ଫାଷ୍ଟକ୍ରାଇ ଇଣ୍ଟେଲିଟଟ ପ୍ରୀସ୍କୁଲର ବାର୍ଷିକ ଉତ୍ସଵ

ବ୍ରହ୍ମପୁର (ଦ କୁଇଭର ):- ସିଦ୍ଧାର୍ଥ ନଗର ଠାରେ ଥିବା ଫାଷ୍ଟକ୍ରାଇ ଇଣ୍ଟେଲିଟଟ୍ ପ୍ରି-ସ୍କୁଲର ପ୍ରଥମ ବାର୍ଷିକ ଉତ୍ସବ ଆଇ.ଟି.ଆଇ ଅଡିଟୋରିଅମରେ ପାଳିତ ହୋଇଯାଇଛି। ଏଠାରେ ବିଭିନ୍ନ ଶ୍ରେଣୀର ଛାତ୍ରଛାତ୍ରୀ ମାନେ ସାଂସ୍କୃତିକ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ପ୍ରି ସ୍କୁଲର ନିର୍ଦ୍ଦେଶିକା ଡ଼ଃ ମିତ୍ରବିନ୍ଦା ପଣ୍ଡା ବାର୍ଷିକ ବିବରଣୀ ପାଠ କରିଥିଲେ। ମୁଖ୍ୟ ଅତିଥି ରୂପେ ବ୍ରହ୍ମପୁର ମେୟର ସଂଘମିତ୍ରା ଦଳେଇ ଓ ମୁଖ୍ୟବକ୍ତା ଭାବେ ଛତ୍ରପୁର ଉପଜିଲ୍ଲାପାଳ ଶିବାଶିଷ ବରାଳ ଯୋଗ ଦେଇ ଶିଶୁ ମାନଙ୍କୁ ଉତ୍ସାହିତ କରିଥିଲେ । ଅନ୍ୟ ତମ ଅତିଥି ଭାବେ ବ୍ରହ୍ମପୁର ବିଶ୍ୱବିଦ୍ୟାଳୟ ଗଣ ଯୋଗାଯୋଗ ବିଭାଗ ମୁଖ୍ୟ ଡ଼ଃ ବନ୍ଦିତା ପଣ୍ଡା, ଗବେଷଣା ଓ ବିକାଶ ନିର୍ଦ୍ଦେଶକ ଡ଼ଃ ତପନ କୁମାର ବାରିକ ଯୋଗ ଦେଇଥିଲେ। ଫାଷ୍ଟକ୍ରାଇ ଇଣ୍ଟେଲିଟଟ୍ ପ୍ରି ସ୍କୁଲର ଇଷ୍ଟର୍ନ୍ ଜୋନାଲ ଏକାଡେମୀକ୍ ହେଡ୍ ସାୟାନି ମୁଖାର୍ଜୀ ଏବଂ ଏକାଡେମୀକ୍ ଅପରେସନାଲ୍ ମ୍ୟାନେଜର୍ ପ୍ରଜ୍ଞା ପରମିତା ପଣ୍ଡା ପ୍ରମୁଖ ସ୍ଵତନ୍ତ୍ର ଅତିଥି ଭାବେ ଏହି ଭବ୍ୟ କାର୍ଯ୍ୟକ୍ରମରେ ଉପସ୍ଥିତ ଥିଲେ। ପ୍ରିସ୍କୁଲ୍ ଫ୍ରାଞ୍ଚାଇଜି ପାର୍ଟନର୍ ଡ଼ଃ ସ୍ୱତୀ ଦାଶ, ଫିଟ୍ ବ୍ଲୁ ଚେୟାରମ୍ୟାନ୍ ସଚିନ୍ଦ୍ର ପ୍ରସାଦ ଦାଶ, ବରିଷ୍ଠ ସାମ୍ବାଦିକ ତଥା ଗାୟକ ସୁଦୀପ କୁମାର ସାହୁ ଓ ଦେବହରି ବେହେରା କାର୍ଯ୍ୟକ୍ରମରେ ଉପସ୍ଥିତ ଥିଲେ । କାର୍ଯ୍ୟକ୍ରମ ଶେଷରେ ଛାତ୍ରଛାତ୍ରୀ ମାନ ଙ୍କୁ ପୁରସ୍କାର ଓ ମାନପତ୍ର ପ୍ରଦାନ କରାଯାଇଥିଲା।