ବାରିପଦା(ଦ କୁଇଭର): ୍ରଥମଥର ପାଇଁ ଶିମିଳିପାଳ ଜାତୀୟ ପ୍ରାଣୀ ଉଦ୍ୟାନରେ କଳାବାଘ ସଫାରୀ କରାଯିବ । ୧୦୦ଏକର ଜମିରେ ଏହି ସଫାରୀ ରହିବ । ଏହି କଳାବାଘ ସଫାରୀ ପାଇଁ କେନ୍ଦ୍ରୀୟ ଚିଡ଼ିଆଖାନା କର୍ତ୍ତୃପକ୍ଷ ଅନୁମତି ଦେଇଥିବା କହିଛନ୍ତି ପିସିସିଏଫ ସୁଶାନ୍ତ ନନ୍ଦ । ବାରିଦା ମଞ୍ଚିଆପଡ଼ାରେ ଏହି ସଫାରୀ କରାଯିବ । ନନ୍ଦନକାନନରେ ଥିବା କଳା ଜିନ ବାଘକୁ ସେଠାରେ ଛଡ଼ାଯିବ । ଚଳିତବର୍ଷ ଶେଷ ସୁଦ୍ଧା ପର୍ଯ୍ୟଟକଙ୍କ ପାଇଁ ଖୋଲାଯିବ ଏହି ସଫାରୀ ।
ଅନ୍ୟପକ୍ଷରେ ଆଜି ଅର୍ନ୍ତଜାତିକ ବ୍ୟାଘ୍ର ଦିବସ ଉପଲକ୍ଷେ ଶିମିଳିପାଳ ସୁରକ୍ଷା ପାଇଁ ମିନି ମାରାଥନ ଆୟୋଜିତ ହୋଇଛି । ଶିମିଳିପାଳରେ ବାଘ ସଂରକ୍ଷଣ ନିମନ୍ତେ ସଚେତନତା ସୃଷ୍ଟି କରିବାକୁ ଶିମିଳିପାଳ ଉତ୍ତର ବନ୍ୟପ୍ରାଣୀ ବନଖଣ୍ଡ ପକ୍ଷରୁ ଏହି ମାରାଥନ ଆୟୋଜିତ ହୋଇଥିଲା । ବାଘୁଣୀ ଖଇରୀର ମୃତ୍ୟୁକୁ ମନେ ପକାଇଥିଲେ ଲୋକେ । ପ୍ରଥମେ ଖଇରୀ ସମାଧୀସ୍ଥଳରେ ପୁଷ୍ପମାଲ୍ୟ ପ୍ରଦାନ କରି ବାଘ ପ୍ରତି ଆତ୍ମିୟତାକୁ ପ୍ରତିପାଦିତ କରିଥିଲେ ।
କରଞ୍ଜିଆରୁ ସୁମନ୍ତ ପାତ୍ରଙ୍କ ରିପୋର୍ଟ, ଦ କୁଇଭର
