କଟକ ଐତିହାସିକ ବାଲିଯାତ୍ରା ପାଇଲା ଜାତୀୟ ମାନ୍ୟତା

ଦ କୁଇଭର ବ୍ୟୁରୋ :- ଭାରତୀୟ ସେନା ପୁଣି ଥରେ ଆତଙ୍କୀ ଷଡଯନ୍ତ୍ରକୁ ପଣ୍ଡ କରିଛି । ଜମ୍ମୁ କଶ୍ମୀରରେ ଅପରେସନ ମହାଦେବକୁ ମିଳିଛି ବଡ଼ ସଫଳତା । ଜମ୍ମୁ କଶ୍ମୀର ପୋଲିସ ଏବଂ ସିଆରପିଏଫର ମିଳିତ ଅପରେସନ୍ ଚାଲିଛି । ସର୍ଚ୍ଚ ଅପରେସନରେ ଲସ୍କର କମାଣ୍ଡରଙ୍କ ସମେତ ୩ ଲସ୍କର ଆତଙ୍କବାଦୀ ନିହତ । ନିହତ ୩ ଆତଙ୍କବାଦୀ TRF ସଂଗଠନର ବୋଲି ଜଣାପଡିଛି ।ଖବର ଅନୁଯାୟୀ, ସୁରକ୍ଷା ବାହିନୀର ଦଳ ଦାଚିଗାମ ଜଙ୍ଗଲର ଉପର ଭାଗରେ ସର୍ଚ୍ଚ ଅପରେସନ୍ କରୁଥିଲେ । ଜମ୍ମୁ କଶ୍ମୀର ପୋଲିସ ଏବଂ ସିଆରପିଏଫର ମିଳିତ ଅପରେସନ୍ ଚାଲିଛି । ସର୍ଚ୍ଚ ଅପରେସନରେ ଲସ୍କର କମାଣ୍ଡରଙ୍କ ସମେତ ୩ ଲସ୍କର ଆତଙ୍କବାଦୀ ନିହତ । ନିହତ ୩ ଆତଙ୍କବାଦୀ TRF ସଂଗଠନର ବୋଲି ଜଣାପଡିଛି ।ଏହି ଅଞ୍ଚଳ ଶ୍ରୀନଗରକୁ ତ୍ରାଲ ସହିତ ସଂଯୋଗ କରିଥାଏ । ଏକ ପାହାଡିଆ ରାସ୍ତା ଦେଇଯାଏ । ଏହି ଅଞ୍ଚଳରେ ଆତଙ୍କବାଦୀ ଗୋଷ୍ଠୀ TRF (ଦି ରେଜିଷ୍ଟାନ୍ସ ଫ୍ରଣ୍ଟ)ର ଆତଙ୍କବାଦୀମାନେ ଲୁଚି ରହିପାରନ୍ତି । ଏହି ଗୋଷ୍ଠୀ ପହଲଗାମରେ ଆତଙ୍କବାଦୀ ଆକ୍ରମଣ ପାଇଁ ଦାୟୀ କରାଯାଉଛି ।ସୋମବାର ସୁରକ୍ଷା ବାହିନୀ ସମଗ୍ର ଅଞ୍ଚଳକୁ ଘେରି ରହିଛନ୍ତି ଏବଂ ସର୍ଚ୍ଚ ଅପରେସନକୁ ଜୋରଦାର କରାଯାଇଛି । ଏହି ଅଞ୍ଚଳରେ ଆତଙ୍କବାଦୀ ଗୋଷ୍ଠୀ ଟିଆରଏଫର ଆହୁରି ଆତଙ୍କବାଦୀ ଲୁଚି ରହିପାରନ୍ତି । ବିଶେଷକରି ଦାଚିଗାମ ଜାତୀୟ ଉଦ୍ୟାନକୁ ଟିଆରଏଫ ଆତଙ୍କବାଦୀଙ୍କ ମୁଖ୍ୟ ଆଡ୍ଡାସ୍ଥଳ ଭାବରେ ବିବେଚନା କରାଯାଇଛି ।

ଦ କୁଇଭର ବ୍ୟୁରୋ :- ବାଣିଜିକ ଜିଲ୍ଲା ତଥା ଶିକ୍ଷିତ ଜିଲ୍ଲା ଭାବେ ପରିଚିତ ଜଗତସିଂହପୁର ଜିଲ୍ଲା ବର୍ତ୍ତମାନ ଦୁଷ୍କର୍ମ ଜିଲ୍ଲା ଭାବରେ ଚର୍ଚ୍ଚାରେ ରହିଛି l ଜିଲ୍ଲାରେ ଗୋଟେ ପରେ ଗୋଟେ ନାବାଳିକା, ବଳତ୍କାରର ଶିକାର ହୋଇଥିବା ବେଳେ, ପୋଲିସ ମଧ୍ୟ ଅଭିଯୁକ୍ତ ମାନଙ୍କୁ ଗିରଫ କରି କୋର୍ଟ ଚାଲାଣ କରିଚାଲିଛନ୍ତି,ତଥାପି ନାବାଳିକା ମାନଙ୍କ ସହିତ ଅତ୍ୟାଚାର କମିବାର ନାଁ ଧରୁନି,ଯାହାକୁ ନେଇ ବିରୋଧି ରାଜନୈତିକ ଦଳଗୁଡ଼ିକ ବିଜେପି ସରକାରଙ୍କୁ ଅଙ୍ଗୁଳି ନିର୍ଦ୍ଦେଶ କରୁଥିବାବେଳେ ଆଇନସୁଙ୍ଖଳା କୋଉଠି ନା କୋଉଠି ବିପର୍ଯ୍ୟସ୍ତ ହୋଇପଡିଥିବା ଦେଖାଦେଇଛି l

ସୂଚନା ପ୍ରକାରେ, ଗତ ସପ୍ତାହରେ କାଠକୋଟ ପଂଚାୟତର ଜଣେ ନାବାଳିକାକୁ ଗର୍ଭବତୀ କରାଇ ଦୁଇଭାଇ ଗିରଫ ହୋଇଥିବା ଘଟଣା ମନରୁ ନ ଲିଭୁଣୁ ପୁଣି ଜଣେ ନବମ ଶ୍ରେଣୀ ଛାତ୍ରୀ ଜଗତସିଂହପୁର ମେଡିକାଲରେ ୭ ମାସର ମୃତ ଶିଶୁ ପ୍ରସବ କରିଥିବା ଜଣାପଡିଛି l ଯାହା ଜଗତସିଂହପୁର ତଥା କୁଜଙ୍ଗକୁ ରାଜ୍ୟସ୍ତରରେ ବେଶ୍ ଲଜ୍ଜିତ କରିଛି । ଜିଲ୍ଲାର କୁଜଙ୍ଗ ଥାନା ଗଣ୍ଡକିପୁର ଅଂଚଳର ଜନୈକ ନବମ ଶ୍ରେଣୀରେ ପଢୁଥିବା ଛାତ୍ରୀଙ୍କର ରବିବାର ମଧ୍ୟରାତ୍ରୀରେ ପେଟରେ ଯନ୍ତ୍ରଣା ହୋଇଥିଲା,ପରେ ଘରଲୋକେ ତାଙ୍କୁ କୁଜଙ୍ଗ ମେଡିକାଲରେ ଭର୍ତ୍ତି କରିଥିଲେ, ସେଠାରେ ସେ ଗର୍ଭବତୀ ରହିଥିବା ଜଣାଡିଥିଲା l ପରେ ତାଙ୍କର ୟନ୍ତ୍ରଣା ବୃଦ୍ଧିପାଇବାରୁ ତାଙ୍କୁ ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ଛାତ୍ରୀ ଜଣକ ଏକ ଅସଂପୂର୍ଣ୍ଣ ମୃତ ଶିଶୁ ପ୍ରସବ କରିଥିବା ଜଣାପଡିଥିଲା ।

ତେବେ ଛାତ୍ରୀ ଜଣକ ଅସୁସ୍ଥ ଥିବା ଜଣାପଡିଛି l ଅନ୍ୟ ପକ୍ଷରେ ଛାତ୍ରୀଙ୍କ ସହିତ ଅନୈତିକ ସମ୍ପର୍କ ରଖିଥିବା ଅଭିଯୋଗରେ ଘଟଣା ଦିନ ଦୁଇଜଣଙ୍କୁ ଉଠାଇନେଇ ଅଟକ ରଖିଥିଲା ପୋଲିସ, ପରେ ପଚରା ଉଚରା କରି ଛାଡିଦେଇଥିବା ଜଣାପଡିଛି l ଅଭିଯୁକ୍ତ ସହ ନାବାଳିକାର ପୂର୍ବରୁ ଅନେକ ଥର ଅନୈତିକ ସମ୍ପର୍କ ରହିଥିବା ପରିବାର ଜାଣିଥିବା ସୂଚନା ମିଳିଛି l ଅଭିଯୁକ୍ତ ବୋଲାଉଥିବା ଯୁବକ, ନାବାଳିକା ର ପୁରୁଣା ବନ୍ଧୁ ବୋଲି ସୂଚନା ମିଳିଛି l ଅନ୍ୟପଟେ ନାବାଳିକାକୁ ନେଇ ପ୍ରତିକ୍ରିୟା ରଖିଛନ୍ତି ଜିଲ୍ଲା ମୁଖ୍ୟ ଏଡିଏମ୍ ଓ ସରୋଜ କୁମାର ଜେନା ଏବଂ ପିଡିତାଙ୍କ ପରିବାର ଲୋକେ l

ଭୁବନେଶ୍ୱର( ଦ କୁଇଭର ):- ଆଜି ଭୁବନେଶ୍ବରରେ ଲୋକଙ୍କ ଅଭିଯୋଗ ଶୁଣିଲେ ମୁଖ୍ୟମନ୍ତ୍ରୀ । ନୂଆ ପ୍ରକୋଷ୍ଠରେ ହୋଇଛି ଅଭିଯୋଗ ଶୁଣାଣି । ୟୁନିଟ ୨ ସ୍ଥିତ କ୍ୟାପିଟାଲ ନର୍ସରୀ ନିକଟରେ ଏଥର ଅଭିଯୋଗ ଶୁଣାଣ ଆୟୋଜିତ ହୋଇଛି। ଆଜିର ଶୁଣାଣି ପାଇଁ ୧୦୦୦ ଲୋକ ଅନଲାଇନରେ ପଞ୍ଜିକରଣ କରିଛନ୍ତି। ବର୍ଷାକୁ ଦୃଷ୍ଟିରେ ରଖି ଅଭିଯୋଗ ଶୁଣାଣି ପ୍ରକୋଷ୍ଠରେ ସ୍ବତନ୍ତ୍ର ବ୍ୟବସ୍ଥା କରାଯାଇଥିଲା। କ୍ରୀଡା ମନ୍ତ୍ରୀ ସୁରଜ ସୂର୍ଯ୍ୟବଂଶୀ,ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଳିଙ୍ଗ, ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ, ମତ୍ସ୍ୟ ଓ ପଶୁ ସମ୍ପଦ ବିକାଶ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ ପ୍ରମୁଖ ମୁଖ୍ୟମନ୍ତ୍ରୀଙ୍କ ସହ ଅଭିଯୋଗ ଶୁଣୁଛନ୍ତି। ପ୍ରଥମେ ଦିବ୍ୟାଙ୍ଗଙ୍କ ସହ ଆଲୋଚନା କରିଥିଲେ ମୁଖ୍ୟମନ୍ତ୍ରୀ ।

ଗଞ୍ଜାମ( ଦ କୁଇଭର ):- ଗଞ୍ଜାମ ଜିଲ୍ଲାର ନବନିଯୁକ୍ତ ଜିଲ୍ଲାପାଳ କୀର୍ତ୍ତିଭାସନ ପ୍ରଥମେ ମାଁ ତାରାତାରିଣୀଙ୍କ ଦର୍ଶନ ପରେ ବ୍ରହ୍ମପୁର ଉପଜିଲ୍ଲାପାଳଙ୍କ ସମ୍ମୀଳନୀ କକ୍ଷରେ ଅନୁଷ୍ଠିତ ହୋଇଛି। ଉକ୍ତ ଶିବିରରେ ବ୍ରହ୍ମପୁର ମହାନଗର ନିଗମ କମିଶନର ପ୍ରଥମେଶ ଅରବିନ୍ଦ ରାଜକିଶୋର, ବ୍ରହ୍ମପୁର ଏସ୍ ପି ଡଃ ସର୍ବଣ ବିବେକ ଏମ୍, ଭାରପ୍ରାପ୍ତ ଉପଜିଲ୍ଲାପାଳ ପାର୍ଥସାରଥୀ ହାଂସଦାଙ୍କ ସମେତ ବ୍ରହ୍ମପୁର ଉପଖଣ୍ଡ ଅଞ୍ଚଳର ସମସ୍ତ ବିଡ଼ିଓ, ତହସିଲଦାର ଓ ବିଭିନ୍ନ ବିଭାଗର ଅଧିକାରୀ ମାନେ ଯୋଗ ଦେଇଥିଲେ। ଆଜିର ଏହି ଶିବିରରେ ସ୍ବାସ୍ଥ୍ୟ, ଶିକ୍ଷା, ଜଳସେଚନ, ରାଜସ୍ୱ, ଭତ୍ତା, ଶ୍ରମିକ କାର୍ଡ ଓ ରେସନ୍ କାର୍ଡ୍ ବିଷୟରେ ଆଲୋଚନା ହୋଇଥିଲା। ଏତଦବ୍ୟତୀତ ୧୧୨ ଅଭିଯୋଗ ମଧ୍ୟରେ ୯୫ଟି ବ୍ୟକ୍ତିଗତ ୮ଟି ଗ୍ରାମ ଭିତ୍ତିକ ସମେତ ୫ଟି ର ସମାଧାନ କରାଯିବା ସହ ୪ ଜଣଙ୍କୁ ରେଡକ୍ରସ୍ ୧୨ ହଜାର ଟଙ୍କା ପ୍ରଦାନ କରାଯାଇଥିଲା। ଅନୁଷ୍ଠିତ ଶିବିରରେ ଜିଲ୍ଲାପାଳ ସମସ୍ତ ଅଧିକାରୀ ମାନେ ମିଳିମିଶି ଜିଲ୍ଲାର ଉନ୍ନତି ପାଇଁ କାର୍ଯ୍ୟ କରିବା ପାଇଁ ସମ୍ମିଳିତ ଉଦ୍ୟମ ରହିଛି ବୋଲି ମତବ୍ୟକ୍ତ କରିଥିଲେ।

ଦ କୁଇଭର ବ୍ୟୁରୋ :- ପୁଣି ସାମ୍ନାକୁ ଆସିଲା ପ୍ରେମ ପ୍ରତାରଣା ଚିତ୍ର । ବିବାହର ପ୍ରତିଶ୍ରୁତି ଦେଇ ପ୍ରଥମେ ପ୍ରେମ, ପରେ ଶାରୀରିକ ସଂପର୍କ ରଖି ପ୍ରତାରଣା କଲେ ଯୁବକ । ଶେଷରେ ନ୍ୟାୟ ପାଇବା ଆଶାରେ ପ୍ରେମିକ ଘର ଆଗରେ ଭୋକ ଉପବାସରେ ୩ ଦିନ ହେବ ଧାରଣାରେ ବସିଛନ୍ତି ଯୁବତୀ । କଥା ଦେଇଥିଲେ ସାଥି ହୋଇ ଜୀବନ କାଟିବେ ବୋଲି । ଆଜି ଅଧା ବାଟରେ ଛାଡ଼ି ଦେଇ ଫେରାର ହୋଇ ଯାଇଛନ୍ତି । କେତେ ପ୍ରତିଶୃତି କେତେ ସ୍ବପ୍ନ ଦେଖାଇ ପ୍ରେମ କରିଥିଲେ । ଆଜି ସେସବୁ ମିଛ ହୋଇଗଲା । ଏବେ ଯଦି ନ୍ୟାୟ ନମିଳେ ତାହେଲେ ଯୁବତୀ ଜଣଙ୍କ ଏପରି କିଛି କରି ବସିବେ ବୋଲି ଚେତାବନୀ ଦେଇଛନ୍ତି ।

ବ୍ରାହ୍ମଣୀଗାଁ ଥାନା ଗୁଡ଼ିକିଆ ଗାଁ ର ତ୍ରିନାଥ ନାୟକଙ୍କ ପୁଅ ଟିଟୁ ନାୟକ ଦୀର୍ଘ ବର୍ଷ ହେବ କିରାମାହା ଗାଁର ଜଣେ ଯୁବତୀଙ୍କୁ ପ୍ରେମ କରୁଥିଲେ । ପ୍ରେମ ସହ ଶାରୀରିକ ସଂପର୍କ ମଧ୍ୟ ରଖିଥିଲେ ଟିଟୁ । ଏପରିକି ବିବାହ କରିବା ପାଇଁ ପ୍ରତିଶ୍ରୁତି ମଧ୍ୟ ଦେଇ ଘରକୁ ନେଇଥିଲେ । ଟିଟୁ ପରିବାର ଲୋକେ ରାଜି ନହେବା ଯୋଗୁଁ ଯୁବତୀଙ୍କୁ ନିଜ ଘରେ ଛାଡ଼ି ଦେଇ ଅନ୍ୟ କୁଆଡେ ଚାଲି ଯାଇଥିବା ବେଳେ ଟିଟୁଙ୍କ ମା ଯୁବତୀଙ୍କୁ ଘରୁ ବାହାର କରି ଦେଇଛନ୍ତି । ସେ ମଧ୍ୟ ତାଲା ପକାଇ କୁଆଡେ ଚାଲି ଯାଇଛନ୍ତି । ଫଳରେ ଯୁବତୀ ଜଣକ ଘର ବାହାରେ ୩ ଦିନ ହେବ ରହିଥିବା ଦେଖିବାକୁ ମିଳିଛି ।ବର୍ତମାନ ଯୁବତୀ ୩ ଦିନ ହେବ ଭୋକ ଉପବାସରେ ଘର ଆଗରେ ଧାରଣାରେ ବସିଛନ୍ତି । ନ୍ୟାୟ ପାଇବା ପାଇଁ ଆଶା ରଖିଛନ୍ତି । ଏନେଇ ଯୁବତୀଙ୍କ ବାପା ଅଜୟ ନାୟକ ଶୁକ୍ରବାର ଦିନ ବ୍ରାହ୍ମଣୀଗାଁ ଥାନାରେ ଏତଲା ଦେବାକୁ ଯାଇଥିବା ବେଳେ ପୁଲିସ ଏତଲା ରଖିବାକୁ ମନା କରିଥିଲେ । ଝିଅ ଆସି ଏତଲା ଦେଲେ ହିଁ ଏତଲା ରଖା ଯିବ ବୋଲି ପୋଲିସ କହିଥିଲେ । ଫଳରେ ନିରାଶ ହୋଇ ଫେରିଥିଲେ ଅଜୟ ନାୟକ ।ତେବେ ଝିଅ ମାନସିକ ସ୍ତରରେ ଚାପରେ ରହିଥିବା ବେଳେ କେତେବେଳେ କଣ ହେବ ତାହା କିଛି କହିହେବ ନାହିଁ । ସେଥିପାଇଁ ଯୁବତୀଙ୍କ ପରିବାର ଲୋକ ଚିନ୍ତାରେ ରହିଥିବା ବେଳେ ପୋଲିସ ଏଥି ପ୍ରତି ଗୁରୁତ୍ବ ଦେଇ ଝିଅକୁ ନ୍ୟାୟ ପ୍ରଦାନ କରିବା ପାଇଁ ସାଧାରଣରେ ଦାବି ହୋଇଛି ।

ଦ କୁଇଭର ବ୍ୟୁରୋ :- ଆଇଏଏସ ଅଫିସର ବିଷ୍ନୁପଦ ସେଠୀଙ୍କ ଲାଗି ବଢିଲା ଅଡୁଆ l ବିଷ୍ନୁପଦଙ୍କ ଆଗୁଆ ଜାମିନ ଆବେଦନକୁ ହାଇକୋର୍ଟ ଖାରଜ କରିଛନ୍ତି। ୧୦ ଲକ୍ଷ ଟଙ୍କା ଲାଞ୍ଚ ମାମଲାରେ ଆଗୁଆ ଜାମିନ ଆବେଦନ ଆବେଦନ କରିଥିଲେ ବିଷ୍ନୁପଦ । ଗତ ୧୫ ତାରିଖରେ କେସ ଡାଏରୀ ଦାଖଲ କରିବାକୁ ହାଇକୋର୍ଟ ନିର୍ଦେଶ ଫେଇଥିଲେ ଏବଂ ଶୁକ୍ରବାର ମାମଲାର ଚୂଡାନ୍ତ ଶୁଣାଣି ହୋଇଥିଲା ।ତେବେ ଆଗୁଆ ଜାମିନ ନମିଳିବାରୁ ଆଗକୁ ହୁଏତ ବିଷ୍ନୁପଦ ଅଡୁଆରେ ପଡି ପାରନ୍ତି । ଓଡିଶା ବ୍ରିଜ ଏଣ୍ଡ ରୁଫ କର୍ପୋରେସନ ଲାଞ୍ଚ ମାମଲାରେ ଫସିଛନ୍ତି ବିଷ୍ଣୁପଦ ସେଠୀ । ୧୦ ଲକ୍ଷ ଟଙ୍କା ଲାଞ୍ଚ କାରବାର ଅଭିଯୋଗରେ ବିଷ୍ନୁପଦଙ୍କ ଘରେ ଚଢ଼ାଉ କରିଥିଲା ସିବିଆଇ । ସି.ବି.ଆଇ ଚଢ଼ାଉକୁ ବିରୋଧ କରି ପ୍ରଥମେ ହାଇକୋର୍ଟ ଆସିଥିଲେ ବିଷ୍ନୁପଦ ।କିନ୍ତୁ ଗତ ମାସ ୨୦ ତାରିଖରେ ହାଇକୋର୍ଟ ବିଷ୍ନୁପଦଙ୍କ ଆବେଦନକୁ ଖାରଜ କରିଥିଲେ । ସମ୍ଭାବ୍ୟ ଗିରଫଦାରୀକୁ ଏଡାଇବା ଲାଗି ସେ ହାଇକୋର୍ଟରେ ଆଗୁଆ ଜାମିନ ଆବେଦନ କରିଥିଲେ ଯାହା ଆଜି ଖାରଜ ହୋଇଯାଇଛି ।

ଗଞ୍ଜାମ ( ଦ କୁଇଭର ):- ଗଞ୍ଜାମ ଜିଲ୍ଲାର ନୂତନ ଜିଲ୍ଲାପାଳ ଭାବେ  ଭି.କୀର୍ତ୍ତୀ ଭାସନ୍‌ ସୋମବାର ଦାୟିତ୍ୱ ଗ୍ରହଣ କରିଛନ୍ତି | ୨୦୧୮ ବ୍ୟାଚର ଆଇଏଏସ ଅଫିସର, ଏହା ପୂର୍ବରୁ ସେ କୋରାପୁଟ ଜିଲ୍ଲାପାଳ ଭାବେ କାର୍ଯ୍ୟ କରୁଥିଲେ | ପୂର୍ବରୁ ସେ ଗଞ୍ଜାମ ଜିଲ୍ଲାରେ ଆଇଏଏସ ପ୍ରୋବେସନାଲ ରହିବା ସହ ବ୍ରହ୍ମପୁର ଉପଜିଲ୍ଲାପାଳ ଓ ପରେ ଡିଆରଡିଏ ପ୍ରକଳ୍ପ ନିର୍ଦ୍ଦେଶକ ଭାବେ କାର୍ଯ୍ୟ କରିସାରିଛନ୍ତି | ଜିଲ୍ଲାରେ ସବଡ଼ିଭିଜନ ସ୍ତରୀୟ ଜ଼ିଲ୍ଲାପାଳ ଓ ଏସପିଙ୍କ ଅଭିଯୋଗ ଶୁଣାଣି ହେଉଛି, ଏଣିକି ବ୍ଲକ ସ୍ତରରେ ମଧ୍ୟ ଜ଼ିଲ୍ଲାପାଳ ଓ ଏସପିଙ୍କ ଅଭିଯୋଗ ଶୁଣାଣି ହେବ ବୋଲି ସେ ଖବରଦାତା ମାନଙ୍କୁ ସୂଚନା ଦେଇଛନ୍ତି, ଜନସାଧାରଣଙ୍କ ନିକଟରୁ ଆସୁଥିବା ଅଭିଯୋଗ ଗୁଡିକର ତୁରନ୍ତ ସମାଧାନ କରିବା ପ୍ରାଥମିକତା ରହିବ ବୋଲି ସେ କହିଛନ୍ତି| | ଜ଼ିଲ୍ଲାରେ ଚାଲିଥିବା ବିଭିନ୍ନ ବିକାଶ ମୂଳକ ଯୋଜନା ଗୁଡିକ ଯେପରି ଯୋଗ୍ୟ ହିତାଧିକାରୀଙ୍କ ନିକଟରେ ପହଂଚିବl ସହ ଜନସାଧାରଣଙ୍କୁ ଉତ୍ତମ ସେବା ଯୋଗାଇଵା ଉପରେ ଅଧିକ ଫୋକସ ରହିବ ବୋଲି ଜ଼ିଲ୍ଲାପାଳ ଶ୍ରୀ ଭାସନ୍ କହିଛନ୍ତି | ଦାୟିତ୍ୱ ଗ୍ରହଣ ପୂର୍ବରୁ ସେ ଗଞ୍ଜାମ ଜିଲ୍ଲାର ଅଧିଷ୍ଠାତ୍ରୀ ଦେବୀ ମା ତାରା ତାରିଣୀଙ୍କ ଦର୍ଶନ ଓ ଆଶ୍ରିବାଦ ନେଇଥିଲେ | ପୂର୍ବରୁ ଏଠାରେ ଥିବା ଜିଲ୍ଲାପାଳ ଦିବ୍ୟଜ୍ୟୋତି ପରିଡା ଙ୍କ ପୁରୀ ଜିଲ୍ଲାପାଳ ଭାବେ ବଦଳି ହୋଇଥିଲା | ନୂତନ ଜିଲ୍ଲାପାଳ ଆଜି କାର୍ଯ୍ୟାଳୟରେ ପହଞ୍ଚିବା ପରେ କାର୍ଯ୍ୟାଳୟର ସମସ୍ତ ଅଧିକାରୀ ଓ କର୍ମଚାରୀ ତାଙ୍କୁ ପୁଷ୍ପଗୁଛ ଦେଇ ସ୍ବାଗତ କରିଥିଲେ l 

ନୂଆଦିଲ୍ଲୀ( ଦ କୁଇଭର ):- ଶାହଙ୍କ ଚେତାବନୀ । କଂଗ୍ରେସ ଆହୁରି ୨୦ ବର୍ଷ ବିରୋଧୀ ସ୍ଥାନରେ ବସିବ । ସଂସଦରେ ଅପରେସନ ସିନ୍ଦୁରର ଆଲୋଚନା ବେଳେ କଂଗ୍ରେସ ନେତାମାନଙ୍କର ହାବଭାବ ଓ ହୋହାଲ୍ଲା ଗୃହକୁ ପ୍ରଭାବିତ କରିଥିଲା । ଅପରେସନ ସିନ୍ଦୁର ସମ୍ପର୍କରେ ଆଲୋଚନା କରିବାକୁ ବିରୋଧୀଙ୍କ ଦାବି ସରକାର ମାନିଥିଲେ । ଉଭୟ ଗୃହରେ ଆଲୋଚନା ହୋଇଥିଲା । ଲୋକ ସଭାରେ ୧୬ ଘଣ୍ଟା ଏବଂ ରାଜ୍ୟସଭାରେ ୯ ଘଣ୍ଟା ଧରି ଚାଲୁଛି ଚର୍ଚ୍ଚା । ହେଲେ ଏହି ଆଲୋଚନା ବେଳେ ବିରୋଧୀମାନଙ୍କର କାର୍ଯ୍ୟକଳାପକୁ ନିନ୍ଦା କରିଥିଲେ ଶାସକ ଦଳର ନେତାମାନେ ।

ବିରୋଧୀ ଆଲୋଚନା କମ, କିନ୍ତୁ ଆଲୋଚନାକୁ ପ୍ରଭାବିତ କରିବାକୁ ବା ବିଭ୍ରାଟ କରିବାକୁ ଅନେକ ଉଦ୍ୟମ କରୁଥିଲେ । ହୋହାଲ୍ଲା, ଦାବି ଓ ସ୍ଲୋଗାନରେ କମ୍ପୁଥିଲା ଲୋକସଭା ଓ ରାଜ୍ୟସଭା । ବାରମ୍ବାର ସେମାନଙ୍କୁ ବୁଝାଉଥିଲେ ବାଚସ୍ପତି ଓମ ବିର୍ଲା । ଲୋକସଭାର ବିରୋଧୀ ଦଳ ଉପନେତା ଗୌରବ ଗୋଗୋଇଙ୍କୁ ବାରମ୍ବାର କହୁଥିଲେ, ଯେ ଆପଣଙ୍କ ଦଳର ନେତାମାନଙ୍କୁ ସମ୍ଭାଳନ୍ତୁ । ମାତ୍ର କଂଗ୍ରେସର ସଦସ୍ୟ ମାନେ ନିୟନ୍ତ୍ରଣ ବାହାରକୁ ଯାଉଥିଲେ । ଗୃହ ତ ଥରେ ଦୁଇଥର ମୁଲତବୀ ବି ହୋଇଥିଲା । ଏମାନଙ୍କ କାର୍ଯ୍ୟରେ ଅତିଷ୍ଠ ଥିଲା ବିଜେପି ।

ବୈଦେଶିକ ମନ୍ତ୍ରୀ ଏସ ଜୟଶଙ୍କରଙ୍କ ଆଲୋଚନା ବେଳେ ବିରୋଧୀଙ୍କ ହୋହାଲ୍ଲାଙ୍କୁ ନେଇ ହଠାତ ସ୍ଵରାଷ୍ଟ୍ରମନ୍ତ୍ରୀ ଅମିତ ଶାହ ଉଠିଥିଲେ । ବାଚସ୍ପତିଙ୍କ ଅନୁମତି ନେଇ ସେ କଂଗ୍ରେସକୁ କଡ଼ା ସମାଲୋଚନା କରିଥିଲେ । ଜୟଶଙ୍କର ତାଙ୍କର ଉକ୍ତିକୁ କିଛି ସମୟ ପାଇଁ ବନ୍ଦ ରଖିଥିଲେ । ଅମିତ ଶାହ କଂଗ୍ରେସ ଏବଂ ତାଙ୍କ ସହଯୋଗୀ ଦଳର କାର୍ଯ୍ୟରେ ଏତେ ଉକ୍ଷିପ୍ତ ହୋଇଥିଲେ ଯେ କହିଥିଲେ ଏମାନଙ୍କର ଏହି କାର୍ଯ୍ୟ ପାଇଁ ଆସନ୍ତା ୨୦ ବର୍ଷ ପର୍ଯ୍ୟନ୍ତ ଏମାନେ ସେହି ବିରୋଧୀ ସ୍ଥାନରେ ବସିବେ । କାରଣ ଏମାନଙ୍କର ଦେଶ ବାଛିଥିବା ବୈଦେଶିକ ମନ୍ତ୍ରୀଙ୍କ ଉପରେ ଭରସା ନାହିଁ । ଏମାନେ ବିଦେଶୀଙ୍କ କଥାରେ ବେଶ ଆନନ୍ଦିତ ହେଉଛନ୍ତି । କଂଗ୍ରେସର ଏଜେଣ୍ଡା ତ ବିଦେଶୀ ଚିନ୍ତା ଧାରାକୁ ଭାରତ ଉପରେ ଥୋପିବା । ନିଜ ଦଳର ଚିନ୍ତା ଧାରାକୁ ସଂସଦକୁ ନ ଆଣନ୍ତୁ ବୋଲି ଶାହ ଚେତାବନୀ ଦେଇଥିଲେ ।

ମାଲକାନଗିରି( ଦ କୁଇଭର ):- ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମାଲକାନଗିରିଜିଲ୍ଲା ବଣ୍ଡାଘାଟି ବୁଲିବେ। ଖଇରପୁଟ ବ୍ଲକ ଅଧୀନ ମୁଦୁଲିପଡ଼ା ଓ ଅଣ୍ଡ୍ରାହାଲ ବୁଲିବେ। ଏହି ଅଞ୍ଚଳରେ ଥିବା ୩୨ଟି ଗାଁର ଲୋକଙ୍କର ହାଲଚାଲ ବୁଝିବେ। ବଣ୍ଡାଘାଟିର ଯୁବତୀ ଚମ୍ପା ଧାଙ୍ଗଡ଼ା ମାଝିର ଅନୁରୋଧ ରକ୍ଷା କରି ମୁଖ୍ୟମନ୍ତ୍ରୀ ମାଲକାନଗିରି ଯିବେ ବୋଲି ଜଣାପଡ଼ିଛି।ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମାଲକାନଗିରିକୁ ଏପର୍ଯ୍ୟନ୍ତ ୨ ଥର ଗସ୍ତ କରିଛନ୍ତି। ସେ ବନ୍ୟା ସମୟରେ ବନ୍ୟାଞ୍ଚଳ ବୁଲିଛନ୍ତି। ମାଲ୍ୟବନ୍ତ ଉତ୍ସବରେ ମଧ୍ୟ ଶ୍ରୀ ମାଝୀ ଯୋଗଦେଇଛନ୍ତି।

ଆକାଂକ୍ଷି ହାଟ କାର୍ଯ୍ୟକ୍ରମ ଅଭିଯାନରେ ଚମ୍ପା ଧାଙ୍ଗଡ଼ା ଆସିଥିଲେ। ସେ ବଣ୍ଡା ଘାଟିତଳର ଝିଅ। ମୁଖ୍ୟମନ୍ତ୍ରୀ ତାଙ୍କୁ ଦେଖି ତାଙ୍କ ସହିତ ଫଟୋ ଉଠାଇଛନ୍ତି। ତମ ବଣ୍ଡାଘାଟିକୁ ଯିବା ପାଇଁ ଚମ୍ପା ଧାଙ୍ଗଡା ମାଝୀଙ୍କୁ ମୁଁ କହିଛି। ମାଲକାନଗିରିର ତତକାଳୀନ ଜିଲ୍ଲାପାଳଙ୍କୁ ମୁଖ୍ୟମନ୍ତ୍ରୀ ପଚାରିଥିଲେ ସେ କେତେଥର ବଣ୍ଡାଘାଟି ଯାଇଛନ୍ତି। ବଣ୍ଡାଘାଟିରେ ରାସ୍ତାଘାଟ କେମିତି ଅଛି ସେନେଇ ଜିଲ୍ଲାପାଳଙ୍କ ଠାରୁ ଅବଗତ ହୋଇଛନ୍ତି।

ପଛୁଆ ଅଞ୍ଚଳର ବିକାଶ ନେଇ ଗଣମାଧ୍ୟମକୁ ପ୍ରତିକ୍ରିୟା ଦେଇ ମୁଖ୍ୟମନ୍ତ୍ରୀ ଶ୍ରୀ ମାଝୀ କହିଛନ୍ତି, ନବରଙ୍ଗପୁରରେ ଗତକାଲି ଜଣେ ଗର୍ଭବତୀଙ୍କୁ ଖଟରେ ବୋହି ନେଉଥିଲେ। ମୁଁ ଏହାକୁ ଗଣମାଧ୍ୟମରେ ଦେଖିଛି। କାହିଁକି ଏଭଳି ହେଲା, ତୁରନ୍ତ ଏହାର ସମାଧାନ କରନ୍ତୁ। ଏହାକୁ ପ୍ରାଥମିକତା ଦିଆଯାଉ। ରାସ୍ତାର ତୁରନ୍ତ ବ୍ୟବସ୍ଥା କରିବାକୁ ଜିଲାପାଳଙ୍କୁ ନିର୍ଦେଶ ଦେଇଛି।

ଦ କୁଇଭର ବ୍ୟୁରୋ :- ଏପ୍ରିଲ ୨୨ ତାରିଖର ଜଘନ୍ୟ ପହଲଗାମ ଆତଙ୍କବାଦୀ ଆକ୍ରମଣକୁ ୯୭ ଦିନ ବିତିଛି। ୯୭ ଦିନ ପରେ ଭାରତୀୟ‌ ସେନାକୁ ବଡ଼ ସଫଳତା ମିଳିଛି। ପହଲଗାମ ଆତଙ୍କବାଦୀ ଆକ୍ରମଣର ବଦ୍‌ଲା ନେଇଛି ସେନା। ଶ୍ରୀନଗର ଉପକଣ୍ଠ ଲିଡ଼ବାସ ପାହାଡ଼ରେ ସେନାବାହିନୀ ଆକ୍ରମଣର ମାଷ୍ଟରମାଇଣ୍ଡ ତଥା ଶୀର୍ଷ ଲସ୍କର କମାଣ୍ଡର ସୁ‌ଲେମାନ ଶାହ ଓରଫ ମୁସା ଫୌଜି ସମେତ ୩ ପାକିସ୍ତାନୀ ଆତଙ୍କବାଦୀଙ୍କୁ ନିପାତ କରିଛି। ନିପାତ ହୋଇଥିବା ଅନ୍ୟ ୨ ଆତଙ୍କବାଦୀ ହେଉଛନ୍ତି ଅବୁ ହମ୍‌ଜା ଏବଂ ୟସିର। ଗତବର୍ଷ ଶ୍ରୀନଗର-‌ସୋନମାର୍ଗ ରାଜପଥରେ ଏକ ଟନେଲ୍‌ ନିର୍ମାଣ କାର୍ଯ୍ୟରେ ନିୟୋଜିତ ୭ ଜଣ ଲୋକଙ୍କ ହତ୍ୟା ଘଟଣାରେ ମଧ୍ୟ ମୁସା ସମ୍ପୃକ୍ତ ଥିଲା l ଜମ୍ମୁ କାଶ୍ମୀର ପୁଲିସ, ସିଆର୍‌ପିଏଫ୍‌ ଓ ସେନାର ଏକ ମିଳିତ ବାହିନୀ ଆଜି ସକାଳେ ‘ଅପରେସନ୍‌ ମହାଦେବ’ ଆରମ୍ଭ କରିଥିଲେ। ୩ ବିଦେଶୀ ଆତଙ୍କବାଦୀଙ୍କ ଉପସ୍ଥିତି ନେଇ ଗୁଇନ୍ଦା ସୂଚନା ପାଇବା ପରେ ମହାଦେବ ପର୍ବତ ନିକଟସ୍ଥ ଶ୍ରୀନଗରର ଦଚିଗାମ ଅଞ୍ଚଳରେ ଏନ୍‌କାଉଣ୍ଟର୍‌ ଆରମ୍ଭ ହୋଇଥିଲା। ଜବରବନରୁ ମହାଦେବ ପର୍ବତମାଳା ମଧ୍ୟରେ ଏହି ଅପରେସନ୍‌ କରାଯାଇଥିବାରୁ ଏହାର ନାଁ ଦିଆଯାଇଛି ‘ଅପରେସନ୍‌ ମହାଦେବ’। ଆତଙ୍କବାଦୀ ଲୁଚିଥିବା ସ୍ଥାନରୁ ୧୭ଟି ରାଇଫଲ୍‌ ଗ୍ରେନେଡ୍‌, ଗୋଟିଏ ଏମ୍‌୪ କାରବାଇନ୍‌, ୨ଟି ଏକେ-୪୭ ରାଇଫଲ୍‌ ସହ ବିପୁଳ ଅସ୍ତ୍ରଶସ୍ତ୍ର ଜବତ ହୋଇଛି।

ସୂଚନାନୁଯାୟୀ ଜୁଲାଇ ଆରମ୍ଭରେ ଦଚିଗାମ୍‌ ଜଙ୍ଗଲରେ ସେନା ଏକ ସନ୍ଦେହଜନକ ଗତିବିଧି ଚିହ୍ନଟ କରିଥିଲା। ଏହାପରେ ଉକ୍ତ ଅଞ୍ଚଳରେ ଲସ୍କର ଏବଂ ‌ଜୈସ୍‌ ଆତଙ୍କବାଦୀମାନଙ୍କୁ ୧୪ ଦିନ ପର୍ଯ୍ୟନ୍ତ ଟ୍ରାକ୍‌ କରାଯାଇଥିଲା। ତେବେ ସ୍ଥାନୀୟ କିଛି ଯାଯାବର ଲୋକଙ୍କ ସୂଚନା‌ ଆଧାରରେ ଆତଙ୍କବାଦୀଙ୍କୁ ଚିହ୍ନଟ କରିବା ସହଜ ହୋଇଥିଲା। ଏହାପରେ ଏକାଧିକ ସେନା ଟିମ୍‌ ଘଟଣାସ୍ଥଳରେ ପହଞ୍ଚିଥିଲେ। ସୋମବାର ପୂର୍ବାହ୍‌ଣ ପ୍ରାୟ ୧୧ଟା ୩୦ ସମୟରେ ୨୪ ରାଷ୍ଟ୍ରୀୟ ରାଇଫଲ୍ସ ଏବଂ ୪ ପାରା ସ୍ପେସାଲ ଫୋର୍ସ କମାଣ୍ଡୋକୁ ନେଇ ଏକ ଟିମ୍‌ ୩ ଆତଙ୍କବାଦୀଙ୍କୁ ଚିହ୍ନଟ କରି ନିପାତ କରିଥିଲେ। ମିଳିଥିବା ସୂଚନାନୁଯାୟୀ ଆତଙ୍କବାଦୀମାନେ ବିଶ୍ରାମ ନେଉଥିବାବେଳେ ଧରା ପଡ଼ିଥିଲେ। ତେବେ ଔପଚାରିକ ଭାବେ ଏ ନେଇ କିଛି ଘୋଷଣା କରାଯାଇନି। ଜମ୍ମୁ କାଶ୍ମୀର ପୁଲିସ ଅନୁଯାୟୀ ଅପରେସନ୍‌ ଏବେ ବି ଜାରି ରହିଛି ଏବଂ ଏହା ଶେଷ ହେବାପରେ ଏନେଇ ବିବୃତି ଜାରି କରାଯିବ। ଗୋଟିଏ ପଟେ ସଂସଦରେ ଆଜି ଅପରେସନ ସିନ୍ଦୂର ଉପରେ ବିତର୍କ ଆରମ୍ଭ ହୋଇଥିବାବେଳେ ଅନ୍ୟପଟେ ସେନାକୁ ଶ୍ରୀନଗରରେ ଏହି ସଫଳତା ମିଳିଛି।

ବ୍ରହ୍ମପୁର( ଦ କୁଇଭର ):- ଗଞ୍ଜାମ ଜିଲ୍ଲା ଧରାକୋଟ ବ୍ଳକ୍ ଅନ୍ତର୍ଗତ ମାଣିକ୍ୟପୁର ଗ୍ରାମର ଅବସରପ୍ରାପ୍ତ ଡାକ ବିଭାଗର କର୍ମଚାରୀ ଦୁର୍ଯ୍ୟୋଧନ ନାୟକଙ୍କ ଗତକାଲି ସନ୍ଧ୍ୟାରେ ୭୮ ବର୍ଷ ବୟସରେ ମୃତ୍ୟୁ ହୋଇଯାଇଛି । ମୃତ୍ୟୁ ବେଳକୁ ତାଙ୍କ ପାଖରେ ପୁଅ, ଝିଅ, ବୋହୁ ଓ ନାତି ନାତୁଣୀମାନେ ଉପସ୍ଥିତ ଥିଲେ । ଦୀର୍ଘ ବର୍ଷ ଧରି ନିଜ ଅଞ୍ଚଳରେ ଡାକସେବା କରିଥିବା ଦୁର୍ଯୋଧନ ନାୟକ ମୃତ୍ୟୁ ପରେ ନିଜର ଶରୀର ଦାନ କରି ସମାଜର କାମରେ ଲାଗିବାକୁ ଜୀବିତ ଥିବା ସମୟରେ ଇଛା ପ୍ରକାଶ କରିଥିଲେ । ତାଙ୍କର ଇଛାକୁ ସମ୍ମାନ ଜଣାଇ ତାଙ୍କର ପରିବାର ବର୍ଗ ଗତକାଲି ରାତିରେ ତାଙ୍କର ମୃତ୍ୟୁ ପରେ ମରଶରୀରକୁ ନିଜ ଗାଁରୁ ଆମ୍ବୁଲାନ୍ସ ଯୋଗେ ବ୍ରହ୍ମପୁର ସ୍ଥିତ ଏମକେସିଜି ମେଡିକାଲ କଲେଜର ଆନାଟୋମୀ ବିଭାଗକୁ ଆଣିଥିଲେ । ପ୍ରଥମେ ଚକ୍ଷୁ ବିଭାଗର ଡାକ୍ତରମାନଙ୍କ ଦ୍ଵାରା ତାଙ୍କର ଚକ୍ଷୁଦାନ କରାଯିବା ପରେ ମୃତ ଶରୀରକୁ ଡାକ୍ତରୀ ଛାତ୍ରଛାତ୍ରୀଙ୍କ ପାଠପଢା ପାଇଁ ତଥା ଭେଷଜ ଗବେଷଣା ପାଇଁ ପ୍ରଦାନ କରାଯାଇଥିଲା । ଆନାଟୋମୀ ବିଭାଗ ପକ୍ଷରୁ ପ୍ରଫେସର ରାଜଲକ୍ଷ୍ମୀ ପଣ୍ଡା ମରଶରୀରକୁ ଗ୍ରହଣ କରି ପ୍ରାପ୍ତି ସ୍ଵୀକାରର ସାର୍ଟିଫିକେଟ ପ୍ରଦାନ କରିଥିଲେ । ଏମକେସିଜି ମେଡିକାଲ କଲେଜରେ ଗତ ୨୦୧୩ ମସିହାରୁ ଆରମ୍ଭ ହୋଇଥିବା ଏହି ଶରୀରଦାନ ଅଭିଯାନରେ ଏହା ୩୦ ତମ ଦାନ ଅଟେ । ରାଜ୍ୟରେ ସବୁଠାରୁ ଅଧିକ ଶରୀରଦାନ କରାଇ ବ୍ରହ୍ମପୁର ଓ ଏମକେସିଜି ମେଡିକାଲ କଲେଜ ଏ କ୍ଷେତ୍ରରେ ରେକର୍ଡ ସୃଷ୍ଟି କରିପାରିଛନ୍ତି । ନିଜର ଆବଶ୍ୟକତା ପୂରଣ ହେବା ସହ ରାଜ୍ୟର ଅନ୍ୟ ମେଡିକାଲ କଲେଜକୁ ବି ମରଶରୀର ଦେବାରେ ସକ୍ଷମ ହୋଇପାରିଛି । ଏଠାରେ ଉଲ୍ଲେଖଯୋଗ୍ୟ ଯେ ବିଶ୍ଵ ସ୍ଵାସ୍ଥ୍ୟ ସଂଗଠନର ନିର୍ଦ୍ଦେଶାବଳୀ ଅନୁଯାୟୀ ପ୍ରତି ଦଶ ଜଣ ଛାତ୍ରଛାତ୍ରୀଙ୍କ ପାଠପଢା ପାଇଁ ଗୋଟିଏ ମରଶରୀର ଦରକାର ପଡ଼ୁଥିବା ବେଳେ ବର୍ତ୍ତମାନ ବହୁତ କମ୍ ମରଶରୀର ଉପଲବ୍ଧ ହେଉଛି ।

ଶରୀରଦାନ ସମୟରେ ମୃତ ଦୁର୍ଯ୍ୟୋଧନ ନାୟକଙ୍କ ପୁଅ ତଥା ଅଖିଳ ଭାରତ କିଶାନ୍ ମଜଦୂର ସଭାର ରାଜ୍ୟ ସମ୍ପାଦକ ପ୍ରତାପ ନାୟକ, ସଗଠନର ଜାତୀୟ ସମ୍ପାଦକ ଭାଲଚନ୍ଦ୍ର ଷଡ଼ଙ୍ଗୀ, ମାନବବାଦୀ ହେତୁବାଦୀ ସଗଠନର ଜିଲ୍ଲା ସମ୍ପାଦକ କେ ନାନ୍ଦେଶୁ ସେନାପତି, ଲେଖିକା ଡଃ ବିଧୂପ୍ରଭା ରଥ, କିଶୋର ମିଶ୍ର, ଶିକ୍ଷାବିତ ଶ୍ୟାମସୁନ୍ଦର ଖାଡଙ୍ଗା, ଆଇଏଫଟିୟୁ ସଭାପତି ତଥା କର୍ମଚାରୀ ନେତା ପ୍ରତାପ ପ୍ରଧାନ, ସାମାଜିକ କର୍ମୀ ଆଦିତ୍ୟ ରଥ, ବାସବରାଜୁ, ଜାମୁଲା ସୁରେଶ, ଯୁବନେତା ଧରମବୀର, ଉଲ୍ଲା ନାୟକ, ଛାତ୍ରନେତା କାହ୍ନୁ ପ୍ରଧାନ, ପ୍ରଦୀପ ପ୍ରଧାନ, ଫ୍ରେଣ୍ଡସ୍ ହେଲପିଙ୍ଗ୍ କ୍ଳବର ସଭାପତି ସତ୍ୟକାମ ପାତ୍ର, ଉପ ସଭାପତି ପି . ଶ୍ରୀନିବାସ ରାଓ, ପି କିରଣ କୁମାର, କେ ପୁରୁଷୋତ୍ତମ ସୁବୁଦ୍ଧି, ମେଡିକାଲ ସିକ୍ୟୁରିଟୀ କର୍ମଚାରୀ ୟୁନିଅନର ନେତୃତ୍ୱ ତଥା ପରିବାରର ଅନେକ ସଦସ୍ୟ ଯୋଗ ଦେଇଥିଲେ ।

ଗଞ୍ଜାମ ( ଦ କୁଇଭର ):- ଗଞ୍ଜାମ ଜିଲ୍ଲା ଦିଗପହଣ୍ଡି ଠାରେ ନୂତନ ଭାବେ ଦେୱାନୀ ବିଚାର ବିଭାଗୀୟ ଅଦାଲତ ର ଉଦଘାଟନ ଉତ୍ସବ ଭିଡିଓ କନଫେନ୍ସ ଦ୍ୱାରା ଓଡିଶା ଉଚ୍ଚ ନ୍ୟାୟାଳୟ ର ମୁଖ୍ୟ ବିଚାରପତି ଜଷ୍ଟିସ ହରିସ ଟଣ୍ଡନ ଉଦଘାଟନ କରିଛନ୍ତିଏହା ସହ ଉଚ ନ୍ୟାୟାଳୟ ର ଅନ୍ୟ ବିଚାରପତି ମାନେ ଉପସ୍ଥିତ ଥିଲେ । ଏହା ସହ ଦିଗପହଣ୍ଡି ଠାରେ ଗଞ୍ଜାମ ଜିଲ୍ଲା ମାନ୍ୟବର ଜିଲ୍ଲା ବିଚାରପତି ଶ୍ରୀମତୀ ଭାଗ୍ୟଲକ୍ଷ୍ମୀ ରଥ ଙ୍କ ସହ ଅନ୍ୟ ବିଚାରପତି ମାନେ ଉପସ୍ଥିତ ଥିଲେ । ଏହାସହ BeMC କମିଶନର ଶ୍ରୀ ପଥମେଶ ଅରବିନ୍ଦ ରାଜେସିର୍କେ, ବ୍ରହ୍ମପୁର SP ସରଭଣା ବିବେକ ଏମ, ସଞ୍ଜିତ କୁମାର ପାଣିଗ୍ରାହୀ, ମାନ୍ୟବର ରାଜ୍ୟ ଆଇନଜୀବି ପରିଷଦ ସଭ୍ୟ(କଟକ), ପି. ନରସିଂହ ପାତ୍ର ସରକାରୀ ଓକିଲ( ଜି .ପି)ଗଞ୍ଜାମ, ବ୍ରହ୍ମପୁର ସହ ଦିଗପହଣ୍ଡି ବାର ଆସୋସିଏସନ ର ସମସ୍ତ ଆଇନଜୀବି ଉପସ୍ଥିତ ଥିଲେ ।

ବ୍ରହ୍ମପୁର( ଦ କୁଇଭର ):- ଦିନକୁ ଦିନ ବଢିବାରେ ଲାଗିଛି ଗାଈ ଉପରକୁ ଏସିଡ ମାଡ ଘଟଣା।ଗୋଟିଏ ସପ୍ତାହରେ ଦୁଇଟି ଅଭିଯୋଗ ସାମ୍ନାକୁ ଆସିଛି । ଅନ୍ୟପଟେ ମାନବିକତା ହଜିଯାଉଥିବା ଦେଖିବାକୁ ମିଳୁଛି। ଆଜି ମଧ୍ୟାହ୍ନ ସମୟରେ ବିଜିପୁର କେନାଳ ସାହି ବାସିନ୍ଦା ରୁନୁ ସେଠୀ ଏସିଡ ମାଡ଼ରେ ଗାଈ ମୃତ ନେଇ ଟାଉନ ଥାନାରେ ଅଭିଯୋଗ କରିଛନ୍ତି।ଅଭିଯୋଗ କ୍ରମେ ଗତ ଏକ ମାସହେବ କିଛି ଗାଈ ବାଛୁରୀକୁ ନେଇ ଏକ ଫାର୍ମ କରିଛନ୍ତି।ପ୍ରତ୍ୟେକ ଦିନପରି ସମସ୍ତ ଗାଈର ଯତ୍ନ ନେବା ସହ ସ୍ଵାଭାବିକ ଚାଲିଥିଲା। କିଛି ଦିନତଳେ ଗାଈ ଚରିବା ପାଇଁ ମାରୁତି ବିହାର ଅଞ୍ଚଳକୁ ଯାଇଥିବା ବେଳେ ,ସେଠାରୁ ଆସିବା ପରେ ଗୋଟିଏ ଗାଈ ଶରୀରରେ କିଛି କ୍ଷତ ଦେଖିବାକୁ ମିଳିଥିଲା। ଏହା ପରେ ପଶୁ ଚିକିତ୍ସକଙ୍କ ଦ୍ବାରା ଚିକିତ୍ସା ପରେ ବି ତାହା ଭଲ ହୋଇନଥିଲା। ପରବର୍ତ୍ତୀ ସମୟରେ ମୃତ୍ୟ ହୋଇଛି। ମାଲିକଙ୍କ କହିବା ମୁତାବକ ମାରୁତି ବିହାର ଅଞ୍ଚଳର ଜୈନିକ ବ୍ୟକ୍ତି ଏପରି ଦୃଷ୍ଟାନ୍ତ ମୂଳକ କାର୍ଯ୍ୟ କରୁଛନ୍ତି।

ତେବେ କିଛି ଦିନ ପୂର୍ବେ ଗାନ୍ଧୀ ନଗର ନିକଟସ୍ଥ ମାରୁତି ବିହାର ତୃତୀୟ ଗଳି ବାସିନ୍ଦା ଏମ. ରାମକ୍ରିଷ୍ଣା ରାଓଙ୍କ ଚାରୋଟି ଗାଈ ଉପରକୁ ଏସିଡ ମାଡ ହୋଇଥିବା ଟାଉନ ଥାନାରେ ସେହି ବ୍ୟକ୍ତିଙ୍କ ନାମରେ ଅଭିଯୋଗ କରିଥିଲେ । ଏହା ପରେ ସ୍ଥାନୀୟ ବାସିନ୍ଦା ଏସିଡ ମାଡ ଘଟଣା ନେଇ ଥାନାରେ ମଧ୍ୟ ଦ୍ବାରସ୍ଥ ହୋଇଛନ୍ତି।ସେଠାରେ କିଛି କାର୍ଯ୍ୟାନୁଷ୍ଠାନ ନ ହୋଇଥିବାରୁ ପରବର୍ତ୍ତୀ ସମୟରେ ଏସପିଙ୍କ ନିକଟକୁ ଯାଇଥିଲେ। ଏସପିଙ୍କ କହିବା ମୁତାବକ ଗାଈ ଉପରକୁ ଏସିଡ ମାଡ ଘଟଣାକୁ ପୁଲିସ ସମ୍ବେଦନଶୀଳ ସହ ନେଇ ଯେଁଉ ବ୍ୟକ୍ତି ଏପରି କାର୍ଯ୍ୟ କରିଛନ୍ତି ତାଙ୍କ ନିକଟକୁ ନୋଟିସ ଜାରି କରିଛି ଏହାସହ ଭାରତୀୟ ନ୍ୟାୟ ସଂହିତା ଅନୁସାରେ ପଶୁଙ୍କ ଉପରେ ଅତ୍ୟାଚାର ହେଲେ ଯେଉଁ ଧାରା ରହିଛି ସେହି ଅନୁଯାୟୀ କାର୍ଯ୍ୟନୁଷ୍ଠାନ କରାଯିବ ବୋଳି ପ୍ରତିକ୍ରିୟା ରଖିଛନ୍ତି।

ଝାରସୁଗୁଡା( ଦ କୁଇଭର ):- ବେଲପାହାଡ଼ରେ ଚାଲିଛି ଫ୍ଲାଏ ଆସ ଡମ୍ପିଂ । ନା ଅଛି ସରକାରୀ ଅନୁମତି ନା ଟେଣ୍ଡର ନିୟମରେ ସେମିତି କିଛି ଅଛି ? ଠିକାଦାର ଟଙ୍କା ପାଇବ କମ୍ପାନୀ ମୁଣ୍ଡରୁ ବୋଝ ଯିବ । ସେଥିପାଇଁ କାଳେ ସ୍ଥାନୀୟ ନେତାଙ୍କୁ ମୋଟା ଅଙ୍କର ଚାନ୍ଦା ଦେଇ ରାସ୍ତା ତିଆରିରେ ଲଗେଇ ଦିଆଯାଉଛି ଫ୍ଲାଏ ଆସ । ଏହାକୁ ବିରୋଧ କଲେଣି ସ୍ଥାନୀୟ ଲୋକ । ସେଥିପାଇଁ ବେଲପାହାଡ଼ର ରାଜନୈକ ସ୍ଥିତି ଏବେ ସରଗରମ ହେଉଛି ।

ସର୍ବସାଧାରଣ ସ୍ଥାନରେ ଏହି ପାଉଁଶକୁ ପକାଇବାକୁ କେଉଁ ନେତା ନିର୍ଦେଶ ଦେଇଛନ୍ତି ସେହି ନେତାଙ୍କୁ ସ୍ଥାନୀୟ ପ୍ରତିନିଧି ମାନେ ଖୋଜୁଛନ୍ତି । ଦିନ ହେଉ କି ରାତି, ସେ ବିଧାୟକ ହୁଅନ୍ତୁ ବା ମନ୍ତ୍ରୀ ତାଙ୍କୁ ଟାଣି ଆଣି ପଦାରେ ଥୋଇବା ପାଇଁ ଅଣ୍ଟା ଭିଡିଛନ୍ତି ପଞ୍ଚାୟତ ଓ ପୌର ସ୍ତରର ଜନପ୍ରତିନିଧି ମାନେ । ଯାହାକୁ ନେଇ ବେଲପାହାଡ଼ ରାଜନୀତି ସରଗରମ ହେଲାଣି ।

ବେଲପାହାଡ଼ କୋଲ କରିଡ଼ର ନିର୍ମାଣ ଚାଲିଛି । ଖଣିରୁ ସିଧାସଳଖ ସଂଯୋଗ କରିବ ଏହି ରାସ୍ତା । ଏହି ରାସ୍ତା ତିଆରି ପାଇଁ ଫ୍ଲାଏ ଆସ ବ୍ୟବହାର ହେବାକୁ କୌଣସି ନିର୍ଦେଶ ନାହିଁ । ତଥାପି ଫ୍ଲାଏଆସ ବ୍ୟବହାର କରୁଛନ୍ତି ଠିକା ସଂସ୍ଥା । ରାତିରେ ଆଣି ଶହ ଶହ ଟନର ଫ୍ଲାଏ ଆସ ଗଦା କରୁଛନ୍ତି । ଯାହା ଆଖପାଖ ଚାଷଜମି, ଗାଡ଼ିଆ, ପୋଖରୀରେ ଫ୍ଲାଏଆସ ଭରିଯାଉଛି । ଲୋକଙ୍କ ଘରଦ୍ୱାରରେ ପସିଲାଣି । ଯାହା ଲାକଙ୍କୁ କଲବଲ କଲାଣି ଲୋକଙ୍କୁ । ଏହାକୁ ବିରୋଧ କରି ବେଲପାହାଡ଼ ପୌର ସଂସ୍ଥାର ପ୍ରତିନିଧି ଏବଂ ନଗର ପାଳ ଆନ୍ଦୋଳନ ବି କଲେଣି । ସେମାନଙ୍କର ସିଧା ନହେଲେ ବି ବୁଲେଇ ବଙ୍କେଇ ଅଭିଯୋଗ କାଳେ ସ୍ଥାନୀୟ ପାୱାର ଫୁଲ ନେତାଙ୍କ ଇଙ୍ଗିତରେ ଏ ସବୁ ଚାଲିଛି । ଝାରସୁଗୁଡ଼ାରେ କେଉଁ ନେତ୍ରୀ କାଳେ ଏହାକୁ କରାଉଛନ୍ତି ।

କମ୍ପାନୀଙ୍କୁ ଫ୍ଲାଏ ଆସ ପଠେଇବା ଦାଇତ୍ୱ ନେଇଛନ୍ତି ରାଜନେତା ମାନେ ତାଙ୍କ ଲାଭ ପାଇବାକୁ ଏଭଳି କାମ କରୁଛନ୍ତି । ଯାହା ଲୋକଙ୍କ ଜୀବନ ପ୍ରତି ବିପଦ ହେଉଛି । ଯଦି ଏହି ଫ୍ଲାଏଆସ ରାସ୍ତାରେ ପକାଇବା ବନ୍ଦ ନ ହୁଏ, ତାହେଲେବ୍ୟବସ୍ଥାକୁ ପୁରା ଅଚଳ କରିଦେବେ ବୋଲି ଧମକ ଦେଲେଣି ଜନପ୍ରତିନିଧି ମାନେ । ଦେଖାଯାଉ ଏହାକୁ ଝାରସୁଗୁଡ଼ା ଜିଲ୍ଲାପାଳ ନଜର ଦେଇ ଫ୍ଲାଏ ଆସକୁ ବନ୍ଦ କରୁଛନ୍ତି ନା ଏଭଳି ଅବୈଧ ଫ୍ଲାଏ ଆସ ଡମ୍ପିଂକୁ ସୁଯୋଗ ଦେଇ ଅଞ୍ଚଳକୁ ପ୍ରଦୂଷିତ କରିବା ସହ ରାଜନେତାଙ୍କୁ ଲାଭ ଦେଉଛନ୍ତି ।

ଦ କୁଇଭର ବ୍ୟୁରୋ :- ଆସନ୍ତା 2 ଦିନ ଓଡ଼ିଶାରେ ପ୍ରବଳ ବର୍ଷା । ଦକ୍ଷିଣ ବାଂଲାଦେଶ ଏବଂ ଏହାର ଆଖପାଖ ଅଞ୍ଚଳର ବାୟୁମଣ୍ଡଳ ଉପରେ ଏକ ଘୂର୍ଣ୍ଣିବଳୟ ସକ୍ରିୟ ରହିଛି । ଯାହାର ପ୍ରଭାବରେ ରାଜ୍ୟରେ ଅନେକ ସ୍ଥାନରେ ବିଶେଷ କରି ଉତ୍ତର ଆଭ୍ୟନ୍ତରଣ, ଉପକୂଳ ଓଡ଼ିଶାରେ ପ୍ରବଳ ବର୍ଷା ନେଇ ପାଣିପାଗ ବିଭାଗ ଆକଳନ କରିଛି । ଆଗାମୀ 24 ଘଣ୍ଟା ମଧ୍ୟରେ ପ୍ରବଳ ବର୍ଷା ସହ ବଜ୍ରପାତ ପାଇଁ ୟେଲୋ ୱାର୍ଣ୍ଣିଂ ଜାରି କରାଯାଇଛି ।ଆଗାମୀ 24 ଘଣ୍ଟା ମଧ୍ୟରେ ପ୍ରବଳ ବର୍ଷା ସହ ବଜ୍ରପାତ ପାଇଁ 5 ଜିଲ୍ଲା ମୟୂରଭଞ୍ଜ, କେନ୍ଦୁଝର, କଳାହାଣ୍ଡି, ବଲାଙ୍ଗୀର ଓ ନୂଆପଡ଼ା ଜିଲ୍ଲାକୁ ପାଣିପାଗ ବିଭାଗ ୟେଲୋ ୱାର୍ଣ୍ଣିଂ ଜାରି କରିଛି । ସେହିପରି ହାଲୁକାରୁ ମଧ୍ୟମ ଧରଣର ବର୍ଷା ସହ ବିଜୁଳି ଘଡ଼ଘଡ଼ି ପାଇଁ ଜଗତସିଂହପୁର, କେନ୍ଦ୍ରାପଡ଼ା, ଭଦ୍ରକ, ବାଲେଶ୍ବର, ଯାଜପୁର, କଟକ, ଢେଙ୍କାନାଳ, ଅନୁଗୋଳ, ଦେବଗଡ଼, ସମ୍ବଲପୁର, ସୁନ୍ଦରଗଡ଼, ଝାରସୁଗୁଡ଼ା ଓ ବରଗଡ଼ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି ହୋଇଛି । ଏସୁବ ଜିଲ୍ଲାରେ ଝଟକା ପବନର ଘଣ୍ଟାପ୍ରତି ବେଗ 30-40 କିମି ରହିବ ।

ଦ କୁଇଭର ବ୍ୟୁରୋ :- କଙ୍କଡାହାଡ଼ ଥାନା କନ୍ଧରା ଗାଁ କାଜୁ ଜଙ୍ଗଲରୁ ସନ୍ଦେହଜନକ ଅବସ୍ଥାରେ ନବବିବାହିତା ଯୁବତୀଙ୍କ ଝୁଲନ୍ତା ମୃତଦେହ ଉଦ୍ଧାର l ମୃତକ ଜଣକ ହେଲେ କନ୍ଧରା ଗ୍ରାମର ଦିପାଲି ମହାରଣା l ଚାରିଦିନ ତଳେ ଘରୁ ଲୁଚି ପରଜଙ୍ଗ ଥାନା ହାତୀଲୁଚାଣୀ ଗ୍ରାମର ବିରେନ ନାୟକଙ୍କୁ ପ୍ରେମବିବାହ କରିଥିଲେ ନାବାଳିକା l ଗତକାଲି ବାପାଘରକୁ ଆସିଥିବା ବେଳେ ଆଜି ଗ୍ରାମ ଜଙ୍ଗଲରୁ ଉଦ୍ଧାର ହୋଇଛି ଝୁଲନ୍ତା ମୃତଦେହ l ମୃତଦେହ ଉଦ୍ଧାର କରିବା ସହ ସ୍ୱାମୀକୁ ଅଟକ ରଖି ତଦନ୍ତ ଆରମ୍ଭ କରିଛି ପୋଲିସ l ମୃତ୍ୟୁର କାରଣ ଅସ୍ପଷ୍ଟ ରହିଛି l

ଗୋପାଳପୁର( ଦ କୁଇଭର ):- ଗୋପାଳପୁର ସମୁଦ୍ର ବେଳାଭୂମିରେ ଯୁବତୀଙ୍କୁ ଗଣଦୁଷ୍କର୍ମ ଘଟଣା ।

- ଘଟଣାର ଆଜି ଚାର୍ଜସିଟ୍ କୋର୍ଟରେ ଦାଖଲ କଲା କ୍ରାଇମବ୍ରାଞ୍ଚ ।

- ବ୍ରହ୍ମପୁର ଜେଏମସି ରୁରାଲ କୋର୍ଟରେ କ୍ରାଇମବ୍ରାଞ୍ଚ ଟିମ ଦାଖଲ ଚାର୍ଜସିଟ୍ ।

- ୫୭୪ ପୃଷ୍ଠା ସମ୍ବଳିତ ଚାର୍ଜସିଟ୍ କ୍ରାଇମବ୍ରାଞ୍ଚ ଟିମ ଦାଖଲ କରିଛି ।

- କ୍ରାଇମବ୍ରାଞ୍ଚ ଟିମର ତଦନ୍ତକାରୀ ଅଧିକାରୀଙ୍କ ସହ ଆଉ ଜଣେ ସହଯୋଗୀ ଅଧିକାରୀ କୋର୍ଟରେ ପହଞ୍ଚି ଚାର୍ଜସିଟ୍ ଦାଖଲ କରିଛନ୍ତି ।

- ଗଣଦୁଷ୍କର୍ମ ଘଟଣାରେ ପୂର୍ବରୁ ୧୦ ଜଣ ଅଭିଯୁକ୍ତଙ୍କୁ ଗିରଫ କୋର୍ଟ ଚାଲାଣ କରିଥିଲା ଗୋପାଳପୁର ଥାନା ପୋଲିସ ।

- ଗିରଫ ପରେ କ୍ରାଇମବ୍ରାଞ୍ଚ ଘଟଣାର ତଦନ୍ତ ଭାର ନେଇଥିଲା ।

- ଜୁନ ୧୫ ତାରିଖ ସନ୍ଧ୍ୟାରେ ଯୁବତୀଙ୍କୁ ଗୋପାଳପୁର ସମୁଦ୍ର ବେଳାଭୂମିରେ ହୋଇଥିଲା ଗଣଦୁଷ୍କର୍ମ ।

ମୟୁରଭଞ୍ଜ( ଦ କୁଇଭର ):- ମୟୂରଭଂଜ ଜିଲ୍ଲା କୁଳିଅଣା ଥାନା ଅଧୀନ ନୂଆଗାଁରେ ମା’-ଝିଅଙ୍କୁ ହତ୍ୟା କରାଯାଇଛି। ଗତ ୧୫ ତାରିଖ ଠାରୁ ନିଖୋଜ ଥିବା ମା’-ଝିଅଙ୍କର ମୃତଦେହ ମାଟି ତଳୁ ଉଦ୍ଧାର କରାଯାଇଛି। ଏହି ହତ୍ୟାକାଣ୍ଡର ଅଭିଯୁକ୍ତ ହେଉଛି ଜ୍ବାଇଁ। ସେ ନିଜ ସ୍ତ୍ରୀ ଓ ଶାଶୂଙ୍କୁ ପଥରରେ ଛେଚି ହତ୍ୟା ପରେ ମାଟି ତଳେ ପୋତିଦେଇଛି। ମୃତ ମା’ ଓ ଝିଅ ହେଲେ ସୋନାଲି ଦଳେଇ (୨୩) ଓ ସୁମତି ଦଳେଇ (୫୫)। ଅଭିଯୁକ୍ତ ଦେବାଶିଷ ପାତ୍ରକୁ ପୁଲିସ ଗିରଫ କରିଛି। ଅଭିଯୁକ୍ତ ଦେବାଶିଷ ନିଜ ସ୍ତ୍ରୀ ଓ ଶାଶୁଙ୍କୁ ହତ୍ୟା ପରେ ଗାତ ଖୋଳି ୨ଟି ଶବକୁ ପୋତି ଦେଇଛି ଏବଂ ଏହାରି ଉପରେ କଦଳୀ ଗଛ ଲଗାଇ ଦେଇଛି। ଏଭଳି ଏକ ଲୋମହର୍ଷଣକାରୀ ଘଟଣା ଦେଖି ପୁଲିସ ହତବାକ ହୋଇଯାଇଛି।

ଘଟଣାରୁ ଜଣାପଡ଼ିଛି ଯେ, ଦେବାଶିଷ ପାତ୍ର ଆମ୍ବଡୁବି ଗ୍ରାମର ଲକ୍ଷ୍ମୀଧର ଦଳେଇଙ୍କ ଝିଅ ସୋନାଲି ଦଳେଇଙ୍କୁ ଦ୍ୱିତୀୟ ବିବାହ କରିଥିଲେl ତାଙ୍କର ଗୋଟିଏ ଏକବର୍ଷର ପୁତ୍ର ସନ୍ତାନ ଅଛି l ଦେବାଶିଷ କୁଳିଅଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧିନସ୍ଥ କୁଆବୁଡ଼ା ସବ୍‌ସେଣ୍ଟରରେ ପୁରୁଷ ସ୍ୱାସ୍ଥ୍ୟକର୍ମୀ ଭାବେ କାର୍ଯ୍ୟ କରନ୍ତିl ଗତ ୧୫ ତାରିଖ ଦିନ ସୋନାଲି ଓ ସୁମତି ନିଖୋଜ ଥିବା ନେଇ ଥାନାରେ ଅଭିଯୋଗ ହୋଇଥିଲା। ଦେବାଶିଷ ଓ ତାଙ୍କର ପ୍ରଥମ ସ୍ତ୍ରୀଙ୍କୁ ନେଇ କୋର୍ଟରେ ମାମଲା ଚାଲିଛି। ପାରିବାରିକ କଳହ ଅଥବା ଅନ୍ୟ କୌଣସି କାରଣ ପାଇଁ ନିଜ ଦେବାଶିଷ ନିଜ ସ୍ତ୍ରୀ ଓ ଶାଶୂଙ୍କୁ ଗତ ୧୯ ତାରିଖ ଦିନ ପଥରରେ ଛେଚି ହତ୍ୟା କରିଥିଲା। ପରେ ନିଜ ଘର ପଛପାର୍ଶ୍ବରେ ଥିବା l ବଗିଚା ପଛପଟରେ ଦୁଇ ମୃତଦେହକୁ ପୋତି ଦେଇଥିଲା। ତେବେ କିଛି ଦିନ ଧରି ହତ୍ୟାକାରୀଙ୍କ ସ୍ତ୍ରୀ ନିଖୋଜ ଥିବାରୁ ଗ୍ରାମବାସୀ ସନ୍ଦେହ ହୋଇଥିଲା। କିଛି ଗ୍ରାମବାସୀ ଦେବାଶିଷଙ୍କ ଘରପଛରେ ଥିବା ବାଡ଼ିରେ ମାଟି ଚିହ୍ନ ଦେଖି ଅଧିକ ସନ୍ଦେହ କରିଥିଲେ। ଏଠାରେ ଗାତ ଖୋଳା ଯାଇଥିବାର ଦେଖି ସେମାନେ ଅଧିକ ସନ୍ଦେହ କରିଥିଲେ। ଏନେଇ ସେମାନେ ପୁଲିସକୁ ଖବର ଦେଇଥିଲେ। ଥାନା ଆଇଆଇସି ମଧୁମିତା ମହାନ୍ତି, ମାଜିଷ୍ଟ୍ରେଟ ଦୁର୍ଗା ଚରଣ ମୁର୍ମୁଙ୍କ ଉପସ୍ଥିତରେ ସାଇଣ୍ଟିଫିକ ଟିମ୍‌ ତଦନ୍ତ ଆରମ୍ଭ କରିଛନ୍ତିl ଅଭିଯୁକ୍ତ ପୁଲିସ ଆଗରେ ହତ୍ୟା କରି ପୋତି ଦେଇଥିବା କଥା ସ୍ୱୀକାର କରିଛିl ପୁଲିସ ଅଭିଯୁକ୍ତକୁ ଗିରଫ କରିଛିl ହତ୍ୟାକାଣ୍ଡର କାରଣ ଜଣାପଡ଼ି ନାହିଁl

ଦ କୁଇଭର ବ୍ୟୁରୋ :- ଗତକାଲି ବିଳମ୍ବିତ ରାତିରେ ଏମ୍‌ସ ଭୁବନେଶ୍ବରର ଅସ୍ଥିଶଲ୍ୟ ୱାର୍ଡରେ କାର୍ଯ୍ୟରତ ଜଣେ ମହିଳା ମେଡିକାଲ ଅଟେଣ୍ଡାଣ୍ଟକୁ ଦୁଷ୍କର୍ମ ଉଦ୍ୟମ ହୋଇଛି। ଏମ୍‌ସର ଜଣେ ନର୍ସିଂ ଅଫିସର ପୀଡ଼ିତାଙ୍କୁ ଡାକ୍ତରଙ୍କ ଚ୍ୟାମ୍ବରରେ ଅସଦାଚରଣ କରିଥିବା ନେଇ ଖଣ୍ଡଗିରି ଥାନାରେ ଅଭିଯୋଗ ହୋଇଛି। ପୁଲିସ ଏକ ମାମଲା ରୁଜୁ କରି ଫେରାର ଅଭିଯୁକ୍ତକୁ ଧରିବା ପାଇଁ ତଦନ୍ତ ଆରମ୍ଭ କରିଛି। ତେବେ ମାମଲାକୁ ରଫାଦଫା କରିବାକୁ ଉଦ୍ୟମ ହେଉଥିବା ଅଭିଯୋଗ କରି ଠିକା କର୍ମଚାରୀମାନେ ଆଜି ସନ୍ଧ୍ୟାରେ ଆନ୍ଦୋଳନକୁ ଓହ୍ଲାଇଛନ୍ତି। ଅଭିଯୁକ୍ତକୁ ଗିରଫ କରିବା ଦାବିରେ ଏମ୍‌ସ ଫାଟକ ସମ୍ମୁଖରେ ବିଳମ୍ବିତ ରାତି ପର୍ଯ୍ୟନ୍ତ ଉତ୍ତେଜନା ଲାଗିରହିଥିଲା। ନ୍ୟାୟ ନମିଳିଲେ ପୀଡ଼ିତା ଆତ୍ମାହୁତି ଦେବେ ବୋଲି ଚେତାବନୀ ଦେଇଛନ୍ତି। ଏହି ଆନ୍ଦୋଳନରେ ୩ହଜାରରୁ ଅଧିକ ଠିକା କର୍ମଚାରୀ ସାମିଲ୍‌ ହୋଇଥିବାରୁ ଏମ୍‌ସ ପରିଚାଳନାରେ ବାଧା ସୃଷ୍ଟି ହେବାର ଆଶଙ୍କା ଦେଖାଦେଇଛି। ଅଭିଯୋଗ ମୁତାବକ ଏହି ମହିଳା ମେଡିକାଲ ଅଟେଣ୍ଡାଣ୍ଟ ଜଣକ ଏମ୍‌ସରେ ଜଣେ ଠିକା କର୍ମଚାରୀ ଭାବରେ କାର୍ଯ୍ୟ କରନ୍ତି। ଗତକାଲି ନାଇଟ୍‌ ସିଫ୍ଟ ଥିବାରୁ ସେ ୱାର୍ଡରେ ଥିଲେ। ରାତି ସାଢ଼େ ୧୨ଟା ସମୟରେ ଅଭିଯୁକ୍ତ ନର୍ସିଂ ଅଫିସର୍‌ ନାନୁରାମ ଚୌଧୁରୀ ତାଙ୍କୁ ଡାକ୍ତରଙ୍କ ଚ୍ୟାମ୍ବରକୁ ରୋଗୀଙ୍କ ଫାଇଲ୍‌ ଦେଖାଇବା ବାହାନାରେ ଡାକିଥିଲେ। ଅଟେଣ୍ଡାଣ୍ଟ ଚ୍ୟାମ୍ବରକୁ ଯିବା ପରେ ନାନୁରାମ ତାଙ୍କୁ ଅସଦାଚରଣ କରିଥିଲେ। ଚିତ୍କାର କରିବାରୁ ପୀଡ଼ିତାଙ୍କୁ ନାନୁରାମ ଧମକ ଦେଇଥିଲା। ଏନେଇ ପୀଡ଼ିତା ମେଡିକାଲ କର୍ତ୍ତୃପକ୍ଷଙ୍କୁ ଜଣାଇଥିଲେ। ତେବେ ନାନୁରାମ ପୀଡ଼ିତାଙ୍କୁ ଟଙ୍କା ଦେଇ ମାମଲାକୁ ଚପାଇ ଦେବାକୁ ଚାପ ପ୍ରୟୋଗ କରିଥିଲେ। ମାତ୍ର ପୀଡ଼ିତା ଏଥିରେ ରାଜି ହୋଇନଥିଲେ। ମେଡିକାଲ କର୍ତ୍ତୃପକ୍ଷ ନ‌ାନୁରାମକୁ ଫେରାର କରିବାରେ ସହଯୋଗ କରିଥିବା ପୀଡ଼ିତା କହିଛନ୍ତି। ଅଭିଯୁକ୍ତ ଗିରଫ ନହେବା ପର୍ଯ୍ୟନ୍ତ ଠିକା କର୍ମଚାରୀମାନେ ଧାରଣା ଦେବେ ବୋଲି ଠିକା କର୍ମଚାରୀ ନେତା ଅଞ୍ଜନ ନାଥ କହିଛନ୍ତି। ପ୍ରତିଦିନ ଏମ୍‌ସ ଭୁବନେଶ୍ବରକୁ ହଜାର ହଜାର ଲୋକଙ୍କ ଆଗମନ ହେଉଥିବାରୁ ସେବା ବାଧାପ୍ରାପ୍ତ ହେବାର ଆଶଙ୍କା ଉପୁଜିଛି।