ବିଜେପି ନେତାଙ୍କ ଠିକାଦାର ପୁଅ

ଦ କୁଇଭର ବ୍ୟୁରୋ :- ଦୁଇଦିନ ପରେ ପୁଣି ଥରାଇବ ଶୀତ l ଉପାନ୍ତରୁ ଉପକୂଳ ସବୁଠି ଥରାଇବ ଜାଡ। ତେବେ ଆସନ୍ତା ୧୭ ପରଠାରୁ ତାପମାତ୍ରା କମିବା ସହିତ ପୁଣି ଥରେ ଶୀତ ଥରାଇବ। ତାପମାତ୍ରା ସ୍ବାଭାବିକ ଠାରୁ ୨ରୁ ୪ ଡିଗ୍ରୀ ପର୍ଯ୍ୟନ୍ତ ତାପମାତ୍ରା କମିବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର। ପଶ୍ଚିମା ଝଡର ପ୍ରଭାବରୁ ବିଗତ କିଛି ଦିନ ହେବ ଶୀତ କମିବାରେ ଲାଗିଛି । କିନ୍ତୁ ପଶ୍ଚିମା ଝଡ କମିବା ପରେ ରାଜ୍ୟକୁ ଉତ୍ତର ପଶ୍ଚିମ ଦିଗରୁ ଥଣ୍ଡା ପବନ ପ୍ରବାହ ବଢିବ। ଫଳରେ ରାଜ୍ୟରେ ପୁଣି ଶୀତ ଲହରୀ ଅନୁଭୁତ ହେବ l ଆସନ୍ତା ୩ ଦିନ ପର୍ଯ୍ୟନ୍ତ ରାଜ୍ୟରେ ପାଗରେ କୌଣସି ପରିବର୍ତ୍ତନ ହେବ ନାହିଁ । ରାତି ତାପମାତ୍ରା ସ୍ବାଭାବିକ ଠାରୁ ଅଧିକ ରହିବ। ୧୬ ତାରିଖ ଯାଏ ଘନ କୁହୁଡି ନେଇ ସତର୍କତା ଜାରି କରିଛି ପାଣିପାଗ କେନ୍ଦ୍ର।

ଦ କୁଇଭର ବ୍ୟୁରୋ :- ପ୍ରତିଦିନ ବଢୁଛି ସୁନାଦର। ସପ୍ତାହେ ଭିତରେ ସୁନା ଦାମରେ ପ୍ରାୟ ୪ ହଜାର ଟଙ୍କା ବୃଦ୍ଧି ହୋଇଛି। ଆଜି ୨୨ କ୍ୟାରେଟ୍ ସୁନା ଦର ରହିଛି ୭୩ ହଜାର ୯୦୦ ଟଙ୍କା। ୫ ଦିନ ତଳେ ଏହି ଦାମ୍ ରହିଥିଲା ୭୧ ହଜାର ଟଙ୍କା। ସେହିପରି ୨୪ କ୍ୟାରେଟ୍ ସୁନା ଦାମ୍ ୮୦ ହଜାର ପାର କରିଛି। ବିଶ୍ବ ବଜାରରେ ଅସ୍ଥିରତା, ଡଲାର୍ ତୁଳନାରେ ଟଙ୍କା ମୂଲ୍ୟ ହ୍ରାସ ଓ ସୁନାରେ ଅଧିକ ନିବେଶ ଯୋଗୁ ଚାହିଦା ବଢିଛି। ଆଜି ୨୪ କ୍ୟାରେଟ୍ ଗୋଲ୍ଡ ରେଟ୍ ରହିଛି ୮୦ହଜାର ୬୨୦ ଟଙ୍କା। ସପ୍ତାହେ ଭିତରେ ଏଭଳି ହୁ ହୁ ବଢିଛି ଦାମ୍। ଆଗକୁ ବିବାହ ସିଜିନ ଥିବାରୁ ଅଚାନକ ଦର ବୃଦ୍ଧି ଗ୍ରାହକଙ୍କୁ ବାଧିଲାଣି।

ପ୍ରାୟ ଦେଢ଼ ମାସ ଧରି ସୁନା ଦର ସ୍ଥିର ରହିଥିଲା। ୧୦ ଗ୍ରାମକୁ ପାଖାପାଖି ୭୦ ହଜାର ଟଙ୍କାରେ ବିକ୍ରି ହେଉଥିଲା। ବିଶେଷଜ୍ଞଙ୍କ ମତରେ, ବିଶ୍ବ ବଜାରରେ ଅସ୍ଥିରତା ଏହାର ଏକ ପ୍ରମୁଖ କାରଣ। କାରଣ ମାସେ ଭିତରେ ଅନ୍ତର୍ଜାତୀୟ ବଜାରରେ ସୁନା ଦାମ ଶହେ ଡଲାର ବଢିଛି।ସେହିପରି ଡଲାର ତୁଳନାରେ ଖସିଛି ଭାରତୀୟ ମୁଦ୍ରାର ମୂଲ୍ୟ। ଯାହାର ପ୍ରଭାବ ସୁନା ଦର ଉପରେ ବି ପଡୁଛି।

ଛତ୍ରପୁର( ଦ କୁଇଭର ):- ୟୁଥମାସ ସେବା ସଂଘର ୧୫ତମ ବାର୍ଷିକ ଉତ୍ସଵ ଜାତୀୟ ଯୁବ ଦିବସ ଅବସରରେ ଛତ୍ରପୁରର ଅଗ୍ରଣୀ ସ୍ବେଚ୍ଛାସେବୀ ସଂଗଠନ ୟୁଥମାସ୍ ସେବା ସଂଘର ୧୫ତମ ବାର୍ଷିକୋତ୍ସବ ପାଳିତ ହୋଇଯାଇଛି। ଚଣ୍ଡିଛକରେ ସଭାପତି ବନମାଳୀ ନେପାକଙ୍କ ପୌରୋହିତ୍ୟରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଛତ୍ରପୁର ବିଧାୟକ କୃଷ୍ଣଚନ୍ଦ୍ର ନାୟକ ଯୋଗ ଦେଇ ସଂଘର ବିଭିନ୍ନ ସାମାଜିକ କାର୍ଯ୍ୟକ୍ରମକୁ ପ୍ରଶଂସା କରିଥିଲେ | ଗଞ୍ଜାମ ଜିଲ୍ଲା ଅତିରିକ୍ତ ଜିଲ୍ଲାପାଳ (ରାଜସ୍ବ) ସୁଧାଂଶୁ କୁମାର ଭୋଇ, ଛତ୍ରପୁର ଏନ୍ଏସି ଅଧ୍ୟକ୍ଷା ଶର୍ମିଷ୍ଠା ପ୍ରଧାନ, ସଂଘର ଉପସଭାପତି କେ.ରମେଶ, ଉପଦେଷ୍ଟା ବି.ଶ୍ରୀନିବାସ, ସେଣ୍ଟ୍ ଜାଭିୟର୍ ପବ୍ଲିକ୍ ସ୍କୁଲ୍ ଅଧ୍ୟକ୍ଷା ସ୍ମୃତିରେଖା ବେହେରା, ତ୍ରିଲୋଚନ ବେହେରା ଓ ଏମ.ରାଜେଶ କୁମାର ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ | ସମ୍ପାଦକ ସୟଦ ମୁକ୍ତାର ବାର୍ଷିକ ବିବରଣୀ ପାଠ ସହ ସଂଯୋଜନା କରିଥିଲେ। ବିଶିଷ୍ଟ କଳାକାର, ସାମାଜିକକର୍ମୀଙ୍କ ସହ ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା ବ୍ୟକ୍ତିବିଶେଷଙ୍କୁ ସମ୍ବଦ୍ଧିତ କରାଯାଇଥିଲା । ବିଭିନ୍ନ ନୃତ୍ୟ ସଂଗଠନର କଳାକାରମାନଙ୍କ ଦ୍ବାରା ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା। ସହରର ବହୁ ମାନ୍ୟଗଣ୍ୟ ବ୍ୟକ୍ତି ଯୋଗ ଦେଇଥିଲେ । ସେହିପରି ଗତ ସପ୍ତାହରେ ଅନୁଷ୍ଠିତ ଭଲିବଲ୍‌ ଟୁର୍ନାମେଣ୍ଟ୍‌ର ବିଜେତା ଓ ଉପବିଜେତା ଦଳକୁ ପୁରସ୍କୃତ କରାଯାଇଥିଲା ।

ନୂଆପଡା( ଦ କୁଇଭର ):- ଦୁଇ ଦିନିଆ ନୂଆପଡ଼ା ଗସ୍ତ ରେ ରାଜ୍ୟ ରାଜସ୍ବ ମନ୍ତ୍ରୀ ସୁରେଶ ପୂଜାରୀ ଆସି ବିଭିନ୍ନ କାର୍ଯ୍ୟକ୍ରମ ରେ ଯୋଗଦାନ କରିଥିଲେ । ଗତକାଲି ସନ୍ଧ୍ୟା ସମୟ ରେ ସେ ନୂଆପଡ଼ା ପହଞ୍ଚିଥିଲେ। ତାଙ୍କୁ ଜିଲ୍ଲା ବିଜେପି ତରଫରୁ ଭବ୍ୟ ସ୍ବାଗତ କରି ବିଜେପି କାର୍ଯ୍ୟାଳୟ ରେ ଏକ ବିରାଟ କର୍ମୀ ସମ୍ମିଳନୀ ଅନୁଷ୍ଠିତ ହୋଇଥିଲା। ଏହି ଅବସର ରେ ଜିଲ୍ଲା ର ପାଞ୍ଚ ଗୋଟି ବ୍ଲକ ରୁ ଶହ ଶହ ବିଜେପି ନେତା ଓ କର୍ମି ମାନେ ଯୋଗ ଦେଇଥିଲେ, ମନ୍ତ୍ରୀ ବିଜେପି ର ନବ ନିର୍ବାଚିତ ମଣ୍ଡଲ ସଭାପତି ଓ କର୍ମକର୍ତା ମାନଙ୍କୁ ଏହି ଅବସର ରେ ଶୁଭେଚ୍ଛା ଜ୍ଞାପନ କରିଥିଲେ । ଆଜି ପ୍ରାତଃ ରେ ନୂଆପଡା ର ଏକତା ଛକ ରେ ଆୟୋଜିତ ଚା ଖଟି ରେ ମନ୍ତ୍ରୀ ଯୋଗ ଦେବା ସହ ବଣିକ ସଂଘ ଓ ନୂଆପଡା ର ସ୍ଥାନିୟ ଲୋକ ବରିଷ୍ଠ ନାଗରିକ ମାନଙ୍କ ସହ ଚା ଖାଇ ସେମାନଙ୍କ ସୁଖଦୁଃଖ ପଚାରି ବୁଝିଥିଲେ । ଚା ଖଟି ରେ ସ୍ଥାନିୟ ଲୋକ ମାନେ ମନ୍ତ୍ରୀ କୁ ଉପଢୌକନ ଦେଇ ସମ୍ବର୍ଦ୍ଧନା ଜ୍ଞାପନ କରିଥିଲେ । ପରେ ସରକାରୀ କାର୍ଯ୍ୟକ୍ରମ ରେ ଯୋଗଦେଇ ଜିଲ୍ଲାସ୍ତରୀୟ ଅଧିକାରୀ ମାନଙ୍କ ସହ ସମୀକ୍ଷା କରିଥିଲେ । ନୂଆପଡା ଜିଲ୍ଲା ସମେତ ଓଡିଶା ର କୌଣସି ଲୋକ ଭୁମି ହିନ ରହିବେ ନାହି ବୋଲି କହିବା ସହ ନୂଆପଡା ଜିଲ୍ଲା ରେ ଅନେକ ଅଣ ରାଜସ୍ବ ଗାଁ ରହିବା ସହ ଅନେକ ଲୋକ ଭୁମି ହିନ ରହିଛନ୍ତି ସେହିଭଳି ଆଦିବାସୀ ସଂପ୍ରଦାୟ ର ଅନେକ ଲୋକ ଜମି ପଟା ପାଇଁ ନାହାନ୍ତି ସେମାନଙ୍କୁ ଜମି ପଟ୍ଟା ପ୍ରଦାନ କରାଯିବ ବୋଲି କହିଥିଲେ,ଏହା ବ୍ୟତିତ ବଡ ବଡିଆ ଲୋକ ମାନେ ଯେଉ ସରକାରୀ ଜମି ଜବରଦଖଲ କରିଛନ୍ତି ସେହି ଜମି କୁ ଛଡେଇ ରାଜସ୍ବ ବିଭାଗ ଅଧିନ କୁ ଅଣାଯିବ ବୋଲି କହିଥିଲେ । ପରେପରେ ଜିଲ୍ଲା ସାମାଜିକ ସୁରକ୍ଷା ବିଭାଗ ଦ୍ଵାରା ଆୟୋଜିତ ବର୍ଦ୍ଧିତ ବାର୍ଦ୍ଧକ୍ୟ ଓ ଡିବ୍ୟାଙ୍ଗ ଭତ୍ତା ବଣ୍ଟନ କାର୍ଯ୍ୟକ୍ରମ ରେ ଯୋଗ ଦେଇ ହିତାଧିକାରୀ ଙ୍କୁ ଭତ୍ତା ବଣ୍ଟନ କରିଥିଲେ । ପରେ କୋମନା ର ଏକ ଓ ଖଡ଼ିଆଳ ରେ ଏକ କର୍ମୀ ସମ୍ମିଳନୀ ରେ ଯୋଗଦେଇ ସ୍ଥାନୀୟ ସମସ୍ୟା ବୁଝିବା ସହ କର୍ମୀ ଙ୍କୁ ସଂଗଠିତ ପାଇଁ ବାର୍ତ୍ତା ଦେଇଥିଲେ । ଜିଲ୍ଲା ରେ ଅନେକ ସମସ୍ୟା ଅଛି ଆଗକୁ ଏହାର ସମାଧାନ ପାଇଁ ପ୍ରତି ସରକାର ଗୁରୁତ୍ବ ଦେବେ ବୋଲି କହିଛନ୍ତି ।

ବ୍ରହ୍ମପୁର(ଦ କୁଇଭର): ଟାଟା ପାୱାର ଗ୍ରାହକ ଶୋଷଣ ବା ଲୁଟ ପାଇଁ ନୂଆ ରାସ୍ତା ବାହାର କରିଛି । ଡିଜିଟାଲ ମିଟର ଠିକ ଥିଲେ ମଧ୍ୟ ଖରାପ କରିଦେଇ ସ୍ମାର୍ଟ ମିଟର ଲଗାଇବାକୁ ବାଧ୍ୟ କରୁଛି । ଏହାଦ୍ୱାରା ଗ୍ରାହକଙ୍କୁ ଅଧିକ ୨ ଶହରୁ ୧୨ଶହ ଟଙ୍କା ପର୍ଯ୍ୟନ୍ତ ଦେବାକୁ ପଡ଼ିବ । ବିଜୁଳୀ ସମାନ ଜାଳିବେ, ହେଲେ ବିଲ ଦେବେ ଅଧିକ । ଏହାକୁ ଲୋକେ ବିରୋଧ କରୁଛନ୍ତି । ହେଲେ ଟାଟା ପାୱାର କାଳେ ରାଜ୍ୟ ବିଜେପି ସରକାର ସହ ଚୁକ୍ତି କରିଛି ଏହି ଲୁଟ ପାଇଁ । ତେଣୁ ରାଜ୍ୟ ସରକାର ଚୁପ ବସିଛନ୍ତି ଆଉ ଟାଟା ଲୁଟ ଆରମ୍ଭ କରିଛି । ଏପରି ଲୁଟକୁ ସାନଖେମୁଣ୍ଡିରେ ବିରୋଧ କରାଯାଇଛି । ଟାଟା ଅଧିକାରୀ ମାନଙ୍କୁ ଘେରାଉ କରି ରଖାଯାଇଥିଲା । ସେହିପରି ପୂର୍ବରୁ ପୁରୀ ଜିଲ୍ଲା ଗୋପରେ ମଧ୍ୟ ଗୋଡ଼େଇଥିଲେ । ପୁରୀରେ ଟାଟା ଅଧିକାରୀ ମାନଙ୍କୁ ଚପଲରେ ମାଡ଼ ଦେବାକୁ ବି କୁହାଯାଇଥିଲା । ତଥାପୀ ସେମାନେ ସ୍ମାର୍ଟ ମିଟର ମାଧ୍ୟମରେ ଗ୍ରାହକଙ୍କୁ ଲୁଟିବାକୁ ଲାଗି ପଡ଼ିଛନ୍ତି ।

ଏବେ ଆସିବା ପ୍ରସଙ୍ଗକୁ । ରାଜ୍ୟ ସରକାରଙ୍କ ଭିତ୍ତିଭୂମିକୁ ନେଇ ଟାଟା ପାୱାର ବିଜୁଳୀ କର ଆଦାୟରେ ଲାଗିଛି । ପୂର୍ବରୁ ଥିବା ମିଟରରେ ବିଜୁଳୀ ଚୋରୀ ହେଉଥିବାରୁ ଡିଜିଟାଲ ମିଟର ଲାଗିଲା । ସେହି ମିଟର ବେଶ ଭଲ କାମ କରୁଛି । ପ୍ରାୟତଃ ଚୋରୀର ଅଭିଯୋଗ ନାହିଁ । ଏହାବାଦେ ଟାଟା ପାୱାର ଯଦି ମାସେ କି ଦୁଇମାସ ବିଜୁଳୀ ବିଲ ବାକି ରହିଲା, ବିଜୁଳୀ କାଟି ଦେଉଛନ୍ତି । ସେଥିପାଇଁ ବିଜୁଳୀ ବିଲ ଆଦାୟ ବି ଠିକ ହେଉଛି । ହେଲେ ସେବା ମିଳୁନାହିଁ । ଆଜି ବି ପୂରୁଣା ଭିତ୍ତିଭୂମିରେ ସେବା ଦେଉଛି ଟାଟା । ଯେଉଁଥିରେ ବିଜୁଳୀ ପରିବହନ କ୍ଷତି ବଢ଼ୁଛି ଓ ସେହି କ୍ଷତି ଗ୍ରାହକଙ୍କ ମୁଣ୍ଡରେ ବୋଳୁଛି ।

ସେଥିରେ ମନ ଭରିଲାନି ଟାଟାର । ଏବେ ସ୍ମାର୍ଟ ମିଟର ଲଗାଇବାକୁ ଲାଗି ପଡ଼ିଲାଣି । ଏହା ହେଲେ ଗ୍ରାହକମାନେ ଲୁଟର ଶୀକାର ହେବେ । ସ୍ମାର୍ଟ ମିଟର ବାବଦରେ ତ ଟଙ୍କା ଦେବେ, ଏହାବ୍ୟତୀତ ସ୍ମାର୍ଟ ମିଟରରେ ବିଜୁଳୀ ବିଲ ଲୁଟ ହୋଇ ପାରିବ । ବିଲ ରିଡର ମାନେ କାରସାଦି କରି ସବୁ ବିଗାଡ଼ି ଦେବେ । ଯାହାକୁ ନେଇ ଏବେ ବିରୋଧ ବଢ଼ିଲାଣି । ଯଦି ଡିଜିଟାଲ ମିଟର ଠିକ ଅଛି, ତେବେ ସ୍ମାର୍ଟ ମିଟର କାହିଁକି ବୋଲି ପ୍ରଶ୍ନ କଲେଣି । ପୂର୍ବରୁ ଡିଜିଟାଲ ମିଟର ଲଗାଇବା ବାବଦକୁ ପ୍ରତିମାସ ୪୦ ଟଙ୍କା ଲେଖାଏ ୬୦ମାସ ନେଇଛନ୍ତି । ଏବେ ସ୍ମାର୍ଟ ମିଟର ମୂଲ୍ୟ ୭ହଜାର ଟଙ୍କା । ଡିଜିଟାଲ ମିଟର ଠିକ ଥିବା ବେଳେ ସ୍ମାର୍ଟ ମିଟର ବାବଦରେ ଗ୍ରାହକଙ୍କ ଉପରେ ୭ହଜାର ଟଙ୍କା ବୋଝ ପକାଇବ । ଏହାଦ୍ୱାରା ଟାଟା ପାୱାର ରାଜ୍ୟରୁ ପ୍ରାୟ ୧୫ଶହ କୋଟି ଟଙ୍କା ଲୁଟିନେବ । ଏହାବ୍ୟତୀତ ସ୍ମାର୍ଟ ମିଟରରେ ବିଲ ଶୋଷଣ ବି ସୁବିଧା ହେବ । ଏକଥାକୁ ନେଇ ଆମ ଆଦମୀ ପାର୍ଟି ତାର ଅଭିଯାନ ଚଳାଇଛି । ଟାଟା ବିରୋଧରେ ଆପର ଏହି ଅଭିଯାନ ଦ୍ୱାରା ଲୋକେ ତାତିଲେଣି । ଟାଟା ସିଧା ସଳଖ ଲୁଟ କରୁଛି । ଏହି ଲୁଟ ପଛରେ ବିଜେପି ସରକାରଙ୍କ ହାତ ଥିବା କୁହାଯାଉଛି । ପ୍ରତିମାସ ୩୦୦ ୟୁନିଟ ବିଜୁଳୀ ମାଗଣା ଦେବାକୁ କହି ସରକାରକୁ ଆସିଥିବା ବିଜେପି ମାଗଣା ନଦେଉ ପଛେ ଶୋଷଣ ତ ନକରୁ ବୋଲି ଲୋକେ କହୁଛନ୍ତି । ଦେଖାଯାଉ ବିଜେପି ସରକାର ଟାଟାକୁ ନିୟନ୍ତ୍ରଣ କରୁଛି ନା ଲୋକେ ଟାଟା ଅଧିକାରୀଙ୍କୁ ଗୋଡ଼େଇ ପିଟୁଛନ୍ତି?

ଗଞ୍ଜାମ ( ଦ କୁଇଭର ):- ଆନନ୍ଦ ଉଲ୍ଲାସକୁ ନେଇ ପ୍ରଥମ କରି ଗଞ୍ଜାମ ଜିଲ୍ଲ ପୋଲସରା ବ୍ଲକ ଅନ୍ତର୍ଗତ ମଥୁରା ପଞ୍ଚାୟତ ଅଧିନସ୍ଥ ଶରଣ ଶ୍ରୀକ୍ଷେତ୍ର ମାରଦା ପୀଠରେ ମଙ୍ଗଳବାର ମାରଦା ମହୋତ୍ସବ ୨୦୨୫ ବହୁ ଆଡ଼ମ୍ବର ସହକାରେ ଅନୁଷ୍ଠିତ ହୋଇଯାଇଛି । ମହୋତ୍ସବର ପ୍ରଥମ ସନ୍ଧ୍ୟାର କାର୍ଯ୍ୟକ୍ରମକୁ ମତ୍ସ୍ୟ ଓ ପଶୁ ସମ୍ପଦ ମନ୍ତ୍ରୀ ତଥା ମାରଦା ମହୋତ୍ସବର ସଭାପତି ଗୋକୁଳାନନ୍ଦ ମଲ୍ଲିକଙ୍କ ସଭାପତିତ୍ୱରେ ଅନୁଷ୍ଠିତ ହୋଇ ଯାଇଛି । ଯେଉଁଠି ମୁଖ୍ୟ ଅତିଥି ରୂପେ ଓଡ଼ିଶାର ପୂର୍ତ୍ତ, ଆଇନ ଓ ଅବକାରୀ ବିଭାଗର ମାନ୍ୟବର ମନ୍ତ୍ରୀ ପୃଥିରାଜ୍ ହରିଚନ୍ଦନ ଯୋଗ ଦେଇ ମାରଦା ମହୋତ୍ସବ ୨୦୨୫ ର ଶୁଭ ଉଦଘାଟନ କରିଥିଲେ । ସମ୍ମାନୀୟ ଅତିଥିଭାବେ ବାଣିଜ୍ୟ, ପରିବହନ, ଖଣି ଓ ଇସ୍ପାତ ମନ୍ତ୍ରୀ ବିଭୁତି ଭୂଷଣ ଜେନା, ଆସିକା ସାଂସଦ ଅନିତା ସୁଭଦର୍ଶିନୀ ଏବଂ ଗଞ୍ଜାମର ସମସ୍ତ ବିଧାୟକ ଓ ପ୍ରଶାସନିକ ସମସ୍ତ ଅଧିକାରୀ ମାନେ ଉପସ୍ଥିତି ରହି ବହୁ ପ୍ରସିଦ୍ଧ ମାରଦା ମନ୍ଦିର ଐତିହ୍ୟ ଓ ଜଗନ୍ନାଥ ସଂସ୍କୃତିର ବିଭିନ୍ନ କଳା ଗବେଷଣା ଉପରେ ନିଜେ ନିଜର ଅଭିଭାଷଣ ରଖିଥିଲେ । ଏପରିକି ଦକ୍ଷିଣ ଓଡ଼ିଶାର ବିଭିନ୍ନ ଲୋକକଳା ଓ ପାରମ୍ପାରିକ ନୃତ୍ୟ ଉପରେ ସ୍ଥାନୀୟ କଳାକାର ମାନେ ନିଜେ ନିଜର କଳା ପ୍ରତିଭା ପରିଦର୍ଶନ କରି ଉପସ୍ଥିତ ଅତିଥି ଏବଂ ଭିଡ଼ରେ ବସି ରହିଥିବା ସମସ୍ତ ଦର୍ଶକଙ୍କ ମନ ମୋହି ଥିଲେ । ପରେ ମାରଦା କମିଟି ଦ୍ବାରା ଆୟୋଜିତ କରାଯାଇଥିବା ସମସ୍ତ ରଙ୍ଗାରଙ୍ଗ କାର୍ଯ୍ୟକ୍ରମକୁ ନେଇ ଦର୍ଶକଙ୍କ ଭିଡ଼ ଲାଗିରହିଥିଲା ।

ପାରଳାଖେମୁଣ୍ଡି( ଦ କୁଇଭର ):- ପାରଳାଖେମୁଣ୍ଡି ଖଣି ଅଧିକାରୀଙ୍କ ଦ୍ବାରା ଚାରୋଟି ବାଲି ବୋଝେଇ ଟ୍ରାକ୍ଟର ଅଟକ। ପାରଳାଖେମୁଣ୍ଡି ଉପକଣ୍ଠ ରାଣୀପେଣ୍ଠ ଆଡୁ ପାରଳାଖେମୁଣ୍ଡି କୁ ଆସୁଥିବା ବେଳେ ଗତ ମଙ୍ଗଳବାର ବିଳମ୍ବିତ ରାତିରେ ବେଆଇନ ବାଲି ଚାଲାଣ ଅଭିଯୋଗରେ ୪ଟି ଟ୍ରାକ୍ଟର ଅଟକ ରଖିଛି ବିଭାଗ । ଟ୍ରାକ୍ଟରକୁ ଅଟକାଇ ପଚରାଉଚରା କରିବା ବେଳେ ବାଲି ଟ୍ରାକ୍ଟର ଡ୍ରାଇଭର ଆବଶ୍ୟକୀୟ କାଗଜପତ୍ର ଦେଇପାରିନଥିଲେ । ଏହାପରେ ଖଣି ବିଭାଗ ଟ୍ରାକ୍ଟର ଗୁଡିକୁ ଜବତ କରି ପାରଳାଖେମୁଣ୍ଡି ଆଦର୍ଶ ଥାନାରେ ହସ୍ତାନ୍ତର କରିବା ସହ ବେଆଇନ ବାଲି ଚୋରା ଚାଲାଣ ଅଭିଯୋଗରେ ୩ ଲକ୍ଷ ୬୦ ହଜାର ଟଙ୍କା ଜରିମାନା ଧାର୍ଯ୍ୟ କରାଯାଇଥିବା ସୁଚନା ଦେଇଛନ୍ତି ଜିଲ୍ଲା ଖଣି ଅଧିକାରୀ ଦ୍ବୀପେନ୍ ପରିଡ଼ା । ତେବେ ଗତକାଲି ଠାରୁ ୪ଟି ଟ୍ରାକ୍ଟର ବାଲି ବୋଝେଇ ହୋଇ ପାରଳାଖେମୁଣ୍ଡି ପୋଲିସ ଥାନାରେ ପଡିରହିଛି । ବର୍ତ୍ତମାନ ଯାଏ କୌଣସି ଟ୍ରାକ୍ଟରକୁ ମୁକୁଳା ଯାଇନାହିଁ । ସୁଚନା ଥାଉକି ଜିଲ୍ଲାରେ ବାଲି ଉତ୍ତୋଳନ ବନ୍ଦ ରହିଥିବା ବେଳେ ପ୍ରତିଦିନ ରାତିରେ କେଉଁଠୁ ଆସୁଛି ଶହ ଶହ ବାଲି ବୋଝେଇ ଟ୍ରାକ୍ଟର । ଗତ ମଙ୍ଗଳବାର ରାତିରେ ଖଣି ବିଭାଗ ଧରିଛି ୪ଟି ଟ୍ରାକ୍ଟର । ହେଲେ ପ୍ରତିଦିନ ଏଭଳି ଶହ ଶହ ଟ୍ରାକ୍ଟରରେ ବାଲି ବୁହା ହେଉଛି ତାହାର କୌଣସି ହିସାବ ନାହିଁ । ଜିଲ୍ଲାରେ ବାଲି ମାଫିଆ କିଭଳି ସକ୍ରିୟ ହୋଇ ନିଜ କଳା ସାମ୍ରାଜ୍ୟ ବିସ୍ତାର କରିଛନ୍ତି ତାହା ଏହି ଘଟଣା ରୁ ସ୍ବଷ୍ଟ ଅନୁମେୟ । କାରଣ ଜିଲ୍ଲାରେ କୌଣଶି ବାଲି ଘାଟରୁ ବାଲି ଉଠାଣ ପାଇଁ ଅନୁମତି ନାହିଁ , ତେଣୁ ବାଲି ଉତ୍ତୋଳନ ସମ୍ପୁର୍ଣ୍ଣ ରୂପେ ବନ୍ଦ ରହିଛି , କିନ୍ତୁ ରାତି ଅଧିଆ କେଉଁ ଠାରୁ ବାଲି ଆସୁଛି କେମିତି ଆସୁଛି ତାହା ଏବ ପ୍ରଶାସନର କାଢୁଆ ପଣକୁ ପଦାରେ ପକାଇଛି । ତେବେ ଏଭଳି କଳାକାରବାର କୁ ରୋକିବା ପାଇଁ କେବଳ ନାମକୁ ମାତ୍ର କିଛି ଟଙ୍କା ଜରିମାନା ଆଦାୟ କରି ଛାଡି ଦେଉଥିବା ଚୋରା ଚାଲାଣକୁ ପ୍ରଶୟ ଦେଲାଭଳି ମନେ ହେଉଛି । ଏହାର ମୂଳ ଉତ୍ତପାଟନ ଦିଗରେ କୌଣସି ଆଖିଦୃଷ୍ଟିଆ କାର୍ଯ୍ୟାନୁଷ୍ଠାନ ନିଆଯିବା ଆଵଶ୍ୟକତା ରହିଛି ବୋଲି ସାଧାରଣରେ ଚର୍ଚ୍ଚା ହେଉଛି।

ଗଞ୍ଜାମ, ଆସିକା ( ଦ କୁଇଭର ):- ଭଉଣୀର ବେକକୁ ଧାରୁଆ ଅସ୍ତ୍ର ରେ କାଟି ମୁଣ୍ଡ କୁ ଛେଚି ହତ୍ୟା କରି ଫେରାର ହୋଇଛି ଭାଇ l ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଆସିକା ଥାନା ଗୁଣ୍ଟପଡା ପଂଚାୟତର ରାଇପୋଲି ଗ୍ରାମରେ। ଗ୍ରାମର ଶତ୍ରୁଘ୍ନ ପାତ୍ରଙ୍କ ପୁଅ ୪୫ ବର୍ଷୀୟ ବାବାଜୀ ପାତ୍ର ନିଜ ବିବାହିତ ଭଉଣୀ ଲକ୍ଷ୍ମୀ ମହାନ୍ତିଙ୍କୁ ଆଜି ସକାଳ ୫ଟା ସମୟରେ ଘର ଭିତରେ ଲୁକ୍କାୟିତ ଭାବେ ପଶି ନିର୍ମମ ଭାବେ ହତ୍ୟା କରିଛି। ଘର ଭିତରେ ଲକ୍ଷ୍ମୀ ଙ୍କ ରକ୍ତ ଜୁଡ଼ୁବୁଡୁ ଶରୀର ପଡିଥିବା ବେଳେ ଘଟଣା ସ୍ଥଳରେ ଆସିକା ପୋଲିସ ପହଁଚି ଘରକୁ ବନ୍ଦ କରି ସାଇଣ୍ଟିପିକ ଟିମକୁ ଅପେକ୍ଷା କରିଛି। ମୃତ ଲକ୍ଷ୍ମୀ ର ଚତୁର୍ଥ ଶ୍ରେଣୀ ପଢ଼ୁଥିବା ପୁଅ ଗ୍ରାମରେ ବସି ମା'କୁ ଦେଖିବାକୁ ଅପେକ୍ଷା କରିଛି l ଅନ୍ୟ ପଟେ ପାଳିତ ମା' ମଧ୍ୟ ଘରେ ଦ୍ୱାରରେ ବସି କାନ୍ଦିବାରେ ଲାଗିଛି l ଆସିକା ପୋଲିସ ଘଟଣା ସ୍ଥଳରେ ପହଂଚି ତଦନ୍ତ ଜାରି ରଖିଛି l ଅନ୍ୟ ପଟେ ଭଉଣୀକୁ ହତ୍ୟା କରି ଭାଇ ଫେରାର ହୋଇଯାଇଥିବା ସୂଚନା ମିଳିଛି l

ଭୁବନେଶ୍ୱର(ଦ କୁଇଭର): ରାଜ୍ୟ ସରକାରଙ୍କ ବେଙ୍ଗଳାପକା ରାଜନୀତି ଏବେ ଚର୍ଚ୍ଚାରେ ରହିଛି । କେଉଁ ବିଭାଗର କଥାକୁ କେଉଁ ମନ୍ତ୍ରୀ କହୁଛନ୍ତି ତାହା କେହି ବୁଝି ପାରୁ ନାହାନ୍ତି । ଯାହା ହେଉ, ପୂର୍ବର ନବୀନ ସରକାରରେ ତ ମନ୍ତ୍ରୀ ମାନେ କଥା ହିଁ କହୁନଥିଲେ । ସଚିବଙ୍କ ଚିରକୁଟ ପାଇବା ପରେ କଥା ବାହାରୁଥିଲା । ତାହା ପୁଣି ମାପଚୁପରେ । ବିଜେପି ସରକାର ଆସିବା ପରେ ଏମାନେ ବାଡ଼ ବତା ମାନୁ ନାହାନ୍ତି । ମନଇଚ୍ଛା କହି ଚାଲୁଛନ୍ତି । ଏଇ ଯେମିତି ସ୍ୱାସ୍ଥ୍ୟ ବିଭାଗର ଦୁର୍ନୀତି କଥା ସ୍ୱାସ୍ଥ୍ୟମନ୍ତ୍ରୀ ଜାଣନ୍ତି ନାହିଁ, ଆଇନମନ୍ତ୍ରୀ ପୃଥିରାଜ ହରିଚନ୍ଦନ କହିଲେ, ବିଏସକେୱାଇ ଦୁର୍ନୀତିର ତଦନ୍ତ କରାଯିବ । ଉପଯୁକ୍ତ ପଦକ୍ଷେପ ହେବ । ଏହା ସ୍ୱାଗତ ଯୋଗ୍ୟ ନିଶ୍ଚିତ । ଆଇନମନ୍ତ୍ରୀଙ୍କ ଏହି କଥା ପରେ ଜାଲିଆ ଡାକ୍ତରଖାନା ମାଲିକମାନେ ଛାନିଆ ହେଲେଣି । ହେଲେ ଏହି ଘୋଷଣା ଦ୍ୱାରା ବାସ୍ତବରେ ଦୁର୍ନୀତିକୁ ଏ ସରକାର ଧରିବେ ନା ଜାଲିଆ ଡାକ୍ତରଖାନା ମାଲିକ ମାନଙ୍କ ସହ ଡିଲ କରି କମିଶନ ପକ୍କା କରିବେ?

ବିଏସକେୱାଇ ଅର୍ଥାତ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ହୋଇଥିଲା ବ୍ୟାପକ ଦୁର୍ନୀତି । ସାମାନ୍ୟ ଥଣ୍ଡା ପାଇଁ ଲକ୍ଷଲକ୍ଷ ଟଙ୍କା ବିଲ ନିଆଯାଉଥିଲା । ନାନା ଟେଷ୍ଟ କରି ରୋଗୀଙ୍କ କାର୍ଡକୁ ଖାଲି କରିଦେଉଥିଲେ । ଅଧିକାଂଶ ଡାକ୍ତରଖାନା ଗୁଡ଼ିକ ବିଏସକେୱାଇ କାର୍ଡରୁ କୋଟି କୋଟି ଟଙ୍କା ହଡ଼ପ କରିଛନ୍ତି । ରୋଗୀଙ୍କ ଆଖିରେ ଆଙ୍ଗୁଠି ଗେଞ୍ଜି ଲୁଟ କରିଛନ୍ତି । ସାଥ ଦେଇଛନ୍ତି ବଡ଼ ବଡ଼ ଅଫିସର ଓ ରାଜନେତାମାନେ । କମିଶନ ନେଇ ସେମାନେ ବି ଲୁଟେଇଛନ୍ତି ସରକାରୀ ଧନ । କୋଭିଡ ଅନୁଦାନ ତ ହରିଲୁଟ ହୋଇଛି । ରାଉରକେଲାର ଏକ ଘରୋଇ ହସ୍ପିଟାଲ ୮୦କୋଟି ଗିଳିଥିବା କୁହାଯାଉଛି । ସେହିପରି ରାଜଧାନୀର ଦୁଇ ବଡ଼ ବଡ଼ିଆଙ୍କ ବଡ଼ ହସ୍ପିଟାଲ ଓ ଜଣେ ଅଣଓଡ଼ିଆଙ୍କ ବଡ଼ ହସ୍ପିଟାଲ ତ ଶହଶହ କୋଟି ଗିଳି ଦେଇଛନ୍ତି । ବୋପା ସମ୍ପତ୍ତି ଭଳି ସରକାରୀ ଟଙ୍କାକୁ ଲୁଟେଇଥିଲେ ପୂର୍ବ ସରକାରର ବାବୁମାନେ । ସେମାନଙ୍କ ଦେହରେ ହାତ ମାରିବାର ଦମ ଏ ସରକାରରବି ନାହିଁ ବୋଲି କୁହାଯାଉଛି । କାରଣ ସେହି ହସ୍ପିଟାଲ ମାଲିକମାନେ ବିଜେପିର କେନ୍ଦ୍ର ଠୁ ରାଜ୍ୟ ପର୍ଯ୍ୟନ୍ତ ମନ୍ତ୍ରୀ ମାନଙ୍କୁ ପାଳୁତ କରି ରଖିଛନ୍ତି ।

ବିଏସକେୱାଇର ସ୍ଥିତି ବି ସେମିତି । ଯାହାର ତଦନ୍ତ ଜରୁରୀ । ଏଦିଗରେ ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ କିଛି କହିନଥିବା ବେଳେ ଆଜି ଆଇନମନ୍ତ୍ରୀ ତଦନ୍ତ କରାଯିବାକୁ କହିଛନ୍ତି । ଏହି ଘୋଷଣା ପରେ ଜାଲିଆତି କରିଥିବା ଡାକ୍ତରଖାନା ମାଲିକମାନେ ଭୟ ନିଶ୍ଚିତ କରିବେ । ହେଲେ ଏ ସରକାର ଦୁର୍ନୀତିର ତଦନ୍ତ କରି ସରକାରୀ ତହବିଲକୁ କିଛି ଫେରାଇବ ନା, ତଦନ୍ତ ନାମରେ କମିଶନ ଫିକ୍ସ କରି ତଦନ୍ତକୁ ବାଟବଣା କରିବ? ଏମିତି ପ୍ରଶ୍ନ ଏବେ ଜୋର ଧରିଲାଣି । କାରଣ ଏ ସରକାର ଯେତିକି ଘଟଣା ଉପରେ ତଦନ୍ତ କରିବାକୁ ଘୋଷଣା କଲାଣି, ବିଶେଷ କରି ଆଇନମନ୍ତ୍ରୀଙ୍କ ତଦନ୍ତ ଘୋଷଣାର ତାଲିକା ଦେଖିଲେ ସରକାର କେବଳ ଏକ ତଦନ୍ତ ବିଭାଗ ଖୋଲି ଜଣକୁ ସଚିବ କରିବେ । ଅନ୍ୟଥା ଏହା କେବଳ କମିଶନ କାରବାର ପାଇଁ ଉଦ୍ଧିଷ୍ଟ ବୋଲି ପ୍ରମାଣିତ ହେବ । ଦେଖାଯାଉ ସ୍ୱାସ୍ଥ୍ୟ ଦୁର୍ନୀତିର ତଦନ୍ତ ହେଉଛି ନା କମିଶନ ନେଇ ସରକାର ଚୁପ ବସୁଛନ୍ତି?

ବ୍ରହ୍ମପୁର( ଦ କୁଇଭର ):- ଗୋଶାଣୀ ନୁଆଁଗାଁ ଥାନା ଅନ୍ତର୍ଗତ ଖଜୁରୀଆ ନିକଟସ୍ଥ ସାପୁଆ କେନାଲରୁ ଏକ ଶବ ଭାସୁ ଥିବାର ସ୍ଥାନୀୟ ଲୋକେ ଦେଖି ପୋଲିସ କୁ ଜଣାଇ ଥିଲେ। ଗୋଶାଣୀ ନୁଆଁଗାଁ ଥାନା ଅଧିକାରୀ ଘଟଣା ସ୍ଥଳରେ ପହଞ୍ଚି ଶବଟିକୁ ଜବତ କରିବା ଶହ ଶବ ନିକଟରୁ ଏକ ବାଇକ ଜବତ କରିଛି। ମୃତକ ଜଣଙ୍କ ହେଲେ ଗୋଳନ୍ଥରା ଥାନା ଅନର୍ଗତ ପାଟପୁର ଗାଁର ସନ୍ତୁନୁ ନାୟକ। ଗତ କାଲି ନିଖୋଜ ନେଇ ଗୋଳନ୍ଥରା ଥାନା ରେ ଏକ ଅଭିଯୋଗ ହୋଇଥିଲା। ପୋଲିସ ଘଟଣାକୁ ନେଇ ତଦନ୍ତ ଜାରି ରଖିଛି ।

ଦ କୁଇଭର ବ୍ୟୁରୋ :-:ବଢ଼ୁଛି ଆତ୍ମହତ୍ୟା ସଂଖ୍ୟା । ଦିନକୁ ଦିନ ଆତ୍ମହତ୍ୟାର ହାର ବଢ଼ିବାରେ ଲାଗିଛି । ଆତ୍ମହତ୍ୟାରେ ଯେତିକି ଜୀବନ ଯାଉନି ତାଠୁ ବେଶୀ ଆତ୍ମହତ୍ୟା ପାଇଁ ଉଦ୍ୟମ କରି ଯନ୍ତ୍ରଣା ଭୋଗୁଛନ୍ତି । ଯାହା ଆମ ସମାଜ ଉପରେ ସାମାଜିକ, ଭାବନାତ୍ମକ ଓ ଅର୍ଥନୈତିକ ପ୍ରଭାବ ପକାଉଛି । ବୟସ୍କଙ୍କ ତୁଳନାରେ କିଶୋର କିଶୋରୀଙ୍କ ଆତ୍ମହତ୍ୟା ହାର ବେଶୀ । ଅଧିକାଂଶ ଟିନ ଏଜ୍ ବା ୧୩ ରୁ୨୩ ବର୍ଷ ବୟସର ଛାତ୍ରଛାତ୍ରୀ ଆତ୍ମହତ୍ୟା କରୁଛନ୍ତି । ସେମାନଙ୍କ ମଧ୍ୟରେ ପୁଅଙ୍କ ଠାରୁ ଝିଅଙ୍କ ଆତ୍ମହତ୍ୟା ସଂଖ୍ୟା ଅଧିକ ।

ଆତ୍ମହତ୍ୟା ଏକ ପ୍ରମୁଖ ଜନସ୍ୱାସ୍ଥ୍ୟ ଚିନ୍ତା । କିଏ ବିଷ ପିଇ ଆତ୍ମହତ୍ୟା କରୁଛି ତ ଆଉ କିଏ ବେକରେ ରଶି ଦେଇ ? କିଏ ଅସ୍ତ୍ରଶସ୍ତ୍ର ଦ୍ୱାରା ନିଜକୁ ଆଘାତ ଦଉଛି ତ ଆଉ କିଏ ଛାତରୁ ଡେଇଁ ପଡ଼ି କିମ୍ବା ରେଳଧାରଣାରେ ଶୋଇ ନିଜ ଜୀବନ ହାରୁଛି । ଏହାର କାରଣକୁ ନେଇ ଭିନ୍ନ ମତ ଆସୁଛି କିନ୍ତୁ ସାମାଜିକ, ପାରିବାରିକ ସମସ୍ୟା ଅଧିକ ।

ଏକାକୀପଣ ଏହାର ପ୍ରଥମ ସମସ୍ୟା । ଆଗରୁ ସମସ୍ତେ ଯୌଥ ପରିବାରରେ ମିଳିମିଶି ରହୁଥିଲେ ତେଣୁ ପିଲାମାନେ ସମସ୍ତଙ୍କ ଠାରୁ ସ୍ନେହ ଆଦର ପାଇ ପାରୁଥିଲେ କିନ୍ତୁ ଆଜିକାଲି ଏକକ ପରିବାରକୁ ସମସ୍ତେ ଆପଣେଇ ନେଲେଣି ଯେଉଁଥିରେ କେବଳ ବାପା,ମାଆ ଓ ଛୁଆ ରହୁଛନ୍ତି । ବାପା ମାଆ ମଧ୍ୟ ନିଜ ବୃତ୍ତିକୁ ନେଇ ଏତେ ବ୍ୟସ୍ତ ରହୁଛନ୍ତି ଯେ ନିଜ ଛୁଆ ପାଇଁ ବି ସେମାନଙ୍କ ପାଖେ ସମୟ ନାହିଁ । ପିଲାର ସବୁ ଆବଶ୍ୟକତାକୁ ପୂରଣ ତ କରିଦେଉଛନ୍ତି କିନ୍ତୁ ବାପା ମାଆଙ୍କ ସ୍ନେହ ପିଲାମାନେ ପାଇପାରୁ ନାହାଁନ୍ତି । କାହାର ସ୍ନେହ ନପାଇ ସେମାନେ ନିଜକୁ ଏକାକୀ ଅନୁଭବ କରୁଛନ୍ତି ଯେଉଁଥିପାଇଁ ସେମାନଙ୍କ ମନରେ ଅନେକ ବିଭ୍ରାନ୍ତିକର ଚିନ୍ତାଧାରା ଆସୁଛି ଆଉ ସେମାନେ ଆତ୍ମହତ୍ୟା କରିବାକୁ ଉଦ୍ୟମ କରୁଛନ୍ତି ।

ଦ୍ୱିତୀୟତଃ ଏକାଡେମିକ ବିଫଳତା । ଆଜିକାଲି ମୋବାଇଲ ଫୋନର ବହୁଳ ବ୍ୟବହାର ହେଉଛି । ଶିକ୍ଷକମାନେ ଶ୍ରେଣୀ ଗୃହରେ ପାଠ ନ ପଢ଼ାଇ ଅନଲାଇନ କ୍ଲାସ କରୁଛନ୍ତି ଯାହା ଦ୍ୱାରା ଛାତ୍ରଛାତ୍ରୀ ଠିକ ଭାବେ ପାଠ ବୁଝିପାରୁ ନାହାଁନ୍ତି କି କ୍ଲାସ ବି ଠିକ ସେ କରୁ ନାହାଁନ୍ତି ଯେଉଁଥିପାଇଁ ସେମାନଙ୍କର ପାଠ ପ୍ରତି ଆଗ୍ରହ ଧିରେ ଧିରେ କମିଯାଉଛି । ଛାତ୍ରଛାତ୍ରୀମାନେ ମଧ୍ୟ ଅନଲାଇନ କ୍ଲାସ କରିବା ବାହାନାରେ ଗେମ୍ ଖେଳୁଛନ୍ତି, ମୁଭି ଦେଖୁଛନ୍ତି ଏବଂ ସୋସିଆଲ ମିଡିଆରେ ଲିପ୍ତ ରହି ସମୟ ନଷ୍ଟ କରୁଛନ୍ତି । ପାଠପଢ଼ାରେ ଅନିୟମିତତା ଯୋଗୁଁ ପରୀକ୍ଷାରେ କମ ନମ୍ବର ଆଣୁଛନ୍ତି ଆଉ ସେଥିପାଇଁ ଉଦାସରେ ରହି ମାନସିକ ଚାପ ପାଇ ଶେଷରେ ଆତ୍ମହତ୍ୟା କରୁଛନ୍ତି ।

ତୃତୀୟତଃ ଅପବ୍ୟବହାର । ପିତାମାତାଙ୍କ ନକରାତ୍ମକ ବ୍ୟବହାର ଏବଂ ଅସଦାଚରଣ ପାଇଁ ପିଲାଙ୍କ ସହିତ ସେମାନଙ୍କର ଉଚ୍ଚ ବିବାଦ, ନିମ୍ନ ଘନିଷ୍ଠତା ସୃଷ୍ଟି ହେଉଛି । ସାଙ୍ଗସାଥୀ କିମ୍ବା ଅନ୍ୟ କୈାଣସି ପ୍ରକାର ବ୍ୟକ୍ତିଙ୍କ ଠାରୁ ଅପବ୍ୟବହାର ପାଇବା ଦ୍ୱାରା ଛାତ୍ରଛାତ୍ରୀମାନେ ସେମାନଙ୍କ ଠାରୁ ଦୁରେଇ ରହୁଛନ୍ତି । ଫଳରେ ମାନସିକ ଆଘାତ ପାଇ ନିଜକୁ ଏକାକୀ ରଖୁଛନ୍ତି । ଏକାକୀପଣ କାରଣରୁ ସେମାନଙ୍କ ମନକୁ ଅନେକ ଭୁଲ ଚିନ୍ତାଧାରା ଆସିଥାଏ ଏବଂ ଶେଷରେ ସେମାନେ ଆତ୍ମହତ୍ୟାକୁ ବାଛି ନିଅନ୍ତି ।

ମଦ୍ୟପାନ ଏବଂ ନିଶାଦ୍ରବ୍ୟ ସେବନ ମଧ୍ୟ ଏହାର ଅନ୍ୟ ଏକ କାରଣ ଅଟେ । ସାଧାରଣତଃ କଲେଜରେ ପଢୁଥିବା ଛାତ୍ରଛାତ୍ରୀମାନେ ଖରାପ ସାଙ୍ଗମାନଙ୍କ ସହ ମିଶି ନିଶାସକ୍ତ ଅବସ୍ଥାରେ ଅନେକ ଅସାମାଜିକ, ଅପରାଧମୂଳକ କାର୍ଯ୍ୟ କରୁଛନ୍ତି ଯାହା ଦ୍ୱାରା ଆଇନଗତ ସମସ୍ୟା ସୃଷ୍ଟି ହେଉଛି । ଲୋକନିନ୍ଦା ଓ ସାମାଜିକ ଗଣମାଧ୍ୟମରୁ ନିଜକୁ ବଞ୍ଚାଇବା ପାଇଁ ଅନେକେ ଆତ୍ମହତ୍ୟା କରୁଛନ୍ତି ।

ଯେତେବେଳେ କୈାଣସି ସମସ୍ୟା ପାଇଁ ସେମାନେ ଚାରିଆଡ଼ୁ ନିରାଶ ହୋଇଯାନ୍ତି ମାନସିକ ଚାପରେ ରହି ଆତ୍ମହତ୍ୟାକୁ ହିଁ ଶେଷ ସମାଧାନ ଭାବେ ବାଛି ନିଅନ୍ତି ଆଉ ଆତ୍ମହତ୍ୟା ପାଇଁ ଉଦ୍ୟମ କରନ୍ତି, ସୌଭାଗ୍ୟବଶତଃ କିଏ ବଞ୍ଚିଯାଏ ତ କାହାର ଜୀବନ ଚାଲିଯାଏ । ତେବେ କାହିଁକି ଏଭଳି ଚିନ୍ତାଧାରା ପିଲାଙ୍କ ମନକୁ ଆସୁଛି ? ପାଠ ପଢ଼ି ନିଜ କ୍ୟାରିଅର ଗଢ଼ିବା ବୟସରେ ସେମାନେ ନିଜ ଜୀବନ ହିଁ ହାରି ଦେଉଛନ୍ତି । ଅତ୍ୟଧିକ ବାହ୍ୟଜ୍ଞାନ ଉପରେ ଧ୍ୟାନ ଦେବାରୁ ଏଭଳି ପରିସ୍ଥିତି ସୃଷ୍ଟି ହେଉନି ତ ? ନା ବାପାମାଆଙ୍କ ଅବହେଳା ପାଇଁ ଏପରି ହେଉଛି ।

ଭୁବନେଶ୍ୱର(ଦ କୁଇଭର): ନକହି ନକହି ମରମ କଥା କହିଦେଇଛନ୍ତି ଆଇନମନ୍ତ୍ରୀ ପୃଥିରାଜ ହରିଚନ୍ଦନ । ଏମିତି ମାରିଛନ୍ତି ଯେ, ଝାରସୁଗୁଡ଼ାର ପୂର୍ବତନ ବିଧାୟିକା ଦୀପାଳୀ ଦାସଙ୍କ ମଞ୍ଜକୁ ବାଜିଛି । ମନ୍ତ୍ରୀ ଦେଖାଇ ଦେଇଛନ୍ତି କ୍ଷମତା ଆଗରେ ଦୀପାଳୀଙ୍କ ପାଇଁ ବାପାଙ୍କ ହତ୍ୟା ବି କିଛି ନୁହେଁ । କ୍ଷମତା ଲୋଭ ତାଙ୍କୁ ଏଭଳି ଏକ ସମ୍ବେଦନଶୀଳ ପ୍ରସଙ୍ଗରେ ନୀରବ କରିଦେଇଥିଲା । ଏବେ କ୍ଷମତା ଯିବାରୁ ସେ ବିଳବିଳେଇ ହେଉଛନ୍ତି । ସ୍ୱର୍ଗତ ନବ ଦାସଙ୍କ ହତ୍ୟା ଘଟଣାରେ ରାଜ୍ୟ ସରକାର ତତ୍ପର ରହିଛନ୍ତି । ଯାହା ଭଲ ହେବ, ସେହି ପଦକ୍ଷେପ ନିଆଯିବ ବୋଲି ସେ କହିଛନ୍ତି ।

କିରିମିରା ପଞ୍ଚାୟତ ସମିତି ଅଧ୍ୟକ୍ଷାଙ୍କ ଅନାସ୍ଥାକୁ ନେଇ ତାତିଥିଲେ ପୂର୍ବତନ ବିଧାୟିକା ଦୀପାଳୀ ଦାସ । କେବଳ ସେ ନୁହନ୍ତି, ତାଙ୍କ ଭାଇ ବିଶାଲ ଦାସ ବି ତାତିଲେ । ପୋଲିସର ପଦକ୍ଷେପକୁ ନିନ୍ଦା କରିବା ସହ ତାଙ୍କ ବାପାଙ୍କୁ ୨୦୨୩ ଡିସେମ୍ବରରେ ପୋଲିସ ହତ୍ୟା କରିଥିବାରୁ ତାଙ୍କର ପୋଲିସ ଉଭରେ ଭରସା ନଥିବା କହିଥିଲେ । ଏହା କହି ରାଜ୍ୟ ପୋଲିସ ଉପରେ ସେ ପ୍ରଶ୍ନ ଉଠାଇଥିଲେ । ଏହାର କଡ଼ା ଜବାବ ଦେଇଛନ୍ତି ଆଇନମନ୍ତ୍ରୀ ପୃଥିରାଜ ହରିଚନ୍ଦନ ।

ମନ୍ତ୍ରୀ ବାଇଟ--- ଯେତିକି ଆବଶ୍ୟକ

ପୃଥିରାଜ ନକହି ନକହି ମରମ କହିଦେଲେ । ସେ କହିଲେ, ତାଙ୍କ ବାପାଙ୍କୁ ପୋଲିସ ହତ୍ୟା କରିଥିଲା । ସେତେବେଳେ ସରକାର ତାଙ୍କର ଥିଲା, ଶାସନ ତାଙ୍କର ଥିଲା, ପୋଲିସ ବି ତାଙ୍କର ଥିଲେ । ତେଣୁ ସେ ସେତେବେଳେ କହିଲେ ନାହିଁ? ତାଙ୍କ ବାପାଙ୍କୁ ପୋଲିସ ହତ୍ୟା କରିଥିବାରୁ ପୋଲିସ ଉପରେ ଭରସା ନଥିବା ସେତେବେଳେ କହିଲେ ନାହିଁ କାହିଁକି? ସେତେବେଳେ ବାପାଙ୍କ ପରେ ତାଙ୍କୁ କ୍ଷମତା ମିଳିବାର ଥିଲା । କ୍ଷମତା ଲୋଭରୁ ସେ ନୀରବ ଥିଲେ । ଏବେ କହୁଛନ୍ତି । ଏବେ କହିଲେ କ’ଣ ହେବ? ଆମ ସରକାର ଏଦିଗରେ ଆଇନକୁ ତର୍ଜମା କରି ସମସ୍ତ ପଦକ୍ଷେପ ନେବ ବୋଲି ମନ୍ତ୍ରୀ କହିଲେ । ମନ୍ତ୍ରୀଙ୍କ କଥାରେ ଦୀପାଳୀ ବି କିଛି କହିନାହାନ୍ତି । ପୂର୍ବରୁ ବିଜେପି ବିଧାୟକ ବାବୁ ସିଂ କହିଥିଲେ, ଦୀପାଳୀ ଅଭିଯୋଗ ଦାଖଲ କରନ୍ତୁ, ମୋହନ ସରକାର କଠୋର ପଦକ୍ଷେପ ନେବେ । ହେଲେ କ୍ଷମତା ପାଇଁ ବାପାଙ୍କ ହତ୍ୟାକାଣ୍ଡରେ ନୀରବ ରହିଥିବା କହି ମନ୍ତ୍ରୀ ଦୀପାଳୀଙ୍କ ସ୍ଥିତିକୁ ପ୍ରଶ୍ନ କରି ଦେଇଛନ୍ତି । ଦୀପାଳୀ ଏହା ଉପରେ ତାଙ୍କର ମତ ସ୍ପଷ୍ଟ ନକଲେ, ମନ୍ତ୍ରୀଙ୍କ କଥା ସତ ଓ ଦୀପାଳୀ କ୍ଷମତା ଲୋଭରେ ବାପାଙ୍କ ହତ୍ୟାକୁ ବି ଆଡ଼େଇ ଦେଇଥିବା ସ୍ପଷ୍ଟ ହୋଇଯିବ । ଦେଖାଯାଉ ଦୀପାଳୀ ମନ୍ତ୍ରୀଙ୍କୁ ଜବାବ ଦେଉଛନ୍ତି ନା ମନ୍ତ୍ରୀଙ୍କ କଥା ସତ ବୋଲି ସ୍ୱୀକାର କରୁଛନ୍ତି?

ଦ କୁଇଭର ବ୍ୟୁରୋ :- ରାଜ୍ୟରେ ହ୍ୟୁମାନ ମେଟାପ୍ନୁମୋଭାଇରସ୍ (ଏଚ୍ଏମ୍‌ପିଭି)ର କୌଣସି ସମ୍ଭାବ୍ୟ ମାମଲା ପାଇଁ ପ୍ରସ୍ତୁତି ଆକଳନ କରିବା ଲାଗି ଓଡ଼ିଶା ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ବିଭାଗ ପକ୍ଷରୁ ବୁଧବାର ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି.। କମିସନର-କମ୍-ସଚିବ ଅଶ୍ୱତୀ ଏସ୍‌ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଜନସାଧାରଣଙ୍କ ଉଦ୍ଦେଶ୍ୟରେ କୁହାଯାଉଛି ଯେ, ଭୟ ଅବା ଚିନ୍ତା କରିବାର କୌଣସି ଆବଶ୍ୟକତା ନାହିଁ। ଅଧିକାରୀମାନେ ନିଶ୍ଚିତ କରିଛନ୍ତି ଯେ, ଏପର୍ଯ୍ୟନ୍ତ ଓଡ଼ିଶାରେ କୌଣସି ଏଚ୍ଏମ୍‌ପିଭି ମାମଲା ଚିହ୍ନଟ ହୋଇନାହିଁ। ତେବେ ବିଶ୍ୱ ସ୍ୱାସ୍ଥ୍ୟ ସଂଗଠନ ସହିତ ଉଭୟ ରାଜ୍ୟ ଏବଂ କେନ୍ଦ୍ର ସରକାର ସଜାଗ ରହିଛନ୍ତି। ଆତଙ୍କିତ ହେବାର କୌଣସି କାରଣ ନାହିଁ। ସଚେତନତା ଏବଂ ସତର୍କତା ଆମକୁ ସୁରକ୍ଷିତ ରଖିବ। ନାଗରିକମାନଙ୍କୁ ସ୍ୱଚ୍ଛତା ଏବଂ ପରିମଳକୁ ବଜାୟ ରଖିବାକୁ ବ‌ୈଠକରେ ଜନସାଧାରଣଙ୍କୁ ଅନୁରୋଧ କରାଯାଇଛି।

ଏହି ବୈଠକରେ ସ୍ୱାସ୍ଥ୍ୟ ନିର୍ଦ୍ଦେଶକ ଡାକ୍ତର ବିଜୟ କୁମାର ମହାପାତ୍ର, ଜନସ୍ୱାସ୍ଥ୍ୟ ନିର୍ଦ୍ଦେଶକ ଡାକ୍ତର ନୀଳକଣ୍ଠ ମିଶ୍ର, ଡିଏମଏଟି ଡାକ୍ତର ସନ୍ତୋଷ କୁମାର ମିଶ୍ର, ବିଶ୍ବସ୍ବାସ୍ଥ୍ୟ ସଂଗଠନ ଟିମ୍ ଲିଡର ଡାକ୍ତର ନିହାର ରୟ ଏବଂ ପ୍ରମୁଖ ସ୍ୱାସ୍ଥ୍ୟ ସଂଗଠନର ପ୍ରତିନିଧୀମାନେ ଯୋଗ ଦେଇଥିଲେ।

ଭୁବନେଶ୍ୱର(ଦ କୁଇଭର): ବିଜେଡି ନେତା ଭିକେ ପାଣ୍ଡିଆନଙ୍କୁ ନେଇ ନାନା କଥା କହୁଛନ୍ତି ବିଜେପି ନେତାମାନେ । ନିର୍ବାଚନ ପୂର୍ବରୁ ଆରମ୍ଭ କରି ଏଯାଏ ପ୍ରତି କଥାରେ ପାଣ୍ଡିଆନଙ୍କୁ ଟାଣି ଗାରୁ ଗାରୁ ହେଉଛନ୍ତି । ପାଣ୍ଡିଆନ ଅମୁକ କଲେ, ସମୁକ କଲେ ବୋଲି କହୁଛନ୍ତି । ପାଣ୍ଡିଆନଙ୍କ ନାମରେ କାଳେ ଗଦା ଗଦା ଦୁର୍ନୀତି ଅଛି, ସେ ସବୁ ଲୁଟ କରିଦେଇଛନ୍ତି । ଏମିତି କେତେ କ’ଣ କହୁଛନ୍ତି । ଯଦି ଏତେ କ୍ଷତି କରିଛନ୍ତି ପାଣ୍ଡିଆନ, ମୋହନ ସରକାର ୭ମାସ ମଧ୍ୟରେ ଗୋଟିଏ ବି ଫାଇଲ ଖୋଲି ପାରିଲେ ନାହିଁ । ଯଦି ନିର୍ବାଚନ ପୂର୍ବରୁ ଓ ପରେ ବିଜେପିର ନେତାମାନେ ଗଦା ଗଦା ଅଭିଯୋଗ ଆଣୁଛନ୍ତି, ଏଯାଏ ଗୋଟିଏ ବି ଅଭିଯୋଗରେ ପାଣ୍ଡିଆନଙ୍କୁ ନୋଟିସ ଟିଏ ବି କରିପାରିଲେ ନାହିଁ । ଏହା ମୋହନ ସରକାରଙ୍କ ଅପାରଗତା ନା ମୋହନଙ୍କୁ କିଏ ଅଟକାଉଛି? ଯଦି ଏହା ଭୂଲ, ତେବେ ପାଣ୍ଡିଆନଙ୍କ ବିରୋଧରେ କିଛି ପ୍ରମାଣ ପାଉନି କି ମୋହନ ସରକାର ।

ପୂର୍ବତନ ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ଥିବା ଭିକେ ପାଣ୍ଡିଆନ ଅଫିସର ବେଳରୁ କାଳେ ଦୁର୍ନୀତି କରୁଥିଲେ । କ୍ଷମତାର ଦୂରୁପଯୋଗ କରି ହେଲିକ୍ୟାପ୍ଟରରେ ବୁଲୁଥିଲେ । ପରେ ଚାକିରୀ ଛାଡ଼ି ୫ଟିର ଅଧ୍ୟକ୍ଷ ହେବା ପରେ ବି ସେମିତି ବୁଲିଲେ । ସେଭଳି ବିଭାଗ ସରକାରଙ୍କର ନଥିବା ବେଳେ ସରକାରୀ ଅର୍ଥ ଶ୍ରାଦ୍ଧ କରିଥିଲେ । ସେତିକିରେ ରହିନଥିଲା ତାଙ୍କ କାରନାମା । ସେ କାଳେ ଅନେକ ଦୁର୍ନୀତି କରିଥିଲେ । ୫ଟିରେ ଟଙ୍କା ବଣ୍ଟାରେ ଦୁର୍ନୀତି କଥା ବି ଉଠାଇଥିଲେ ବିରୋଧୀ । ଖଣି ଖାଦାନରୁ ଲୁଟ କରିଥିଲେ । ଅଣଓଡ଼ିଆ ଠିକାଦାର ମାନଙ୍କୁ ଡାକି କମିଶନ ବଳରେ କାମ ଦେଉଥିବା ବି ଅଭିଯୋଗ ଥିଲା । ଏମିତି ଗଦା ଗଦା ଅଭିଯୋଗ ଆସିଥିଲା । ବିଜେଡିର ପାଣ୍ଠି ବି କାଳେ ସେ ପରିଚାଳନା କରୁଥିଲେ ।

ବିଜେପି ପକ୍ଷରୁ ଉଭୟ ସରକାରୀ ଓ ବେସରକାରୀ ସ୍ତରରେ ଅନେକ ଅଭିଯୋଗ ଆସିଥିଲା । ଯାହାକୁ ଆଜି ବି ବିଜେପି କହୁଛି । ଏପରିକି ରତ୍ନଭଣ୍ଡାର ଚାବି ତାମିଲନାଡ଼ୁ ପଳାଇଥିବା ନେଇ ବିଜେପିର ଅନେକ ନେତା କହିଲେ । ଏହାର ତଦନ୍ତ କରିବାକୁ ବି କହିଥିଲେ ବିଜେପି ନେତାମାନେ । ପାଣ୍ଡିଆନଙ୍କ ବିରୋଧରେ କେତେ ଯେ ଅଭିଯୋଗ ଆଣିଥଲେ ନିର୍ବାଚନ ପୂର୍ବରୁ ତାହା ସମସ୍ତେ ଶୁଣି ଅବାକ ହୋଇଥିଲେ । ଏବେ ବି ପାଣ୍ଡିଆନ ପାଣ୍ଡିଆନ ଭଜି ହେଉଛି ବିଜେପି । ନାନା ଦୁର୍ନୀତିର ଅଭିଯୋଗ ଆଣୁଛି । ହେଲେ ସରକାର ୭ମାସ ମଧ୍ୟରେ ଗୋଟେ ହେଲେ ଅଭିଯୋଗର ପ୍ରମାଣ ପାଇ ପାରିଲା ନାହିଁ କେମିତି? ପାଣ୍ଡିଆନଙ୍କ ବିରୋଧରେ ଏତେ ଅଭିଯୋଗର ତଦନ୍ତ କରୁନାହିଁ କାହିଁକି ମୋହନ ସରକାର । କାହିଁକି ତାଙ୍କୁ ଆଇନ ପରିସରକୁ ଟାଣିନାହାନ୍ତି ସରକାର? ଏମିତି ଅନେକ ପ୍ରଶ୍ନ ମୁଖ୍ୟମନ୍ତ୍ରୀ ମୋହନଙ୍କ ଆଡ଼କୁ ଉଠିଲାଣି ।

ପର୍ଯ୍ୟାପ୍ତ ଅଭିଯୋଗ ସତ୍ତ୍ୱେ ସରକାର ୭ମାସ ଧରି ନୀରବ ରହିବା ପଛରେ କାଳେ ତାଙ୍କରି ଦଳର ନେତାଙ୍କ ଚାପ ରହିଥିବା କୁହାଯାଉଛି । ପାଣ୍ଡିଆନଙ୍କ ସହ ବିଜେପି ନେତା ଅଶ୍ୱିନୀ ବୈଷ୍ଣବଙ୍କର ଭଲ ସମ୍ପର୍କ ରହିଛି । ଏହାବ୍ୟତୀତ ପ୍ରଭାକରନଙ୍କ କମ୍ପାନୀକୁ ପାଣ୍ଡିଆନଙ୍କ ସମୟରେ ଖଣି ଲୁଟର କାଳେ ଖୋଲା ଅନୁମତି ମିଳିଥିଲା । ପ୍ରଭାକରନ କମ୍ପାନୀରେ ଅଶ୍ୱିନୀ ଜଣେ ସହଯୋଗୀ ଥିଲେ । ପ୍ରକାକରନ ଜୟ ଶଙ୍କ ସହ ମିଶି ବ୍ୟବସାୟ କରୁଥିବା ଚର୍ଚ୍ଚା ବି ହୁଏ । ତେଣୁ ପ୍ରଭାକରନଙ୍କ ମାଧ୍ୟମରେ ପାଣ୍ଡିଆନଙ୍କୁ ବିଜେପିର ସୁରକ୍ଷା ମିଳିଛି । ଏହାବ୍ୟତୀତ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସହ ପାଣ୍ଡିଆନଙ୍କର କାଳେ ଭିତିରି ସମ୍ପର୍କ ରହିଛି । ବିଜେଡି ସରକାର ସମୟରେ ଧର୍ମେନ୍ଦ୍ର ଓ ତାଙ୍କ ସମର୍ଥକ ମାନଙ୍କୁ ପାଣ୍ଡିଆନ ଅନେକ ସହାୟତା ଦେଇଥିଲେ । ତେଣୁ ତାହାର ଉପକାର ସ୍ୱରୂପ ପାଣ୍ଡିଆନଙ୍କୁ ସୁରକ୍ଷା ମିଳୁଛି ।

ଏକଥା ଲୋକେ କାଳେ ଧରିବେ, ତେଣୁ ବିଜେପିର ରାଜ୍ୟ ସଂଗଠନ ନେତାମାନେ ପାଣ୍ଡିଆନଙ୍କୁ ବିରୋଧ କରୁଛନ୍ତି । ତାଙ୍କ ନାମରେ ଅନେକ ଅଭିଯୋଗ ଆଣୁଛନ୍ତି । ଯଦି ଅଭିଯୋଗ ଅଛି, ମୁଖ୍ୟମନ୍ତ୍ରୀଙ୍କୁ କହି ତଦନ୍ତ କରାଅ ବୋଲି ବିଜେଡି ସମର୍ଥକମାନେ ଆହ୍ୱାନ ଦେଲେଣି । ଯଦି ସରକାର ପଦକ୍ଷେପ ନେଉ ନାହାନ୍ତି, ତେବେ ସରକାରୀ ଦଳ ପାଣ୍ଡିଆନଙ୍କ ପାଖରେ ଆତ୍ମସମର୍ପଣ କରିଛନ୍ତି ନହେଲେ ପାଣ୍ଡିଆନଙ୍କ ବିରୋଧରେ କିଛି ପ୍ରମାଣ ନାହିଁ ବୋଲି ସ୍ପଷ୍ଟ ହେଉଛି । ଦେଖାଯାଉ ପାଣ୍ଡିଆନଙ୍କୁ ନେଇ ବିଜେପିର ମୋହନ ସରକାର କିଛି ପଦକ୍ଷେପ ନେଉଛନ୍ତି ନା ଏମିତି ପ୍ରହସନ କରୁଛନ୍ତି?

ଦ କୁଇଭର ବ୍ୟୁରୋ :- ରାଜ୍ୟରେ ଖୁବଶୀଘ୍ର କାର୍ଯ୍ୟକାରୀ ହେବ ବହୁଚର୍ଚ୍ଚିତ ‘ଜାତୀୟ ଶିକ୍ଷା ନୀତି’ (NEP)-୨୦୨୦ । ଆଜି ଏନେଇ ବିଦ୍ୟାଳୟ ଓ ଗଣଶିକ୍ଷା ବିଭାଗ ବିଧିବଦ୍ଧ ବିଜ୍ଞପ୍ତି ଜାରି କରିଛି । ଶିକ୍ଷା ବ୍ୟବସ୍ଥାକୁ ସୁଦୃଢ଼ କରିବା ପାଇଁ ଗଣଶିକ୍ଷା ବିଭାଗ ଏହି ନିଷ୍ପତ୍ତି ନେଇଥିବା ଜାରି ବିଜ୍ଞପ୍ତିରେ ଦର୍ଶାଇଛି । ‘ଜାତୀୟ ଶିକ୍ଷା ନୀତି-୨୦୨୦’ କାର୍ଯ୍ୟକାରିତା ପାଇଁ ଟାସ୍କଫୋର୍ସର ପୁନର୍ଗଠନ କରିଛନ୍ତି ସରକାର । ଏଥିରେ ୧୩ ଜଣ ସଦସ୍ୟ ସ୍ଥାନ ପାଇଛନ୍ତି । ଏହି ଟାକ୍ସଫୋର୍ସ ଆଞ୍ଚଳିକ ବିଷୟବସ୍ତୁକୁ ବିଚାରକୁ ନେଇ କରିକୁଲମ ବା ଢାଞ୍ଚା ପ୍ରସ୍ତୁତ କରି ସରକାରଙ୍କୁ ସୁପାରିଶ କରିବ । ସେହି ଆଧାରରେ ରାଜ୍ୟ ସରକାର ଏହି ବହୁଚର୍ଚ୍ଚିତ ଶିକ୍ଷା ସଂସ୍କାର ଅଧିନିୟମକୁ କାର୍ଯ୍ୟକାରୀ କରିବେ । ଓଡ଼ିଶା ସରକାରଙ୍କ ଉଚ୍ଚଶିକ୍ଷା ବିଭାଗ ବା ଗଣଶିକ୍ଷା ବିଭାଗ ଅଧୀନରେ ଥିବା ସମସ୍ତ ସରକାରୀ ବିଶ୍ୱବିଦ୍ୟାଳୟ ଏବଂ ଅନୁବନ୍ଧିତ ମହାବିଦ୍ୟାଳୟଗୁଡିକରେ ଏହି ନୂତନ ଶିକ୍ଷାନୀତି ଲାଗୁ କରାଯିବ । ନୂତନ ଶିକ୍ଷା ନୀତି-୨୦୨୦ ଅନୁସାରେ ଓଡିଶାରେ 4 ବର୍ଷର ସ୍ନାତକ କୋର୍ସ ଆରମ୍ଭ ହେବାକୁ ଯାଉଛି । ଯେଉଁଥିରେ ପ୍ରତ୍ୟେକ ବର୍ଷ ପରେ ଯୋଗ୍ୟ ଛାତ୍ରମାନଙ୍କୁ ସାର୍ଟିଫିକେଟ୍, ଡିପ୍ଲୋମା, ଡିଗ୍ରୀ ଏବଂ ଡିଗ୍ରୀ ଅନର୍ସ ପ୍ରଦାନ କରାଯିବ। UGC ଦ୍ୱାରା ପ୍ରଦତ୍ତ କ୍ରେଡିଟ୍ ଫ୍ରେମ୍‌ୱାର୍କ୍ ଆଧାରରେ ରାଜ୍ୟସ୍ତରୀୟ କ୍ରେଡିଟ୍ ଫ୍ରେମୱାର୍କ୍ ପ୍ରସ୍ତୁତ ହୋଇଛି । ଏଥିରେ ଦକ୍ଷତା ବିକାଶ ଏବଂ ଇଣ୍ଟର୍ଣ୍ଣସିପ ପାଇଁ ସୁଯୋଗ ପ୍ରଦାନ ସହିତ ଉପଯୁକ୍ତ କ୍ରେଡିଟ ପ୍ରଦାନ କରାଯାଇଅଛି। କମ୍ୟୁନିଟି ସର୍ଭିସ୍ ଓ Extra Curricular Activities, NCC,NSS ଇତ୍ୟାଦି ପାଇଁ ମଧ୍ୟ କ୍ରେଡିଟ ପ୍ରଦାନ କରାଯିବ । ଫଳରେ ଛାତ୍ରଛାତ୍ରୀମାନେ ନିଜ ବିଷୟ ଗୁଡିକ ଚୟନ କରି ଏକାଧିକ ଥର ପାଇଁ ଉଚ୍ଚଶିକ୍ଷା ଅନୁଷ୍ଠାନମାନଙ୍କରେ ପ୍ରବେଶ ଓ ପ୍ରସ୍ଥାନ ସହିତ ୭ ବର୍ଷ ଭିତରେ ତାଙ୍କର ଡିଗ୍ରୀ କୋର୍ସକୁ ସମ୍ପୂର୍ଣ୍ଣ କରିପାରିବେ ।

ନୂତନ ଶିକ୍ଷା ନୀତି-୨୦୨୦ ଅନୁସାରେ ଓଡିଶାର ଉଚ୍ଚଶିକ୍ଷା ବ୍ୟବସ୍ଥାକୁ ଅଧିକ ଗୁଣାତ୍ମକ, ସ୍ୱାୟତ୍ତ ଏବଂ ସମାବେଶୀ କରିବାକୁ ପଦକ୍ଷେପ ନିଆଯାଉଛି । ଏଥିରେ ଭିନ୍ନ ଯୋଜନାମାନଙ୍କ ମାଧ୍ୟମରେ ଅନୁସନ୍ଧାନ ଓ ନୂତନତାକୁ ବଢ଼ାଇବା, ପ୍ରାକ୍ଟିକାଲ୍ ଆଧାରିତ ଶିକ୍ଷା ଓ ଶିଳ୍ପ ସହିତ ଇଣ୍ଟର୍ନସିପ୍ ଆଦି ଦ୍ୱାରା ନିପୁଣତା ବଢ଼ାଇବା ଲକ୍ଷ୍ୟ ରଖାଯାଇଛି । ପାଠ୍ୟକ୍ରମକୁ ଅଧିକ ରୋଜଗାର ଭିତ୍ତିକ ଏବଂ ଶିଳ୍ପ ଆବଶ୍ୟକତା ଅନୁଯାୟୀ କରାଯିବ । ଏଥିପାଇଁ ବର୍ତ୍ତମାନ ୪୦ଟି ସ୍ନାତକ ମୂଳ ବିଷୟ ପାଇଁ ବିସ୍ତୃତ ମଡେଲ ସିଲାବସ ରହିବ । ୨ଟି ଦକ୍ଷତା ବୃଦ୍ଧି ପାଠ୍ୟକ୍ରମ, ୧୧୨ଟି Multi Disciplinary ପାଠ୍ୟକ୍ରମ, ୧୪ଟି ଧନ୍ଦା ମୂଳକ ପାଠ୍ୟକ୍ରମ, ୫୬ଟି ମୂଲ୍ୟ ଯୁକ୍ତ ପାଠ୍ୟକ୍ରମ ଏବଂ ୮୪ଟି ଦକ୍ଷତା ବୃଦ୍ଧି ପାଠ୍ୟକ୍ରମ ଅନୁମୋଦନ କରାଯାଇଛି।

ଝାରସୁଗୁଡ଼ା(ଦ କୁଇଭର): ଧରାପଡ଼ିଲା ପୂର୍ବତନ ବିଧାୟିକା ଦୀପାଳୀ ଦାସଙ୍କ ଷଡ଼ଯନ୍ତ୍ର । ବିଜେଡିକୁ ଛାରଖାର କରିବା ପାଇଁ ସେ କିପରି ସାଂଘାତିକ ଯୋଜନା କରିଛନ୍ତି ତାହା ପଦାକୁ ଆସିଛି । ଝାରସୁଗୁଡ଼ାର ପୂର୍ବତନ ବିଧାୟିକା ବ୍ରଜରାଜନଗରରେ ବିଜେଡିକୁ ନିଶ୍ଚିହ୍ନ କରିବାକୁ ଲାଗିଛନ୍ତି । ବ୍ରଜରାଜନଗରରେ ବିଜେପିକୁ ଜିତିବା ପାଇଁ ସର୍ବାଧିକ ସହାୟତା କରିଥିବା ନେଇ ଦୀପାଳୀଙ୍କ ନାମରେ ଅଭିଯୋଗ ଥିଲା । ଏବେ ଏନଏସି ଅଧ୍ୟକ୍ଷା ଦୀପାଳୀଙ୍କ ଷଡ଼ଯନ୍ତ୍ର କଥା ଦଳର ସୁପ୍ରିମୋଙ୍କୁ ଜଣାଇଛନ୍ତି । ନବୀନଙ୍କ ଛତ୍ରଛାୟାରେ ରହି ଦୀପାଳୀ ନବୀନଙ୍କ ଗୋଡ଼ରେ ହିଁ କୁରାଢ଼ୀ ମାରୁଛନ୍ତି । ବିଜେଡି ବିରୋଧୀ ଆଭିମୁଖ୍ୟରେ ଯାଇ ଦୀପାଳୀ ଜଣେ ଆଦିବାସୀ ମହିଳାଙ୍କୁ ହଇରାଣ କରୁଥିବା ଅଭିଯୋଗ କରିଛନ୍ତି ବ୍ରଜରାଜନଗର ଏନଏସି ଅଧ୍ୟକ୍ଷା ।

ରାଜନୀତିରେ କଞ୍ଚା ଜ୍ଞାନ ରଖୁଥିବା ଦୀପାଳୀ ନିଜକୁ ତାଙ୍କ ବାପା ସ୍ୱର୍ଗତ ନବ ଦାସଙ୍କ ଭଳି ଧୁରନ୍ଧର ଭାବୁଛନ୍ତି । ନବଙ୍କ ନଜରରେ ଥିଲା ପଶ୍ଚିମ ଓଡ଼ିଶାକୁ ଦଖଲ କରିବା । ବିଜେପି ସହ ହାତ ମିଳାଇ ହେଉ କି ନିଜେ ମୁଖ୍ୟମନ୍ତ୍ରୀ ହେବାର ସ୍ୱପ୍ନକୁ ନେଇ ହେଉ ସବୁଠି ଗୋଡ଼ ପୂରାଉଥିଲେ । ଦୀପାଳୀ ନିଜ ନିର୍ବାଚନ ମଣ୍ଡଳୀରେ ବି ଛିଡ଼ା ହେବାକୁ ଗୋଡ଼ ସଳଖି ନଥିବା ବେଳେ ଅନ୍ୟ ନିର୍ବାଚନ ମଣ୍ଡଳୀରେ ମୁଣ୍ଡ ପୂରାଇ ବିଜେଡିକୁ ନାରଖାର କରିବାରେ ଲାଗିଛନ୍ତି । ନିର୍ବାଚନ ପୂର୍ବରୁ ସେ ବିଜେଡି ନେତା ରୋହିତ ପୂଜାରୀ, ସୁଶାନ୍ତ ସିଂ, ଅଳକା ମହାନ୍ତିଙ୍କ ବିରୋଧରେ ପ୍ରଚୁର ଟଙ୍କା ଖର୍ଚ୍ଚ କରିଥିବା ନେଇ ଚର୍ଚ୍ଚା ହେଉଥିବା ବେଳେ ବିଜେପି ପ୍ରାର୍ଥୀ ମାନଙ୍କୁ ଫଣ୍ଡିଂ କରୁଥିବା କୁହାଯାଉଥିଲା । ସେଥିପାଇଁ ତାଙ୍କର ଏତେବଡ଼ ବିପର୍ଯ୍ୟୟ ହେଲା । ଜଣେ ସାଧାରଣ ନେତା ତାଙ୍କୁ ହରାଇ ଦେଲେ ।

ସେତିକିରେ ସେ ବୁଦ୍ଧି ଶିଖିଲେ ନାହିଁ । ଏବେ ବ୍ରଜରାଜନଗରରେ ବିଜେଡିକୁ ନିଶ୍ଚିହ୍ନ କରିବାକୁ ଲାଗିଛନ୍ତି । ନବୀନଙ୍କ ଛତ୍ରଛାୟାରେ ରହି ନିଜକୁ ଓ ନିଜ ଭାଇଙ୍କୁ ସୁରକ୍ଷା ଦେଉଛନ୍ତି ଦୀପାଳୀ । ତାଙ୍କ କଳା ସାମ୍ରାଜ୍ୟର ସୁରକ୍ଷା ପାଇଁ ନବୀନଙ୍କୁ ବି ଟାଣି ନେଉଛନ୍ତି । ନବୀନଙ୍କ ଦୟାରେ ରାଜନୀତିରେ ରହି ସୁରକ୍ଷା ପାଉଥିବା ଦୀପାଳୀ ନବୀନଙ୍କ ଆଭିମୁଖ୍ୟକୁ ବଳି ପକାଉଛନ୍ତି । ନବୀନ ଆଦିବାସୀ ମହିଳାଙ୍କୁ ପ୍ରାଥମିକତା ଦେଉଥିବା ବେଳେ ଦୀପାଳୀ ଆଦିବାସୀ ମହିଳାଙ୍କୁ ହଇରାଣ କରୁଛନ୍ତି । ଜଣେ ଗରିବ ଘରର ମହିଳା ରାଜନୀତିରେ ତିଷ୍ଠି ଥିବା ବେଳେ ତାଙ୍କ ଭଳି ଧନଶାଳୀ ମହିଳା ରାଜନୀତିରୁ ପ୍ରତ୍ୟାଖ୍ୟାତ ହେବା ସେ ସହି ପାରୁ ନାହାନ୍ତି । ତେଣୁ ବ୍ରଜରାଜନଗରରେ ବିଜେଡିକୁ ବି ଛାରଖାର କରିବାକୁ ଲାଗିଥିବା ଅଭିଯୋଗ ଆଣିଛନ୍ତି ଏନଏସି ଅଧ୍ୟକ୍ଷା । ନବୀନଙ୍କୁ ପୂର୍ବରୁ ଏନେଇ ସେ ଜଣାଇଥିଲେ । ମାତ୍ର ଦୀପାଳୀଙ୍କ କଳା ସାମ୍ରାଜ୍ୟର ଅତିଥି ଥିବା ବଡ଼ ବଡ଼ିଆମାନେ ସେ ଅଭିଯୋଗକୁ ନବୀନଙ୍କ ପାଖରେ ପହଞ୍ଚାଉ ନଥିଲେ । ଏବେ ବାଧ୍ୟ ହୋଇ ଗଣମାଧ୍ୟମ ଜରିଆରେ ଭିଡିଓ ବାର୍ତ୍ତା ଦେଇ ନବୀନଙ୍କୁ ଦୀପାଳୀଙ୍କ ଷଡ଼ଯନ୍ତ୍ର ଓ ଅସଲ ମୁଖା ଦେଖାଇଛନ୍ତି । ଯାହା ଏବେ ବିଜେଡି ଭିତରେ ହଲଚଲ ସୃଷ୍ଟି କରିଛି । ବ୍ରହ୍ମପୁର ଏମପି ପ୍ରଦୀପ ପାଣିଗ୍ରାହୀଙ୍କ ଆଟାକୁ କନେଇ ବିଜେଡି କମ୍ପୁଥିବା ବେଳେ ଏବେ ଦଳ ଭିତରେ ଏପରି ଷଡ଼ଯନ୍ତ୍ରର ତଥ୍ୟ ବିଜେଡିକୁ ଚିନ୍ତାରେ ପକାଇ ଦେଲାଣି । ଏଭଳି ସ୍ଥିତି ଆଗକୁ ବଢ଼ିଲେ, ବିଜେଡି ଆପେ ଆପେ ଗଳିପଡ଼ିବ ବୋଲି କୁହାଯାଉଛି । ଦେଖାଯାଉ ନବୀନ ଦୀପାଳୀଙ୍କ ଏହି ଷଡ଼ଯନ୍ତ୍ରକୁ ବୁଝି ତାଙ୍କୁ ଦଣ୍ଡ ଦେଉଛନ୍ତି ନା ଦଳକୁ କ୍ଷତାକ୍ତ କରୁଛନ୍ତି?

ଭୁବନେଶ୍ୱର( ଦ କୁଇଭର ):- ଠାକୁରଙ୍କୁ ନେଇ ତାମସା ଚଲେଇଛନ୍ତି ସେବାୟତ ଓ ସରକାର । ତିନିଦିନ ଧରି ଲିଙ୍ଗରାଜଙ୍କ ନୀତି ବନ୍ଦ। ଉଦ୍ଧତ ସେବାୟତ ମାନେ ସବୁ ସୀମା ପାରକରିଦେଇଛନ୍ତି । ରାଜନୈତିକ ଛତ୍ରଛାୟାରେ ସେବାୟତ ମାନେ ରହୁଥୁବାରୁ ମଣିଷ ମାନୁନାହାନ୍ତି । ମଣିଷତ ଛାଡ଼ ଭଗବାନଙ୍କୁ ବି ମାନୁନାହାନ୍ତି । ସେଥି ପାଇଁ ଲିଙ୍ଗରାଜଙ୍କ ଶହ ଖେଳୁଛନ୍ତି । ଆମେ ଏଥି ପାଇଁ ଏଠି କହୁଛୁ ଲିଙ୍ଗରାଜ ମହାପ୍ରଭୁଙ୍କୁ ୩ ଦିନ ହେଲାଣି ଉପବାସ ରଖିଛନ୍ତି । ନା ମହାପ୍ରଭୁ ସ୍ନାନ ଜଳଲାଗି ହୋଇପାରୁଛନ୍ତି । ନା କୌଣସି ନୀତି ହେଉଛି ।

ଲିଙ୍ଗରାଜଙ୍କୁ ପ୍ରତେକ ସମୟରେ ଜଳଲାଗି କରାଯିବାର ବିଧି ରହିଛି । ବିନା ଜଳଲାଗିରେ ଶିବଙ୍କୁ ରଖାଯାଏ ନାହିଁ । କିନ୍ତୁ ଏଠି ସେବାୟତ ମାନେ ଭଗବାନଙ୍କ ସବୁ ନୀତି ପରମ୍ପରାକୁ ଭାଙ୍ଗିଦେଇ ନିଜ ସ୍ୱାର୍ଥକୁ ଆଗରେ ରଖିଛନ୍ତି । ନୀତିକଲେ ଆଧିପତ୍ୟ ରହିବ ଟଙ୍କା ପାଖରେ । ସେଥିପାଇଁ ସେବାୟତ ମାନେ ପରମ୍ପରାକୁବି ଭାଙ୍ଗି ଦେଇଛନ୍ତି ।

ମକରସଂକ୍ରାନ୍ତି ପୂର୍ବଦିନ ନୀତିକରିବାକୁ ନେଇ ହୋଇଥିବା ବିବାଦ ଆଜି ପର୍ଯ୍ୟନ୍ତ ତୁଟୁନି । ନା ପ୍ରଶାସନ ମୁଣ୍ଡପୁରାଉଛି ନା ଆଇନ ବିଭାଗ । ଭୁବନେଶ୍ୱରରେ ରହୁଥୁବା ଆଇନ ମନ୍ତ୍ରୀ ବି ପ୍ରତି କଥାରେ କଥା କହନ୍ତି । ହେଲେ ଲିଙ୍ଗରାଜ ମହାପ୍ରଭୁ ୩ ଦିନ ହେଲାଣି ଉପବାସ ଅଛନ୍ତି ତାଙ୍କର ନିଦ ବି ଭାଙ୍ଗୁନି । ନିଜ ବିଭାଗଠୁ ଆଗକୁ ଯାଇ ଅନ୍ୟବିଭାଗରେ ମୁଣ୍ଡପୁରାଉଥୁବା ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନଙ୍କର ନୈତିକ ଦାୟିତ୍ୱ ବି ନାହିଁ । ଲିଙ୍ଗରାଜମହପ୍ରଭୁଙ୍କର ନୀତି କିଭଳି ଶୃଙ୍ଖଳିତ କରାଯିବ, ସେ ସେଥି ପ୍ରତି ଧ୍ୟାନ ଦେଇନାହାନ୍ତି । ତିନିଦିନପରେ ନିଦ ଭାଙ୍ଗିଛି ଆଇନ ମନ୍ତ୍ରୀଙ୍କର । ତରବର ହୋଇ କହିଛନ୍ତି, ଆଜି ବୈଠକ ହେବ ନିରଯ୍ୟାଶ ବାହାରିବ । ଆମେ କଠୋର ହେବୁ ।

ଭିତିରି ସୂତ୍ରରୁ ଯାହା ଖବର ମିଳିଛି । ବିଜେପି ବିଜେଡିର ବିବାଦ ପାଇଁ ଏଠି ଠାକୁରଙ୍କୁ ବଳି ପକାଯାଉଛି । କିଛି ଅଶୋକ ପଣ୍ଡାଙ୍କ ସମର୍ଥକ ଥିବା ବେଳେ କିଛି ବିଜେପି ସମର୍ଥକ ଏ ବିବାଦକୁ ବଢା଼ଉଚ୍ଛନ୍ତି । ରାଜନୈତିକ ଘିଅ ପଡୁ଼ଥୁବାରୁ ଲିଙ୍ଗରାଜଙ୍କ ନୀତି ବିଗିଡି ଯାଇଛି । ଏଭଳି ସେବାୟତ ଏବଂ ନେତାମାନଙ୍କ ବିରୁଦ୍ଧରେ କି ପଦକ୍ଷପ ହେବା କଥା ତାହା ଜନ ସାଧାରଣ କୁହନ୍ତୁ ଓ ସରକାର ନିଅନ୍ତୁ । ଦେଖାଯାଉ ଆଇନ ମନ୍ତ୍ରୀ ତାଙ୍କ ପଦକ୍ଷେପରେ ସଫଳ ହେଉଛନ୍ତି ନା ସେବାୟତ ମାନେ ତାଙ୍କୁ ଲଲିପପ ଧାରଉଛନ୍ତି ।

ବ୍ରହ୍ମପୁର( ଦ କୁଇଭର ):- ବ୍ରହ୍ମପୁର ବଡ଼ ମେଡିକାଲ ମେଡ଼ିସିନ ୱାର୍ଡରୁ ରୋଗୀ ଗାଏବ ହୋଇଥିବା ସୂଚନା ମିଳିଛି l ୭୭୯ ନମ୍ବର ବେଡ଼ରେ ରୋଗୀ ସତ୍ୟଭାମା ବିଷୋୟୀ ଚିକିତ୍ସା ହେଉଥିବା ବେଳେ ଆଜି ସକାଳୁ କୁଆଡେ ଚାଲିଯାଇଥିବା ଜଣାପଡିଛି l ଏ ନେଇ ପରିବାରବର୍ଗ ଅଭିଯୋଗ କରିଛନ୍ତି l ଗତ ସୋମବାର ଦିନ ସ୍ୱାସ୍ଥ୍ୟ ଖରାପ ହେବାରୁ ବଡ଼ ମେଡିକାଲରେ ଚିକିତ୍ସା ପାଇଁ ଭର୍ତ୍ତି ହୋଇଥିଲେ ଗଞ୍ଜାମ ସୋରଡ଼ା ରାଧାକୃଷ୍ଣପୁର ଅଞ୍ଚଳର ଅର୍ଜୁନ ବିଷୋୟୀଙ୍କ ସ୍ତ୍ରୀ ସତ୍ୟଭାମା ବିଷୋୟୀ l ସତ୍ୟଭାମାଙ୍କ ନିକଟରେ ସ୍ୱାମୀ, ଝିଅ ସବୁ ଉପସ୍ଥିତ ଥିଲେ କିନ୍ତୁ ଭୋର ସକାଳୁ ଶୌଚ କରିବାକୁ ନେଇ ବେଡ଼କୁ ଆଣିଥିଲେ l ପରେ ଉପସ୍ଥିତ ଥିବା ସମ୍ପର୍କୀୟ, ପରିବାର ସଦସ୍ୟ ଶୋଇଥିବା ସମୟରେ ସତ୍ୟଭାମା କେଉଁଆଡ଼େ ଗାଏବ ହୋଇଯାଇଥିବା କହିଛନ୍ତି ପରିବାରବର୍ଗ l ଏ ନେଇ ମେଡିକାଲ କତୃପକ୍ଷଙ୍କୁ ରୋଗୀଙ୍କ ସମ୍ପର୍କୀୟ ଜଣାଇବାପରେ ମେଡିକାଲ କତୃପକ୍ଷ ତଦନ୍ତ ଆରମ୍ଭ କରିଛନ୍ତି l ତେବେ ମେଡିକାଲ ଭିତରେ ସୁରକ୍ଷା କର୍ମୀ ପହରା ଦେଉଥିବା ବେଳେ ରୋଗୀ ଜଣକ କେମିତି କୁଆଡେ ଚାଲିଗଲେ ତାକୁ ନେଇ ଉଠିଛି ପ୍ରଶ୍ନ ?

ଗଞ୍ଜାମ ( ଦ କୁଇଭର ):- ଆନନ୍ଦ ଉଲ୍ଲାସକୁ ନେଇ ପ୍ରଥମ କରି ଗଞ୍ଜାମ ଜିଲ୍ଲ ପୋଲସରା ବ୍ଲକ ଅନ୍ତର୍ଗତ ମଥୁରା ପଞ୍ଚାୟତ ଅଧିନସ୍ଥ ଶରଣ ଶ୍ରୀକ୍ଷେତ୍ର ମାରଦା ପୀଠରେ ମଙ୍ଗଳବାର ମାରଦା ମହୋତ୍ସବ ୨୦୨୫ ବହୁ ଆଡ଼ମ୍ବର ସହକାରେ ଅନୁଷ୍ଠିତ ହୋଇଯାଇଛି । ମହୋତ୍ସବର ପ୍ରଥମ ସନ୍ଧ୍ୟାର କାର୍ଯ୍ୟକ୍ରମକୁ ମତ୍ସ୍ୟ ଓ ପଶୁ ସମ୍ପଦ ମନ୍ତ୍ରୀ ତଥା ମାରଦା ମହୋତ୍ସବର ସଭାପତି ଗୋକୁଳାନନ୍ଦ ମଲ୍ଲିକଙ୍କ ସଭାପତିତ୍ୱରେ ଅନୁଷ୍ଠିତ ହୋଇ ଯାଇଛି । ଯେଉଁଠି ମୁଖ୍ୟ ଅତିଥି ରୂପେ ଓଡ଼ିଶାର ପୂର୍ତ୍ତ, ଆଇନ ଓ ଅବକାରୀ ବିଭାଗର ମାନ୍ୟବର ମନ୍ତ୍ରୀ ପୃଥିରାଜ୍ ହରିଚନ୍ଦନ ଯୋଗ ଦେଇ ମାରଦା ମହୋତ୍ସବ ୨୦୨୫ ର ଶୁଭ ଉଦଘାଟନ କରିଥିଲେ । ସମ୍ମାନୀୟ ଅତିଥିଭାବେ ବାଣିଜ୍ୟ, ପରିବହନ, ଖଣି ଓ ଇସ୍ପାତ ମନ୍ତ୍ରୀ ବିଭୁତି ଭୂଷଣ ଜେନା, ଆସିକା ସାଂସଦ ଅନିତା ସୁଭଦର୍ଶିନୀ ଏବଂ ଗଞ୍ଜାମର ସମସ୍ତ ବିଧାୟକ ଓ ପ୍ରଶାସନିକ ସମସ୍ତ ଅଧିକାରୀ ମାନେ ଉପସ୍ଥିତି ରହି ବହୁ ପ୍ରସିଦ୍ଧ ମାରଦା ମନ୍ଦିର ଐତିହ୍ୟ ଓ ଜଗନ୍ନାଥ ସଂସ୍କୃତିର ବିଭିନ୍ନ କଳା ଗବେଷଣା ଉପରେ ନିଜେ ନିଜର ଅଭିଭାଷଣ ରଖିଥିଲେ । ଏପରିକି ଦକ୍ଷିଣ ଓଡ଼ିଶାର ବିଭିନ୍ନ ଲୋକକଳା ଓ ପାରମ୍ପାରିକ ନୃତ୍ୟ ଉପରେ ସ୍ଥାନୀୟ କଳାକାର ମାନେ ନିଜେ ନିଜର କଳା ପ୍ରତିଭା ପରିଦର୍ଶନ କରି ଉପସ୍ଥିତ ଅତିଥି ଏବଂ ଭିଡ଼ରେ ବସି ରହିଥିବା ସମସ୍ତ ଦର୍ଶକଙ୍କ ମନ ମୋହି ଥିଲେ । ପରେ ମାରଦା କମିଟି ଦ୍ବାରା ଆୟୋଜିତ କରାଯାଇଥିବା ସମସ୍ତ ରଙ୍ଗାରଙ୍ଗ କାର୍ଯ୍ୟକ୍ରମକୁ ନେଇ ଦର୍ଶକଙ୍କ ଭିଡ଼ ଲାଗିରହିଥିଲା ।