁ କରାଯିବ। ଏଥିଯୋଗୁ ସାଧାରଣ ଗ୍ରାହକ ବ୍ୟବହାର କରୁଥିବା ଘରୋଇ ଏଲ୍‌ପିଜି ଦର ୮୦୩ ଟଙ୍କାରୁ ବୃଦ୍ଧି ଘଟି ୮୫୩ ଟଙ୍କାରେ ପହଞ୍ଚିଛି। ସେହିଭଳି ଉଜ୍ଜ୍ବଳା ଯୋଜନାରେ ପ୍ରଦାନ କରାଯାଉଥିବା ଏଲ୍‌ପିଜି ଦର ୫୦୦ ଟଙ୍କା ପରିବର୍ତ୍ତେ ୫୫୦ ଟଙ୍କାରେ ପହଞ୍ଚିଛି। ଏଥିସହିତ ଆଗାମୀ ଦିନରେ ପ୍ରତି ୨ରୁ ୩ ସପ୍ତାହରେ ଏହି ଦରର ସମୀକ୍ଷା କରାଯିବ ବୋଲି କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ହରଦୀପ ସିଂହ କହିଛନ୍ତି। ଗୋଟିଏ ପଟେ କେନ୍ଦ୍ର ସରକାର ପେଟ୍ରୋଲ ଓ ଡିଜେଲ ଉପରେ ଉତ୍ପାଦ ଶୁଳ୍କ ଲିଟର ପିଛା ୨ ଟଙ୍କା ବଢ଼ାଇଛନ୍ତି। ଯଦିଓ ଏହାର ବୋଝ ଗ୍ରାହକଙ୍କ ଉପରେ ପଡ଼ିବ ନାହିଁ ବୋଲି କୁହାଯାଇଛି ଅନ୍ୟପଟେ କିନ୍ତୁ ଏଲ୍‌ପିଜି ଦର ବଢ଼ାଇ ସାଧାରଣ ଲୋକଙ୍କ ଉପରେ ଦରଦାମ ବୋଝକୁ ଲଦି ଦେଇଛନ୍ତି। ଗ୍ୟାସ ବିକ୍ରି ବାବଦରେ ତୈଳ କମ୍ପାନିଗୁଡ଼ିକ ସହିଥିବା ୪୩ ହଜାର କୋଟି ଟଙ୍କାର କ୍ଷତିର କିଛି ଅଂଶ ଭରଣା କରିବା ପାଇଁ ପେଟ୍ରୋଲ ଓ ଡିଜେଲ ଉପରେ ଉତ୍ପାଦ ଶୁଳ୍କ ବଢ଼ାଯାଇଛି ବୋଲି କେନ୍ଦ୍ରମନ୍ତ୍ରୀ ଶ୍ରୀ ସିଂହ କହିଛନ୍ତି। ଆଗାମୀ ଦିନରେ ରନ୍ଧନ ଗ୍ୟାସ ଦର ବୃଦ୍ଧିର ସମୀକ୍ଷା ପ୍ରତି ୧୫ରୁ ୩୦ ଦିନରେ କରାଯିବ ବୋଲି ସେ କହିଛନ୍ତି।

ଦ କୁଇଭର ବ୍ୟୁରୋ :- ସୁଭଦ୍ରା ଯୋଜନା କୁ ନେଇ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡାଙ୍କ ବଡ଼ ସୂଚନା, ଏପ୍ରିଲ ୨୨ ଓ ୨୩ ତାରିଖରେ ନୂତନ ଆବେଦନକାରୀଙ୍କୁ ମିଳିବ ସୁଭଦ୍ରା ଟଙ୍କା । ଅଯୋଗ୍ୟ ହିତାଧିକାରୀଙ୍କୁ ସର୍ଭେ ପରେ ସୁଭଦ୍ରା ଟଙ୍କା ମିଳିବ l ତୃତୀୟ କିସ୍ତି ପରେ ଯେଉଁମାନଙ୍କ ବୟସ ୨୧ ବର୍ଷ ହୋଇଥିବେ ତାଙ୍କ ପାଇଁ ପୁଣି ସୁଭଦ୍ରା ଖୋଲିବ । ରବିବାର ସୁଦ୍ଧା ୧ ଲକ୍ଷ ୭୦ ହଜାର ନୂଆ ଆବେଦନ ଆସିଛି। ସେମାନଙ୍କ ଭିତରୁ ଯେଉଁମାନେ ଯୋଗ୍ୟ ସେମାନେ ସୁଭଦ୍ରା ଟଙ୍କା ପାଇବେ। ସୁଭଦ୍ରା ଯୋଜନାରୁ ବାଦ ପଡ଼ିଥିବା ୧ ଲକ୍ଷ ୭୦ ହଜାର ହିତାଧିକାରୀଙ୍କ ଆକାଉଣ୍ଟକୁ ଆସିବ ଏହି ଟଙ୍କା । ପୂର୍ବରୁ ସୁଭଦ୍ରା ଯୋଜନାରେ ୧ କୋଟି ୬୫ ହଜାର ୮୭୭ ଜଣ ମହିଳା ସୁଭଦ୍ରା ଯୋଜନାର ପ୍ରଥମ କିସ୍ତି ପାଇଛନ୍ତି, ସେହିଭଳି ଦ୍ଵିତୀୟ କିସ୍ତି ପାଇଛନ୍ତି ୯୮ ଲକ୍ଷ ୮୨ ହଜାର ୯୨ ଜଣ ମହିଳା ।

ପ୍ରଥମ କିସ୍ତିରେ ସରକାର ୫ ହଜାର ୩୨ କୋଟି ୯୩ ଲକ୍ଷ ୮୫ ହଜାର ଟଙ୍କା ହିତାଧିକାରୀଙ୍କ ଆକାଉଣ୍ଟକୁ ପଠାଇଛନ୍ତି । ଦ୍ଵିତୀୟ କିସ୍ତିରେ ୪ ହଜାର ୯୪୧ କୋଟି ୪ ଲକ୍ଷ ୬୦ ହଜାର ଟଙ୍କା ପଠାଯାଇଛି । ଏବେ ପୁଣି ନୂତନ ଆବେଦନ କାରୀଙ୍କୁ ମିଳିବ ଏହି ସୁଭଦ୍ରା ଟଙ୍କା l

ବ୍ରହ୍ମପୁର( ଦ କୁଇଭର ):- ଖଣି ଓ ଇସ୍ପାତ ମନ୍ତ୍ରୀ ଶ୍ରୀ ବିଭୂତି ଭୂଷଣ ଜେନା ଙ୍କ ବ୍ରହ୍ମପୁର ମହାନଗର ନିଗମ (BeMC) ର ପ୍ରତିନିଧି ଭାବେ ନିଯୁକ୍ତ ହେଲେ ଗଞ୍ଜାମ ଜିଲ୍ଲା ଯୁବମୋର୍ଚ୍ଚା ସଭାପତି ଶ୍ରୀ ଶିବ ଶଙ୍କର ନାୟକ l ଏନେଇ ଆଜି ଵିଧି ବଦ୍ଧ ଭାବେ ବିଜ୍ଞପ୍ତି ପ୍ରକାଶ ପାଇଛି l