ବିଜେପି ଗଡରେ ବିଜେଡି ଚାଲ୍

ନୟାଗଡ ( ଦ କୁଇଭର ):- ଖଣ୍ଡପଡା ଏନଏସିରେ ବିଜେଡି ଖେଳୁଛି ରାଜନୈତିକ ଗୋଟି । ବିଧାନ ସଭା ଆସନ ବିଜେଡି ହାତରୁ ଯାଇଛି ତେଣୁ ଏନଏସି ଆସନକୁ କବ୍‌ଜା କରିବାକୁ କସରତ ଚଳାଇଛି ଦଳ । ଖଣ୍ଡପଡା ଏନଏସିର ଅଧ୍ୟକ୍ଷା ସ୍ୱଧିନରେ ଜିତିଥିଲେ ମଧ୍ୟ ସେ ବିଜେପି ସମର୍ଥୀତ ସେଥିପାଇଁ ତାଙ୍କୁ ହଟାଇ ବିଜେଡି ଅଧ୍ୟକ୍ଷା ବସାଇବାକୁ ଯୋରଦାର ଯୋଜନା ଚାଲିଛି । ଏଥିରେ ମାଧ୍ୟମ ସାଜିଛନ୍ତି ୯ କାଉନସିଲର । ଅଧ୍ୟକ୍ଷାଙ୍କ ବିରୁଦ୍ଧରେ ୧୩ଜଣ ବିଶିଷ୍ଟ କାଉନସିଲରରୁ କିଛି କାଉନସିଲର ଏବେ ଆତ୍ମଗୋପନ କରିଛନ୍ତି ଏବଂ ଜିଲ୍ଲାପାଳଙ୍କ ନିକଟରେ ଅନାସ୍ଥା ପ୍ରସ୍ତାବ ମଧ୍ୟ ଆଣିଛନ୍ତି । କାଉନସିଲର ମାନେ ଆତ୍ମଗୋପନ କରିବା ସହ ଅଭିଯୋଗ ଆଣିଛନ୍ତି ଅଧ୍ୟକ୍ଷା କୌଣସି କାମ କରୁନାହାନ୍ତି । କାଉନସିଲର ମାନେ ପ୍ରଶ୍ନ କଲେ କାଳେ ତାଙ୍କୁ ମାରିଦେବାକୁ ଧମକ ଦେଉଛନ୍ତି । ଖାସ କରି ଅଧ୍ୟକ୍ଷାଙ୍କ ସ୍ୱାମୀଙ୍କ ନାଁରେ ମଧ୍ୟ ଅଭିଯୋଗ ଆଣିଛନ୍ତି କାଉନସିଲର ମାନେ । ସବୁଠାରୁ ରୋଚକ କଥା ପୂର୍ବ ଭଳି ରାଜନୀତି ଚାହୁଁଛନ୍ତି ଖଣ୍ଡପଡାର କାଉନସିଲର ମାନେ ।କିନ୍ତୁ ଏଠି ପ୍ରଶ୍ନ ଗତ ୨ରୁ ଅଢେଇ ବଷ୍ର ବିତିଯାଇଥିଲେ ମଧ୍ୟ ନା କେହି କହିଥିଲେ ନା କେହି ଅଭିଯୋଗ ଆଣିଥିଲେ ? ଏବେ ହଠାତ ଆସିଲେ ଅଭିଯୋଗର ଲମ୍ବା ଫର୍ଦ ଦେଖାଇଲେ । ଏନଏସିର ଆଇନରେ ୨ ବର୍ଷ ପରେ ଅନାସ୍ଥା ପ୍ରସ୍ତାବ ଆଣିବାର ବ୍ୟବସ୍ଥା ରହିଛି । ତେଣୁ କାଳେ ଠିକ୍ ସମୟରେ ଗୋଟି ଚଳାଇଛନ୍ତି ନୟାଗଡ ବିଜେଡି ବିଧାୟକ ଅରୁଣ କୁମାର ସାହୁ । ଖଣ୍ଡପଡା ଏନଏସିରେ ଅନାସ୍ଥା ପ୍ରସ୍ତାବ ଆଣିବାରେ କାଳେ ତାଙ୍କରି ହିଁ ହାତ ରହିଛି । ତାଙ୍କରି ସହେଯାଗରେ କାଳେ ଆତ୍ମଗୋପନ କରିଛନ୍ତି କାଉନସିଲର ମାନେ । ତେଣୁ ସେଠୁ ଭିଡିଓ କରି ଅଭିଯୋଗ କରିଛନ୍ତି କାଉନସିଲର । ସେମାନଙ୍କ ସପକ୍ଷରେ ବହୁମତ ଥିବାରୁ ତୁରନ୍ତ ଅନାସ୍ଥା ପ୍ରସ୍ତାବ ମାଧ୍ୟମରେ ଅଧ୍ୟକ୍ଷାଙ୍କୁ ଗାଦିଚ୍ୟୁତ କରିବାକୁ ଦାବୀ କରିଛନ୍ତି । କାଳେ ଚେଷ୍ଟା ଚାଲିଛି ଖଣ୍ଡପଡା ଏନଏସିରେ ବିଜେପି ବଦଳରେ ବିଜେଡି ବାନା ଉଡାଇବାକୁ । ଦେଖାଯାଉ ବିଜେପି ସରକାରରେ ବିଜେପିଗୋଷ୍ଠୀକୁ ହଟାଇବାରେ କେତେ ସଫଳ ହେଉଛି ବିଜେଡି ?